وزارت تعلیم انڈیا اے آئی امپیکٹ سمٹ 2026 میں 17 فروری 2026 کو بھارت منڈپم، دہلی میں ’’منسٹری آف ایجوکیشن- پشنگ دی فرنٹیئر آف اے آئی اِن انڈیا‘‘ کے عنوان سے ایک خصوصی سیشن کا اہتمام کر رہا ہے۔

اس سیشن میں تعلیم کے مرکزی وزیر جناب دھرمیندر پردھان اور تعلیم اور ہنرمندی کی ترقی اور صنعت کاری کے وزیر مملکت جناب جینت چودھری شرکت کریں گے، جو تعلیم میں مصنوعی ذہانت کی تبدیلی کی صلاحیت کو بروئے کار لانے کے لیے وزارت کی مسلسل کوششوں میں ایک اور اہم سنگ میل کا نشان ہے۔

یہ سیشن قومی تعلیمی پالیسی (این ای پی)2020 کے وژن اور وکست بھارت 2047 کے قومی اہداف کے ساتھ ہم آہنگ تعلیمی ماحولیاتی نظام میں اے آئی کو مربوط کرنے کے لیے وزارت کے نقطہ نظر کا حصہ ہے۔

پچھلی دہائی کے دوران، وزارت تعلیم نے بتدریج قومی ڈیجیٹل پلیٹ فارمز، پالیسی فریم ورک، ادارہ جاتی اصلاحات، اور اسکولی تعلیم، اعلیٰ تعلیم، ہنر مندی، اور جدید تحقیق اور اختراعی ماحولیاتی نظام پر محیط بڑے پیمانے پر صلاحیت سازی سے متعلق پہل قدمیوں کے ذریعے اے آئی کے تابع تعلیم کی بنیادیں رکھی ہیں۔

گذشتہ برس کے بجٹ کے اعلان کے بعد، حکومت نے آئی آئی ٹی مدراس میں تعلیم کے لیے اے آئی میں ایک عمدگی کا مرکز قائم کیا ہے۔ وزارت نے تعلیمی اداروں، صنعت، سول سوسائٹی اور حکومتی اداروں کے ساتھ وسیع پیمانے پر مشاورت بھی کی ہے تاکہ تعلیم میں اے آئی کے انضمام کے لیے روڈ میپ تیار کیا جا سکے۔ حال ہی میں، وزیر نے تعلیم کے شعبے میں کام کرنے والے اے آئی سٹارٹ اپ کے بانیوں کے ساتھ بات چیت کی اور دو روزہ "بھارت بودھن اے آئی کانکلیو 2026" کی صدارت کی، جس میں ذمہ دار اے آئی سے چلنے والی تبدیلی کو آگے بڑھانے کے لیے کلیدی شراکت داروں کو اکٹھا کیا گیا۔

چوٹی کانفرنس کے سیشن میں ہندوستان کے پالیسی وژن سے بڑے پیمانے پر نفاذ کی طرف تبدیلی، عوامی ڈیجیٹل انفراسٹرکچر کا فائدہ اٹھانا، عمدگی کے مراکز ، اساتذہ کے تربیتی پروگرام، نصاب کے انضمام اور صنعت اور اسٹارٹ اپس کے ساتھ گہرے تعاون پر روشنی ڈالی جائے گی۔

پینل میں تعلیمی، صنعت اور سرمایہ کاری کے ماحولیاتی نظام کے نامور رہنما شامل ہوں گے:

ڈاکٹر شریدھر ویمبو، زوہو کارپوریشن کے بانی اور سی ای او

ڈاکٹر وبھو متل، تکنیکی ماہر اور اختراع کار لیڈر، انفلیکشن

جناب رنجن آنندن، منیجنگ ڈائرکٹر، پیک ایکس وی پارٹنرس

پروفیسر منندر اگروال، ڈائرکٹر، آئی آئی ٹی کانپور

پروفیسر وی کاماکوٹی، ڈائرکٹر، آئی آئی ٹی مدراس

پروفیسر سنیتا سراوگی، آئی آئی ٹی بامبے

اس سیشن کی نظام آئی آئی ٹی جمو کے ڈائرکٹر پروفیسر منوج ایس گوڑ کریں گے۔

تبادلہ خیال میں اس بات پر توجہ مرکوز کی جائے گی کہ کس طرح حکمرانی کا فریم ورک، قومی سیکھنے کے پلیٹ فارم، سودیشی اے آئی اختراعات، اور اہم اے آئی ماڈلز کی ذمہ دارانہ تعیناتی ہندوستان میں تعلیم کے نتائج کو نئی شکل دینے کے لیے یکجا ہو رہی ہے۔ الگ تھلگ پائلٹس کے بجائے نظامی مداخلتوں پر زور دیتے ہوئے، سیشن یہ ظاہر کرے گا کہ کس طرح پالیسی، اداروں اور ٹیکنالوجی کو پائیدار، ملک گیر اثرات کے لیے ہم آہنگ کیا جا رہا ہے۔

اس سیشن کا مقصد بھارت کے قومی اے آئی – اِن – ایجوکیشن روڈ میپ پر غور و فکر کرنا، صنعت-تعلیمی-حکومتی تعاون کو مضبوط بنانا ہے۔

یہاں براہِ راست نشریہ ملاحظہ کریں: https://www.youtube.com/live/WHsBKKrczHU?si=0Dr5hS2nNH3r3ulT

***

 (ش ح –ا ب ن)

U.No:2547

(ریلیز آئی ڈی: 2228861) وزیٹر کاؤنٹر : 3