প্রধানমন্ত্রীগী লোইশঙ
পি.এম.গী সেবা তীর্থগী অহানবা ৱারেপ্তগী সেবা তৌবগী ৱাখল্লোন অমদি খুন্নাই অসিগী মীওই কাংলুপ খুদিংমক্তা নুং য়ৌনা ফাওহনবা ঙমখ্রে
পি.এম.না নুপীশিং, নহাশিং, অমসুং খুদোংথিবা নংলবা নাগরিকশিংগীদমক্তা মরু ওইবা ৱারেপশিংগা মরি লৈনবা মরুওইবা ফাইলশিংদা খুৎয়েক পীখ্রে
মরুওইবা অনৌবা থৌরাংশিং: পি.এম.রাহত স্কীম, লাখপতি দিদিশকি পান্দম অসি শরুক অনি হেনগত্তুনা লুপা করোর ৬, এগৃকলচর ইনফ্রাস্ত্রকচর ফন্দা অসি শরুক অনি হেনগত্তুনা লুপা করোর লাখ অনি, স্তার্তঅপ ইন্দিয়া ফন্দ ওফ ফন্দ অনিগা দসমিক সিনোদা লুপা করোর লিশিং তরাগী কোরপসকা কোন্ননা
থাগৎখিবা:
13 FEB 2026 4:16PM by PIB Imphal
সেবা তীর্থদা ওন্থরবা তৌরবা মতুংদা মহাক্কী অহানবা ৱারেপশিংদা পি.এম. মোদীনা মহাক্কী সেবাগী ৱাখল্লোন অদু উহনবা ৱারেপশিংগা মরি লৈনবা মরুওইবা ফাইলশিংদা খুৎয়েক পিনখি। ৱারেপশিং অসিনা খুন্নাইগী শরুক খুদিংমক শোকহল্লি: লৌমিশিং, নুপীশিং, নহাশিং, অমসুং খুদোংথিবা নংলবা নাগরিকশিং।
১.পি.এম.রাহত স্কীম: নাগরিক খুদিংমক্কী পুন্সী কন্নবগীদমক্তা
প্রধান মন্ত্রীনা পি.এম.রাহত স্কীম হৌদোকপগী অয়াবা পিখ্রে।
থৌরাং অসিগী মখাদা এক্সিদেন্ততা শোক্লবশিংনা লুপা লাখ অমগা দসমিক অমা ফাওবগী শেল তিংদনা লায়েংবা ফংগনি, মসিনা খুদক্কী ওইবা মেদিকেলগী মতেং ফংদবনা মরম ওইদুনা কনাগুম্বা অমত্তানা মখোয়গী পুনশি মাংহনবা ঙম্লোই।
2. লাখপতি দিদিগী পান্দম অসি শরুক অনি হেনগত্তুনা কোতি তরুক্তা হেনগৎলে
সরকারনা লাখপতি দিদিগী লেনমার্ক অসি করোর অহুম লানখ্রে, মসিনা মসিনা লিশিং অনিগা কুনতরেৎকী মার্চকি অহানবা তাইমলাইন্দগী চহি অমা হেন্না মাংজিল থাখ্রে।
পি.এম.না হৌজিক মার্চ লিশিং অনিগা কুন মাপলফাওবগী নুংদা লাখপতি দিদি কোতি তরুক্কী অনৌবা, হেন্না চাওবা পান্দম অমা থমখ্রে, মসিনা স্কেল অমসুং এসপিরেসন অনিমক শরুক অনি হেনগৎহল্লে।
৩.লৌমিশিংদা অচৌবা মতেং : এগৃকলচর ইনফ্রাস্ত্রকচর ফন্দগী লোনগী পান্দম অদু শরুক অনি হেনগৎহন্দুনা লুপা করোর লাখ অনি য়ৌহনখ্রে।
ভারতকি এগৃকলচরেল ভেল্যু চেন পুম্নমক মপাঙ্গল কনখৎহন্নবা পান্দমদা পি.এম.না এগৃকলচর ইনফ্রাস্ত্রকচর ফন্দগী লোনগী পান্দম অদু লুপা কোতি লাখ ১দগী লুপা করোর লাখ অনিদা শরুক অনি হেনগৎহন্নবা লাওথোকখ্রে।
৪.লুপা করোর লিশিং তরাগী কোরপসকা লোয়ননা ইন্দিয়া ফন্দা ওফ ফন্দস অনিগা দসমিক সিনোগী স্তার্তঅপ তৌবা: ইনোবেসনগী মথংগী খোঙচৎ
ভারতকি ইনোবেসন ইকোসিস্তেমদা, মরুওইনা দিপ তেক, অহানবা তাঙ্কক্কী ৱাখল্লোনশিং, অহোঙবা মেন্যুফেকচরিং, অমসুং ব্রেকথ্রু তেক্নোলোজিশিংদা পাৱর পিনবা পি.এম.না লুপা করোর লিশিং তরাগী কোরপসকা লোয়ননা স্তার্তঅপ ইন্দিয়া এফ.ও.এফ. অনিগা দসমিক সিনোগী অয়াবা পিখ্রে।
***
(রিলিজ আই.দি.: 2228116)
ভিজিতর কাউন্তর : 29
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam