وزیراعظم نریندر مودی  کی صدارت میں کل کابینہ کمیٹی برائے اقتصادی امور نے  تلنگانہ میں 80.01 کلومیٹر کی کل پروجیکٹ لمبائی اور 3175.08 کروڑ روپے کی کل سرمایہ لاگت کے ساتھ قومی شاہراہ 167 کو گڈے بیلور سے محبوب نگر تک، جو  حیدرآباد-پنجی اقتصادی راہداری کا حصہ ہے، چار لین  تک توسیع دینے کو منظوری دے دی ہے یہ منصوبہ این ایچ (O) اسکیم کے تحت ہائبرڈ اینوئیٹی موڈ(ایچ اے ایم) پر مکمل کیا جائے گا۔

اس وقت موجودہ این ایچ-167 پر گڈے بیلور سے محبوب نگر کے درمیان رابطہ سڑک کی ناقص صورتحال  اور شہری علاقوں میں ٹریفک کی شدید بھیڑ بھاڑ کی وجہ سے سفر میں نمایاں تاخیر کا سامنا ہے۔ یہ شاہراہ گڈے بیلور، مگنور، مکتھل، ماریکل، دیورکدرا، جکلیر، یلیگندلا اور باندرپلی جیسے گنجان آباد قصبوں اور دیہات سے گزرتی ہے۔ ان مسائل کے حل کے لیے اس منصوبے کو چار لین معیار کے مطابق وسعت  دینے کی تجویز پیش کی گئی ہے۔یہ منصوبہ ریاست تلنگانہ کے نارائن پیٹ اور محبوب نگر اضلاع کے لیے نمایاں فوائد فراہم کرے گا۔ اس سے مال برداری میں بہتری آئےگی، لاجسٹکس لاگت میں کمی آئے گی اور خطے میں سماجی و معاشی ترقی کو فروغ ملے گا۔

یہ منصوبہ دو بڑی قومی شاہراہوں، قومی شاہراہ 150 اورقومی شاہراہ167این، سے مربوط ہوگا، جس سے تلنگانہ بھر میں اہم معاشی، سماجی اور لاجسٹک مراکز تک بلا رکاوٹ رسائی ممکن ہوگی۔ مزید برآں، اپ گریڈ شدہ کوریڈور تین پی ایم گتی شکتی اکنامک نوڈز، نو سماجی نوڈز اور سات لاجسٹک نوڈز سے رابطہ فراہم کر کے خطے میں سامان اور مسافروں کی تیز رفتار نقل و حرکت  میں سہولت پیدا کرے گا۔

مکمل ہونے  کے بعد این ایچ-167 کی اپ گریڈیشن علاقائی اقتصادی ترقی میں اہم کردار ادا کرے گی، بڑے مذہبی اور معاشی مراکز کے درمیان رابطے کو مضبوط بنائے گی اور تجارت و صنعتی ترقی کے لیے نئے مواقع پیدا کرے گی۔ 80.01 کلومیٹر طویل مجوزہ کنٹرولڈ ایکسیس چار لین منصوبہ تقریباً 14.4 لاکھ افراد کے لیے براہ راست اور 17.9 لاکھ افراد کے لیے بالواسطہ روزگار کے مواقع (پرسن ڈیز) پیدا کرے گا۔ اس کے علاوہ، مجوزہ کوریڈور کے اطراف میں معاشی سرگرمیوں میں اضافے کے باعث مزید روزگار کے مواقع بھی پیدا ہوں گے۔

ضمیمہ-I: پروجیکٹ کی تفصیلات

 

***

ش ح-ا ع خ   ۔ر  ا

U-No- 2469

(ریلیز آئی ڈی: 2228107) وزیٹر کاؤنٹر : 7