انڈیا اے آئی امپیکٹ سمٹ 2026 میں "مبنی بر شمولیت اور مضبوط زرعی خوراک نظام کے لیے اے آئی" کے سیشن میں اس بات پر توجہ مرکوز کی گئی کہ مصنوعی ذہانت کس طرح سب سے زیادہ مستقل عالمی چنوتیوں میں سے ایک، خوراک کی پیداوار، تقسیم اور رسائی کے درمیان فرق ، سے نمٹ سکتی ہے۔ غور و خوض میں ڈیٹا، ڈیجیٹل انفراسٹرکچر اور سرحد پار تعاون کے کردار کا جائزہ لیا گیا تاکہ موسمیاتی لحاظ سے مضبوط زراعت کو فعال کیا جاسکے، سپلائی چین کو مضبوط کیا جائے اور اس بات کو یقینی بنایا جائے کہ کاشتکار ابھرتے ہوئے ڈیجیٹل ماحولیاتی نظام میں مکمل طور پر مربوط ہوں۔

مقررین نے اس امر پر روشنی ڈالی کہ اصل موقع نہ صرف زیادہ پیداوار میں ہے بلکہ ذہین، مربوط خوراک کے نظام کی تعمیر میں ہے جو طلب کے لیے حقیقی وقت میں جواب دے سکتے ہیں، ضیاع کو کم کر سکتے ہیں اور مارکیٹ تک رسائی کو بہتر بنا سکتے ہیں۔ انہوں نے کہا کہ اسے حاصل کرنے کے لیےصنعت، حکومتوں اور کثیر جہتی اداروں کی شراکت سے پائلٹ پروجیکٹوں سے لے کر بڑے پیمانے پر تعیناتی کی طرف جانے کے لیے باہم اثر پذیر ڈیٹا گورننس، شفاف اے آئی نظام، اور اختراع کے لیے واضح راستوں کی ضرورت ہوگی۔

بھارت میں نیدرلینڈ کے سفیر، ہیری ویرویج نے پائیداری اور قومی مضبوطی دونوں کے لیے اے آئی کے تابع زراعت کی کلیدی اہمیت کو اجاگر کیا۔ اس شعبے میں ڈیجیٹل اختیار کاری کی تیز رفتاری کا ذکر کرتے ہوئے، انہوں نے کہا کہ یہ "پیداواری صلاحیت کو بڑھانے اور خوراک کی عالمی پیداوار کی پائیداری، فطرت کے تحفظ کو بہتر بنانے، اور ایک جامع انداز میں آب و ہوا کی مضبوطی کو فروغ دینے کے واضح مواقع فراہم کرتی ہے،" انہوں نے مزید کہا کہ یہ پیش رفت بالآخر "ممالک کی خودمختاری اور استحکام" میں کردار ادا کرتی ہے۔

ڈیجن جیکوف لیوک ، چیف انفارمیشن آفیسر اور ڈائریکٹر، فوڈ اینڈ ایگریکلچر آرگنائزیشن (ایف اے او) نے خبردار کیا کہ ڈیجیٹل نظام سے باہر رہنے کا مطلب اب براہ راست اقتصادی اور سماجی محرومی ہے۔ اس بات کا مشاہدہ کرتے ہوئے کہ ڈیجیٹل نظام میں شرکت ناگزیر ہو گئی ہے، انہوں نے کہا کہ اگر کاشتکاروں یا برادریوں کو چھوڑ دیا جائے ، تو "وہ مؤثر طریقے سے ہر ماحولیاتی نظام سے خارج ہو جاتے ہیں،" انہوں نے مزید کہا کہ اے آئی کا عروج "ہمارے ڈیجیٹل ماحولیاتی نظام کے اندر مساوی مواقع" کی یقین دہانی کو ضروری بناتا ہے۔

ممتاز فیلو، نیتی فرنٹیئر ہب، دیبجانی گھوش، نے عالمی خوراک کی تقسیم میں ڈھانچہ جاتی عدم توازن کی جانب توجہ مبذول کرائی کہ جہاں ایک جانب دنیا آبادی کو کھانا کھلانے کے لیے کافی خوراک پیدا کرتی ہے، وہیں رسائی اور رسد میں کمی بھوک اور ضیاع دونوں میں اضافہ کر رہی ہے۔ صنعت کے زیر قیادت توسیع کی ضرورت پر زور دیتے ہوئے، انہوں نے کہا کہ ترجیح مسائل کو واضح طور پر بیان کرنے اور "مارکیٹ اور کمرشلائزیشن کے لیے ایک واضح راستہ" تخلیق کرنے پر ہے، جو ان پیچیدہ چنوتیوں کو حل کرنے کے لیے وقف عمدگی کے مراکز اور جدت طرازی کے مرکزوں کی وکالت کرتی ہے۔

ڈیٹا کے تابع حکمرانی اور اے آئی پالیسی کے لیے اپلائیڈ ریسرچ لیڈ، میساچوسٹس انسٹی ٹیوٹ آف ٹیکنالوجی سے سارہ رینڈٹرف اسمتھ نے عالمی فوڈ سپلائی چینوں  میں اے آئی کو توسیع دینے کے لیے شفافیت اور باہم اثر پذیر حکمرانی کے فریم ورک کی اہمیت پر زور دیا۔ بکھرے ہوئے ریگولیٹری نظاموں سے پیدا ہونے والی پیچیدگی کی طرف اشارہ کرتے ہوئے، انہوں نے کہا کہ "کاشتکاروں اور ریگولیٹرز کو شفافیت کی ضرورت ہے کہ کس طرح اے آئی سسٹم اپنے فیصلے کرتے ہیں" ۔ انہوں اس بات پر بھی زور دیا کہ تجارتی ٹریسیبلٹی اور مضبوط سرحد پار زرعی نیٹ ورکس کو فعال کرنے کے لیے مضبوط انٹرآپریبلٹی ضروری ہے۔

سیشن میں اس بات پر بھی روشنی ڈالی گئی کہ اے کے تابع زرعی نظام پیداواری فوائد سے آگے بڑھ سکتے ہیں تاکہ آب و ہوا کے لیے لچکدار کاشتکاری، ذہین سپلائی چینوں  اور مارکیٹ تک رسائی کو قابل بنایا جا سکے۔ ڈیجیٹل انفراسٹرکچر کو شفاف حکمرانی ، نجی شعبے کی اختراعات اور بین الاقوامی تعاون سے جوڑ کر، مقررین نے اس بات پر زور دیا کہ اے آئی خوراک کے ایسے نظام کی تعمیر میں مدد کر سکتا ہے جو نہ صرف زیادہ موثر ہو، بلکہ زیادہ مساوی اور مضبوط بھی ہو۔

**********

 (ش ح –ا ب ن)

U.No:2810

(ریلیز آئی ڈی: 2230969) وزیٹر کاؤنٹر : 6