انڈیا اے آئی امپیکٹ سمٹ 2026 میں، سیشن ”سبھی کے لیے اے آئی بنانا: ذاتی، مقامی، کثیر لسانی اے آئی کی ضرورت“ میں دکھایا گیا کہ کس طرح زبان کی ٹیکنالوجی، کھلے بنیادی ڈھانچے اور عالمی شراکت داری ہر شہری تک اے آئی تک رسائی کو بڑھا سکتی ہے، خواہ کنیکٹیوٹی، خواندگی یا لسانی پس منظر کچھ بھی ہو۔

سیشن کا آغاز کرنٹ اے آئی اور بھاشینی کے لائیو مظاہرے کے ساتھ ہوا، جس میں ایک ہینڈ ہیلڈ، پرائیویسی کو محفوظ رکھنے والا کثیر لسانی اے آئی ڈیوائس پیش کیا گیا جو کم سے کم یا صفر کنیکٹیویٹی کے ساتھ مقامی طور پر چلانے کے قابل ہے۔ مظاہرے نے واضح کیا کہ کس طرح اسپیچ ریکگنیشن، ترجمہ اور وژن ماڈل ایک ساتھ کام کر سکتے ہیں، جس سے صارفین ڈیٹا کی رازداری کو برقرار رکھتے ہوئے اپنی مادری زبانوں میں اے آئی کے ساتھ بات چیت کر سکتے ہیں۔ شوکیس میں اس بات پر زور دیا گیا کہ کس طرح انٹرآپریبل، آف لائن قابل نظام اے آئی کو آخری میل تک، گاؤں کے علاقوں سے لے کر کم کنیکٹیوٹی والے ماحول تک پہنچا سکتے ہیں۔

ثقافتی بنیادوں پر مرکوز، شہریوں پر مبنی اے آئی پر مرکوز ایک ہنگامی بات چیت میں، جناب ابھیشیک سنگھ، ایڈیشنل سکریٹری، الیکٹرانکس اور انفارمیشن ٹیکنالوجی کی وزارت اور این بووروٹ، خصوصی ایلچی برائے مصنوعی ذہانت، حکومت فرانس شامل ہوئے۔

 

 

جناب ابھیشیک سنگھ نے نتائج پر مبنی جدت پر زور دیتے ہوئے کہا: ”جب ہم ٹیکنالوجی کو دیکھتے ہیں… تو حتمی مقصد ماڈل، ہارڈویئر، جی پی یو یا ڈیٹا پلیٹ فارم نہیں ہوتے؛ اصل مقصد یہ ہے کہ اس سے شہریوں اور کاروباروں کے لیے کیا قدر پیدا ہوتی ہے۔“ انہوں نے اس بات پر زور دیا کہ مصنوعی ذہانت اس وقت انقلابی بنتی ہے ”جب کوئی شخص جسے انٹرنیٹ یا ڈیجیٹل خواندگی تک رسائی حاصل نہ ہو، وہ اپنی زبان میں کسی ڈیوائس سے بات کر کے بامعنی جواب حاصل کر سکے۔“ سیاق و سباق کی مطابقت کو اہم قرار دیتے ہوئے انہوں نے مزید کہا کہ روایتی اور برادری کی دانش کو بھی مصنوعی ذہانت کے تربیتی ڈیٹاسیٹ کا حصہ بنانا چاہیے، جس کے لیے ایسے ڈیٹا شیئرنگ فریم ورک درکار ہیں جو عوامی مفاد، رازداری اور انصاف کے درمیان توازن قائم رکھیں۔

اینی بووروٹ نے مصنوعی ذہانت کے نظاموں میں ثقافتی نمائندگی کی اہمیت کو تقویت دی۔ انہوں نے کہا، ”مصنوعی ذہانت کو دنیا کو چند غالب ثقافتی ماڈل تک محدود نہیں کرنا چاہیے۔ جب ہم مصنوعی ذہانت سے تعامل کریں تو ہمیں اپنی برادریوں اور شناختوں کی جھلک نظر آنی چاہیے۔“ انہوں نے ایسے قابل اعتماد بین الاقوامی فریم ورک کی ضرورت پر زور دیا جو ذمہ دارانہ ڈیٹا شیئرنگ کو ممکن بنائیں، تخلیق کاروں کے حقوق کا تحفظ کریں اور عوامی اعتماد برقرار رکھیں اور یہ بھی نشاندہی کی کہ ”کوئی بھی ملک اکیلے پورا اے آئی اسٹیک تیار نہیں کر سکتا۔“

 دوسری فائر سائیڈ گفتگو میں، جس کی نظامت سشانت کمار (کلپا امپیکٹ) نے کی، آیا بدیر، سی ای او، کرنٹ اے آئی، اور امیتابھ ناگ، سی ای او، بھاشینی نے شرکت کی۔ اس گفتگو میں کثیر لسانی مصنوعی ذہانت کو جامع ڈیجیٹل عوامی بنیادی ڈھانچے کی بنیاد کے طور پر زیر بحث لایا گیا۔

 

 

امیتابھ ناگ نے واضح کیا کہ کثیر لسانی حقائق نے بھاشینی کے مشن کو کس طرح تشکیل دیا۔ انہوں نے کہا، ”ہم سب سے پہلے اپنی مادری زبان کے ساتھ پروان چڑھتے ہیں، اور پھر رسمی نظاموں میں داخل ہوتے ہیں جہاں متعدد زبانوں کی ضرورت پیش آتی ہے۔“ ہندوستانی زبانوں میں محدود ڈیجیٹل ڈیٹا کے چیلنج کا ذکر کرتے ہوئے انہوں نے کہا کہ قابل استعمال ماڈلوں کی تیاری کے لیے وسیع ڈیٹاسیٹ کا جمع کرنا اور مختلف شعبوں کے ساتھ اشتراک ناگزیر تھا۔ انہوں نے بتایا، ”آج، نفاذ اور مسلسل سیکھنے کے بعد، ہم روزانہ تقریباً 15 ملین اِنفرنسز چلا رہے ہیں،“ اور مزید کہا، ”مقصد سادہ ہے: نہ کوئی زبان پیچھے رہ جائے اور نہ کوئی شہری۔“

مجموعی طور پر اس سیشن میں ایک مشترکہ وژن پر زور دیا گیا: کثیر لسانی، ثقافتی بنیادوں پر استوار مصنوعی ذہانت — جو کھلے بنیادی ڈھانچے، رازداری کے تحفظ پر مبنی ڈیزائن اور بین الاقوامی تعاون سے تقویت پاتی ہو — جمہوری رسائی کے لیے ایک پل کا کردار ادا کر سکتی ہو، تاکہ تکنیکی پیش رفت تنوع کو مٹانے کے بجائے اسے مضبوط بنائے۔

                                          **************

ش ح۔ ف ش ع

20-02-2026

                                                                                                                                         U: 2825     

(ریلیز آئی ڈی: 2231064) وزیٹر کاؤنٹر : 8