ਭਾਰਤੀ ਜਲ ਸੈਨਾ ਨੇ 18 ਫਰਵਰੀ 2026 ਨੂੰ ਵਿਸ਼ਾਖਾਪਟਨਮ ਤੱਟ ‘ਤੇ ਇੰਟਰਨੈਸ਼ਨਲ ਫਲੀਟ ਸਮੀਖਿਆ (ਆਈਐੱਫਆਰ) 2026 ਦਾ ਸਫ਼ਲਤਾਪੂਰਵਕ ਆਯੋਜਨ ਕੀਤਾ। ਇਸ ਵਿੱਚ 74 ਦੇਸ਼ਾਂ ਦੀ ਭਾਗੀਦਾਰੀ ਦੇ ਨਾਲ ਇੱਕ ਸ਼ਾਨਦਾਰ ਸਮੁੰਦਰੀ ਆਯੋਜਨ ਕੀਤਾ ਗਿਆ ਜਿਸ ਵਿੱਚ ਗਲੋਬਲ ਜਲ ਸੈਨਾ ਸਹਿਯੋਗ, ਪੇਸ਼ੇਵਰ ਸਦਭਾਵਨਾ ਅਤੇ ਭਾਰਤ ਦੀ ਸਮੁੰਦਰੀ ਸਮਰੱਥਾ ਨੂੰ ਪ੍ਰਦਰਸ਼ਿਤ ਕੀਤਾ ਗਿਆ। ਆਈਐੱਫਆਰ 2026 ਭਾਰਤ ਦੁਆਰਾ ਆਯੋਜਿਤ ਤੀਸਰੀ ਇੰਟਰਨੈਸ਼ਨਲ ਫਲੀਟ ਸਮੀਖਿਆ ਸੀ, ਇਸ ਤੋਂ ਪਹਿਲਾਂ ਮੁੰਬਈ (2001) ਅਤੇ ਵਿਸ਼ਾਖਾਪਟਨਮ (2016) ਵਿੱਚ ਇਸ ਦਾ ਆਯੋਜਨ ਹੋ ਚੁੱਕਿਆ ਸੀ।

ਜਲ ਸੈਨਾ ਦੀ ਰਾਸ਼ਟਰਪਤੀ ਸਮੀਖਿਆ

(ਪ੍ਰੈੱਸ ਰਿਲੀਜ਼ ਰਾਸ਼ਟਰਪਤੀ ਸਕੱਤਰੇਤ

- https://www.pib.gov.in/PressReleasePage.aspx?PRID=2229534®=3&lang=1 )

ਭਾਰਤ ਦੇ ਮਾਣਯੋਗ ਰਾਸ਼ਟਰਪਤੀ ਸ਼੍ਰੀਮਤੀ ਦ੍ਰੌਪਦੀ ਮੁਰਮੂ ਅਤੇ ਹਥਿਆਰਬੰਦ ਸੈਨਾਵਾਂ ਦੀ ਸੁਪਰੀਮ ਕਮਾਂਡਰ ਨੇ ਸਵਦੇਸ਼ੀ ਤੌਰ ‘ਤੇ ਨਿਰਮਿਤ ਆਫਸ਼ੋਰ ਪੈਟਰੋਲ ਵੈਸਲ ਆਈਐੱਨਐੱਸ ਸੁਮੇਧਾ ਨਾਲ ਫਲੀਟ ਦਾ ਨਿਰੀਖਣ ਕੀਤਾ। ਜਿਸ ਨੇ ਇਸ ਮੌਕੇ ‘ਤੇ ਰਾਸ਼ਟਰਪਤੀ ਯਾਚਟ ਦੇ ਰੂਪ ਵਿੱਚ ਕੰਮ ਕੀਤਾ। ਆਈਐੱਨਐੱਸ ਸੁਮੇਧਾ ਅਸ਼ੋਕ ਪ੍ਰਤੀਕ ਨਾਲ ਸਜਾਇਆ ਗਿਆ ਸੀ ਅਤੇ ਇਸ ਦੇ ਮਸਤੂਲ ‘ਤੇ ਰਾਸ਼ਟਰਪਤੀ ਦਾ ਝੰਡਾ ਲਹਿਰਾਇਆ ਗਿਆ ਸੀ।

150 ਵਿਅਕਤੀਆਂ ਦੀ ਟੁਕੜੀ ਦੁਆਰਾ ਰਸਮੀ ਗਾਰਡ ਆਫ ਔਨਰ ਅਤੇ 21 ਤੋਪਾਂ ਦੀ ਸਲਾਮੀ ਤੋਂ ਬਾਅਦ, ਮਾਣਯੋਗ ਰਾਸ਼ਟਰਪਤੀ ਆਈਐੱਨਐੱਸ ਸੁਮੇਧਾ ֲਤੇ ਸਵਾਰ ਹੋਏ ਅਤੇ ਵਿਸ਼ਾਖਾਪਟਨਮ ਤੱਟ ‘ਤੇ 52 ਜਹਾਜ਼ਾਂ ਦੇ ਫਲੀਟ ਦੇ ਸਾਹਮਣੇ ਤੋਂ ਨਿਕਲੀਆਂ।

ਫਲੀਟ ਸਮੀਖਿਆ ਵਿੱਚ 19 ਵਿਦੇਸ਼ੀ ਜੰਗੀ ਜਹਾਜ਼ਾਂ ਸਮੇਤ ਕੁੱਲ 85 ਜਹਾਜ਼ਾਂ  ਨੇ ਹਿੱਸਾ ਲਿਆ, ਜੋ ਸਮੁੰਦਰੀ ਭਾਗੀਦਾਰੀ ਦੇ ਪੈਮਾਨੇ ਅਤੇ ਵਿਭਿੰਨਤਾ ਨੂੰ ਦਰਸਾਉਂਦਾ ਹੈ।

ਭਾਰਤੀ ਫਲੀਟ ਵਿੱਚ ਭਾਰਤੀ ਜਲ ਸੈਨਾ ਦੇ 60 ਜਹਾਜ਼, ਭਾਰਤੀ ਤੱਟਰੱਖਿਅਕ ਬਲ ਦੇ ਚਾਰ ਜਹਾਜ਼ ਅਤੇ ਸ਼ਿਪਿੰਗ ਕਾਰਪੋਰੇਸ਼ਨ ਆਫ਼ ਇੰਡੀਆ ਅਤੇ ਨੈਸ਼ਨਲ ਇੰਸਟੀਟਿਊਟ ਆਫ਼ ਓਸ਼ਨ ਤਕਨਾਲੋਜੀ ਦਾ ਇੱਕ-ਇੱਕ ਜਹਾਜ਼ ਸ਼ਾਮਲ ਸੀ।

ਇਸ ਸਮੀਖਿਆ ਵਿੱਚ ਭਾਰਤੀ ਜਲ ਸੈਨਾ ਦੀਆਂ ਤਿੰਨ ਪਣਡੁੱਬੀਆਂ, ਇੱਕ ਫਰਾਂਸੀਸੀ ਐਟਲਾਂਟਿਕ ਸਮੁੰਦਰੀ ਗਸ਼ਤੀ ਜਹਾਜ਼ ਅਤੇ 60 ਤੋਂ ਵੱਧ ਜਹਾਜ਼ਾਂ ਦੀ ਭਾਗੀਦਾਰੀ ਵੀ ਸ਼ਾਮਲ ਸੀ, ਜੋ ਪ੍ਰਦਰਸ਼ਿਤ ਬਹੁ-ਖੇਤਰੀ ਸੰਚਾਲਨ ਸਮਰੱਥਾ ਅਤੇ ਤਾਲਮੇਲ ਵਾਲੀ ਸਮੁੰਦਰੀ ਮੌਜੂਦਗੀ ਨੂੰ ਰੇਖਾਂਕਿਤ ਕਰਦੀ ਹੈ।

ਮਾਣਯੋਗ ਰਾਸ਼ਟਰਪਤੀ ਨੇ ਭਾਰਤੀ ਜਲ ਸੈਨਾ ਦੀ ਹਵਾਈ ਸੈਨਾ ਦਾ ਨਿਰੀਖਣ ਵੀ ਕੀਤਾ, ਜਿਸ ਵਿੱਚ ਹੈਲੀਕੌਪਟਰਾਂ ਅਤੇ ਜਹਾਜ਼ਾਂ ਦੀ ਫਲਾਈ-ਪਾਸਟ ਸ਼ਾਮਲ ਸੀ। ਇਸ ਤੋਂ ਬਾਅਦ ਜੰਗੀ ਜਹਾਜ਼ਾਂ ਅਤੇ ਪਣਡੁੱਬੀਆਂ ਦਾ ਇੱਕ ਕਾਫਿਲਾ ਰਾਸ਼ਟਰਪਤੀ ਯਾਚਟ ਦੇ ਸਾਹਮਣੇ ਤੋਂ ਲੰਘਿਆ। ਇਸ ਪ੍ਰੋਗਰਾਮ ਵਿੱਚ ਸਮੁੰਦਰੀ ਅਤੇ ਤੱਟਵਰਤੀ ਪ੍ਰਦਰਸ਼ਨ ਵੀ ਸ਼ਾਮਲ ਸਨ, ਜਿਨ੍ਹਾਂ ਵਿੱਚ ਪਾਲ ਪਰੇਡ, ਖੌਜ ਅਤੇ ਬਚਾਅ ਅਭਿਆਨ ਅਤੇ ਹਾਕ ਜਹਾਜ਼ਾਂ ਦੁਆਰਾ ਹਵਾਈ ਅਭਿਆਸ ਸ਼ਾਮਲ ਸਨ।

ਇਸ ਮੌਕੇ ‘ਤੇ ਆਪਣੇ ਸੰਬੋਧਨ ਵਿੱਚ ਮਾਣਯੋਗ ਰਾਸ਼ਟਰਪਤੀ ਨੇ ਕਿਹਾ ਕਿ ਅੱਜ ਇੰਨੇ ਸਾਰੇ ਮਿੱਤਰ ਦੇਸ਼ਾਂ ਦੀ ਭਾਗੀਦਾਰੀ ਨਾਲ ਮਿੱਤਰਤਾ ਦੀ ਭਾਵਨਾ ਇਸ ਸੱਚ ਨੂੰ ਉਜਾਗਰ ਕਰਦੀ ਹੈ ਕਿ ਸਮੁੰਦਰ ਸਾਨੂੰ ਵੰਡਦਾ ਨਹੀਂ ਸਗੋਂ ਇਕਜੁੱਟ ਕਰਦੇ ਹਨ। ਸਮੁੰਦਰੀ ਖੇਤਰ ਸਮੇਤ ਅੰਤਰਰਾਸ਼ਟਰੀ ਸਬੰਧਾਂ ਦੇ ਪ੍ਰਤੀ ਭਾਰਤ ਦਾ ਦ੍ਰਿਸ਼ਟੀਕੋਣ ‘ਵਸੁਧੈਵ ਕੁਟੁੰਬਕਮ’  ਦੇ ਸਾਡੇ ਆਦਰਸ਼ਾਂ ਤੋਂ ਪ੍ਰੇਰਿਤ ਹੈ। ਇਹ ਦ੍ਰਿਸ਼ਟੀਕੋਣ ਇਸ ਗਿਆਨ ਨੂੰ ਦਰਸਾਉਂਦਾ ਹੈ ਕਿ ਵਿਸ਼ਵਵਿਆਪੀ ਸੁਰੱਖਿਆ, ਵਿਕਾਸ, ਸਥਿਰਤਾ ਅਤੇ ਸਥਿਰਤਾ ਮਿੱਤਰਤਾ ਰਾਹੀਂ ਹੀ ਨਿਰਮਿਤ ਹੁੰਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਹ ਸਮੀਖਿਆ ਭਾਰਤ ਦੇ ‘ਮਹਾਸਾਗਰ’ ਦੇ ਦ੍ਰਿਸ਼ਟੀਕੋਣ ਨੂੰ ਵੀ ਵਧਾਉਂਦੀ ਹੈ, ਜਿਸ ਦਾ ਅਰਥ ਹੈ ‘ਖੇਤਰਾਂ ਵਿੱਚ ਸੁਰੱਖਿਆ ਅਤੇ ਵਿਕਾਸ ਲਈ ਆਪਸ ਅਤੇ ਸਮੁੱਚੀ ਉੱਨਤੀ’। ਇਸ ਸਮੀਖਿਆ ਦੇ ਸੰਦੇਸ਼- ‘ਮਹਾਸਾਗਰਾਂ ਦੇ ਮਾਧਿਅਮ ਨਾਲ ਇਕਜੁੱਟ’ ਵਿੱਚ ਇਕਜੁੱਟਤਾ ਦੀ ਭਾਵਨਾ ਸਪਸ਼ਟ ਤੌਰ ‘ਤੇ ਝਲਕਦੀ ਹੈ। ਇਹ ਗਲੋਬਲ ਭਾਈਚਾਰੇ ਲਈ ਇੱਕ ਸਕਾਰਾਤਮਕ ਸੰਦੇਸ਼ ਹੈ ਕਿ ਸਮੂਹਿਕ ਜਲ ਸੈਨਾ ਸ਼ਕਤੀ ਹੀ ਸਮੁੰਦਰੀ ਚੁਣੌਤੀਆਂ ‘ਤੇ ਜਿੱਤ ਪ੍ਰਾਪਤ ਕਰ ਸਕਦੀ ਹੈ।

ਇੰਟਰਨੈਸ਼ਨਲ ਫਲੀਟ ਸਮੀਖਿਆ ਦਾ ਸਿੱਧਾ ਪ੍ਰਸਾਰਣ ਦੂਰਦਰਸ਼ਨ ਦੇ ਚੈਨਲਾਂ (ਡੀਡੀ ਨੈਸ਼ਨਲ ਅਤੇ ਡੀਡੀ ਵਿਜੈਵਾੜਾ) ‘ਤੇ ਕੀਤਾ ਗਿਆ ਅਤੇ ਭਾਰਤੀ ਜਲ ਸੈਨਾ ਦੇ ਅਧਿਕਾਰਿਤ ਸੋਸ਼ਲ ਮੀਡੀਆ ਪਲੈਟਫਾਰਮ ਯੂਟਿਊਬ (@IndianNavyOfficial) ਅਤੇ ਫੇਸਬੁੱਕ (@IndianNavy) ‘ਤੇ ਵੀ ਸਿੱਧਾ ਪ੍ਰਸਾਰਣ ਕੀਤਾ ਗਿਆ, ਜਿਸ ਨਾਲ ਭਾਰਤ ਅਤੇ ਵਿਦੇਸ਼ ਵਿੱਚ ਦਰਸ਼ਕ ਇਸ ਪ੍ਰੋਗਰਾਮ ਨੂੰ ਦੇਖ ਸਕੇ। ਪ੍ਰੋਗਰਾਮ ਦੇ ਰਿਕਾਰਡ ਕੀਤੇ ਗਏ ਪ੍ਰਸਾਰਣ (ਮੁੜ ਪ੍ਰਸਾਰਣ) ਇਨ੍ਹਾਂ ਚੈਨਲਾਂ ‘ਤੇ ਦੇਖਣ ਲਈ ਉਪਲਬਧ ਹਨ। ਇੰਟਰਨੈਸ਼ਨਲ ਫਲੀਟ ਸਮੀਖਿਆ 2026 ਨੇ “ਮਹਾਸਾਗਰਾਂ ਦੇ ਮਾਧਿਅਮ ਨਾਲ ਇਕਜੁੱਟ” ਵਿਸ਼ੇ ਦੇ ਅਨੁਸਾਰ ਸਮੁੰਦਰੀ ਸਹਿਯੋਗ, ਅੰਤਰ-ਕਾਰਜਸ਼ੀਲਤਾ ਅਤੇ ਸਮੂਹਿਕ ਸੁਰੱਖਿਆ ਦੇ ਪ੍ਰਤੀ ਭਾਰਤ ਦੀ ਵਚਨਬੱਧਤਾ ਦੀ ਪੁਸ਼ਟੀ ਕੀਤੀ, ਨਾਲ ਹੀ ਭਾਰਤੀ ਜਲ ਸੈਨਾ ਦੀ ਸਵਦੇਸ਼ੀ ਸਮਰੱਥਾ, ਸੰਚਾਲਨ ਪੇਸ਼ੇਵਰਤਾ ਅਤੇ ਸਮਾਨ ਵਿਚਾਰਧਾਰਾ ਵਾਲੀਆਂ ਜਲ ਸੈਨਾਵਾਂ ਦੇ ਨਾਲ ਸਥਾਈ ਸਾਂਝੇਦਾਰੀ ਨੂੰ ਉਜਾਗਰ ਕੀਤਾ।

***********

ਵੀਐੱਮ/ਐੱਸਪੀਐੱਸ   /ਬਲਜੀਤ 

(Release ID: 2230133) ਵਿਜ਼ੀਟਰ ਕਾਊਂਟਰ : 6