প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী ন্যু দিল্লিদা সেবা তির্থ অমসুং কর্তব্য ভবন-১ অমসুং ২ শঙ্গাবা থৌরমদা ৱা ঙাংখ্রে
ভারতকী মীয়ামগী অনিংবশিং থুংহন্নবা সেবা তির্থ অমসুং কর্তব্য ভবন শাবনি: প্রধান মন্ত্রী
ঐখোয় বিকসিত ভারতকী মাইকৈদা চঙশিনবগা লোয়ননা, ভারতনা লোয়লম লৈঙাক্কী ৱাখল্লোনশিং থাদোকপা য়াম্না মরুওই: প্রধান মন্ত্রী
রেস কোর্দ রোর্দ লোক কলয়ান মার্গ হায়না মমিং থোল্লে, মসি ইচম চম্না মমিং খক হোংবা নত্তে, মসি শক্তি পায়বগী ৱাখল্লোন অসি মীয়ামগী থবক তৌনবা ৱাখল্লোন অমদা অওনবা পুরক্নবা থবক অমনি: প্রধান মন্ত্রী
অনৌবা প্রধান মন্ত্রীগী ওফিস সেবা তির্থ হায়না মমিং থোল্লে; সেবা নত্ত্রগা থবক তৌনবা ৱাখল্লোন অসি ভারতকী থৱায়নি, মসি ভারতকী শক্তমনি: প্রধান মন্ত্রী
থাগৎখিবা:
13 FEB 2026 7:32PM by PIB Imphal
ঙসি ন্যু দিল্লিদা প্রধান মন্ত্রী শ্রী নরেন্দ্র মোদীনা সেবা তির্থ অমসুং কর্তব্য ভবন-১ অমসুং ২ শঙ্গাবা থৌরমদা ৱা ঙাংখ্রে। থৌরম অদুদা প্রধান মন্ত্রীনা হায়খি মদুদি ঙসি ঐখোয়না অনৌবা পুৱারি অমা শেম্বা উবা ফংলে। বিক্রম সম্ভাত ২০৮২দা, ফালগুন পাকসা মনুংদা, বিজয়া একাদাসিগী শেংলবা থৌরমদা, মাঘ ২৪ দা অমসুং হৌজিক্কী মতম ফেব্রুৱারি ১৩,২০২৬, নুমিৎ অসিদা ভারতকী চাউখৎপগী খোঙচৎকী অনৌবা অহৌবা অমা উবা ফংলে। অরিবা লাইরিকশিংদা, বিজয়া একাদসি অসি য়াম্না মরুওই, নুমিৎ অসিদা লৌবা ৱারেপশিং মতম পুম্নমক্ত মাইপাকই। ঙসি, বিকসিত ভারত অমগী ৱাশক্ক লোয়ননা, ঐখোয় সেবা তির্থ অমসুং কর্তব্য ভবন্দা হোঙজিল্লে। পান্দম অসি ফংনবা ঈশ্বরগী থৌজাল মখোয়দা লৈরে। সেবা তির্থ অমসুং অনৌবা শঙলেনশিংদা থবক তৌরিবা পি.এম.ওগী কাংবু, কেবিনেত সেক্রেতরিয়েত অমসুং তোঙান তোঙানবা বিভাগশিংগী ইমপ্লোইয়িশিং হরাওবা ফোঙদোকচরি। শেমগৎ-শাগৎপদা শরুক য়াখিবা ইঞ্জিনিয়ারশিং অমসুং শিন্মীশিংদা তৌবীমল খঙবা উৎচরি।
প্রধান মন্ত্রীনা হায়খি নিংতম্লবা মতুংদা, লৈবাক্কী মরুওইবা ৱারেপশিং অমসুং থৌশিলসিং সাউথ ব্লোক অমসুং নোর্থ ব্লোকগুম্বা শঙলেনশিংদগী লৌখি। হায়রিবা শঙলেনশিং অসি বৃতিস লৈঙাক্কী খুদমশিং ওইনা শাবনি, তশেংনা চহি চা কয়া ভারত মীনাইগী য়োৎহিং থাংদুনা থম্নবা হোৎনবনি।
প্রধান মন্ত্রীনা হায়খি মদুদি মতম অমদা কোলকাদা লৈবাক অসি কোনুং ওইরমখি, ১৯০৫ গী বেঙ্গল অনি থোক্না খায়দোকপা মতমদা, সহর অসি বৃতিসকী মায়োক্ত ইহৌশিং চঙশিনবগী মরুওইবা মফম অমা ওইরকখি। মরম অদুনা, ১৯১১ দা, বৃতিসনা কোলকাতাদগী দিল্লিদা কোনুং হোংলকখি। মখা তারকপদা, লোয়লম লৈঙাক্কী ৱাখল লৈহন্নবা, নোর্থ ব্লোক অমসুং সাউথ ব্লোক শাবা হৌরকখি। রাইসিনা হিলসদা শঙলেনশিং শঙ্গাবা মতমদা, মতম অদুগী ভাইসরোইনা হায়খি মদুদি বৃতিস লৈঙাক্কী দরকার ওইবা মতুংইন্না অনৌবা শঙলেনশিং শাবনি, মসিনা তাক্লিবদি মখোয় মীনাই ওইরবা ভারতকী লৈহাওদা নমফুদা ব্রিতেনগী নিংথৌগী ৱাখল্লোন চেনহন্নবা পাম্বৈ অমনি হায়বনি।
মহাক্না হায়খি মদুদি হায়রিবা শঙলেনশিং অসি অতোপ্পশিংদগী য়াংনা লৈনবা রাইসিনা হিলস খনখি, কনাগুম্বা অমগা লাম্বা তৌবা ঙমহনখিদে। অনৌবা সেবা তির্থ কমপ্লেক্স অসি চীঙ অমদা শাবা নত্তে অদুবু মীয়ামগা হেন্না শম্নহল্লে। লোয়লম লৈঙাক্কী ৱাখল্লোন চেনহন্নবা নোর্থ ব্লোক অমসুং সাউথ ব্লোক শাখিবনি। ঙসিদি, ভারতকী মীয়ামগী অনিংবশিং থুংহন্নবা সেবা তির্থ অমসুং কর্তব্য ভবন শাবনি। মফম অসিদা নিংথৌ পানবা লৈঙাক অমগী মমি অমতা তাহন্দনবা ৱারেপ লৌরে অদুবু মসিনা মীওই করোর ১৪০ গী অনিংবশিং থুংন্নবা য়ুম্ফম ওইনা থবক তৌগনি। মসিগী ৱাখল্লোন অসিগা লোয়ননা প্রধান মন্ত্রীনা ভারতকী মীয়ামদা সেবা তির্থ অমসুং কর্তব্য ভবন কৎথোকপনি।
প্রধান মন্ত্রীনা হায়খি মদুদি হৌজিক ২১শুবা চহিচাগী অহানবা ক্বাতর লোইরে অমসুং বিকসিত ভারত অমগী মঙলানগী থৌশিলশিং অমসুং স্কিমশিংদা মমি তাহনবা খক নত্তনা থবক মফমশিং অমসুং শঙলেনশিংদা মমি তাহনবা তঙাইফদে। লৈবাক অসিগী ঙাক্কদৌরিবা মফমশিং অফবা অমসুং ইথিল পীবা, ফজবা অমসুং পুক্নিং থৌগৎপা ওইগদবনি। অনৌবা তেক্নোলোজিশিং চাউখৎলকপগা লোয়ননা, খুদোংচাবশিং পাকথোকপা অমসুং অনৌবা খুৎলায়শিং শীজিন্নবদা অরিবা শঙলেনশিং মতিক চাদ্রে। নোর্থ ব্লোক অমসুং সাউথ ব্লোক মফম য়াম্না চিল্লে অমসুং চহি ১০০ রোম শুরে, মখোয় মনুংদা ফিবম য়াম্না ফৎত্রে অমসুং অতোপ্পা খুদোংচাদবা কয়া লৈরে। হায়রিবা খুদোংচাদবশিং মখা তানা মীয়ামদা খঙহনবা অসি য়াম্না মরুওই, নিংতম্লবা মতুং চহি কয়া ফাওবদা, ভারত সরকারগী মিনিষ্ট্রি কয়া দিল্লিগী তোঙান তোঙানবা মফম ৫০ হেনবদা থবক তৌখি। হায়রিবা মিনিষ্ট্রিশিং অসিগী শঙলেনশিংগী ভারা পীবদা চহি অমদা লুপা করোর ১,৫০০ চাদিং তৌখি, লোয়ননা ওফিসশিংগী মরক্ত ইমপ্লোইয়ি ৮,০০০ দগী ১০,০০০ চৎথোক-চৎশিন তৌবদা নুমিৎ খুদিংগী শেনফম কয়া চঙখি। সেবা তির্থ অমসুং কর্তব্য ভবন শাবদগী, হায়রিবা চাদিংশিং অসি হন্থরগনি অমসুং ইমপ্লোইয়িশিংগী মতম মাঙহন্দ্রে।
প্রধান মন্ত্রীনা হায়খি মদুদি অহোংবশিং অসিগী মরক্ত, অরিবা শঙলেনশিংদা চহি কয়া লৈরকপী নিংশিংবা লৈহৌরগনি, মফম অদুদা মরুওইবা ৱারেপ কয়া লৌখি, লৈবাক অনিগী অনৌবা মাইকৈ তাকখি অমসুং অওনবশিং হৌদোকখি। হায়রিবা শঙলেনশিং অসি ভারতকী পুৱারিগী মুৎপা নাইদ্রবা শরুক অমনি। মরম অদুনা অরিবা শঙলেন অসি লৈবাক্কী ম্যুজিয়ম অমা ওইনবা ৱারেপ লৌরে, মসি য়ুগে য়ুগিন ভারত ম্যুজিয়মগী শরুক অমা ওইরগনি। হায়রিবা শঙলেন অসিনা তুংগী মীরোলদা ইথিল পীনবা মফম অমা ওইনা থবক তৌগনি অমসুং নহারোলশিংনা মফম অসি য়েংবা মতমদা, হৌখ্রবা পুৱারিনা মখোয় লমজিংগনি।
প্রধান মন্ত্রীনা হায়খি মদুদি ঐখোয় বিকসিত ভারতকী মাইকৈদা চঙশিনবগা লোয়ননা, ভারতনা লোয়লম লৈঙাক্কী ৱাখল্লোনশিং থাদোকপা য়াম্না মরুওই। নিংতম্লবা মতুংদা ফাওবা, লোয়লম লৈঙাক্কী খুদমশিং থম্বা অসি লাইবক থিবনি। প্রধান মন্ত্রী লৈফম অসি মতম অমদা রেস কোর্স হায়না কৌখি, উপ রাষ্ট্রপতিগী অকক্নবা লৈফম লৈতে অমসুং গনতন্ত্র চৎপা লৈবাক অমদা রাষ্ট্রপতি ভবন য়ৌবা লম্বী রাজপথ হায়না থোনখি। মখোয়গী থৱায়শিং কৎখিবা লান্মীশিং নত্ত্রগা মখোয়গী থৱায়শিং কৎখিবা পুলিসশিংগী নিংশিং খুফম অমতা নিংতম্লবা ভারত্ত লৈতে।
নিংতম্লবা লৈবাক অমগী কোনুং লোয়লম লৈঙাক্কী ৱাখল্লোন্দা চনৈনদুনা লৈখি, দিল্লিগী শঙলেনশিং, মীয়ামগী মফমশিং অমসুং পুৱারিগী মফমশিং অসিগুম্বা খুদমশিংনা থনখি। কৈদৌঙৈদা মতম অমতা চপ মান্নদে অমসুং মখা তানা লোয়লম লৈঙাক্কী ৱাখল্লোন লৈহন্দনবা ২০১৪ দা ৱারেপ লৌখি। মসিগী ৱাখল্লোন অসি হোংহন্নবা খোঙজং অমা হৌদোকখি, মদুদগী অথৌবশিং ইকায়খুম্নবা উৎনবা নেসনেল ৱার মেমোরিএল শাখি অমসুং পুলিসকী থৌনা ফবা ইকায়খুম্নবা উৎনবা পুলিস মেমোরিএল শাখি। রেস কোর্দ রোর্দ লোক কলয়ান মার্গ হায়না মমিং থোল্লে, মসি ইচম চম্না মমিং খক হোংবা নত্তে, মসি শক্তি পায়বগী ৱাখল্লোন অসি মীয়ামগী থবক তৌনবা ৱাখল্লোন অমদা অওনবা পুরক্নবা থবক অমনি। হায়রিবা ৱারেপশিং অসিগী তুংদা অরুবা ৱাখল্লোন অমসুং মঙলান অমা লৈরি, লৈবাক্কী চাউথোকচবগা লোয়ননা ভারতকী হৌজিক, হৌখ্রবা অমসুং তুংগা শম্নহল্লি। মতম অমদা রাজপথ হায়না খঙনবা মফম অসি মীচম মীয়ামগী খুদোংচাবশিং য়াম্না ৱাৎলি অমসুং কর্তব্য পথ হায়না অমুক হন্না শেমগৎলে, ঙসিদি ইমুং-মনুংশিং, অঙাংশিং অমসুং মীয়ামগী অফবা মফম অমা ওইরে। মফম অসিদা নেতাজি সুভাস চন্দ্র বোসকী অচৌবা মীতম অমা খিল্লে, হৌজিক সহর অসিনা অথৌবশিং ইকায়খুম্নরে অমসুং অনৌবা মীরোলদা ইথিল পীরে। রাষ্ট্রপতি ভবন্দা অহোংবশিং পুরক্লে, মুগাল লৈকোলশিং অমৃত উদ্যান হায়না মমিং থোল্লে। অনৌবা সংসদকী শঙলেন শারে, অরিবা শঙলেন মীরাইদে অদুবু অনৌবা শক্তম অমা ওইনা ‘সংবিধান সাদান’ হাবনা মমিং থোল্লে। মিনিষ্ট্রিশিং কমপ্লেক্স অমদা পুন্না লৈহনবা মতমদা, শঙলেনশিং ‘কর্তব্য ভবন’ হায়না কৌরে। নৌনা মিং থোনবগী হায়রিবা থবকশিং অসি ইচম চম্বা ৱাহৈশিং নত্তে, মসিদা লৈবাক অসিগী মশাগী শক্তম, লোয়লম লৈঙাক্কী ৱাখল্লোন্দগী মনিং তম্বা লৈরবা নিংতম্বা ভারত অমগী মমি তারে।
প্রধান মন্ত্রীনা হায়খি মদুদি অনৌবা প্রধান মন্ত্রীগী ওফিস সেবা তির্থ হায়না মমিং থোল্লে; সেবা নত্ত্রগা থবক তৌনবা ৱাখল্লোন অসি ভারতকী থৱায়নি, মসি ভারতকী শক্তমনি। সিবগী লৌশিংগা লোয়ননা মীওইবা খুন্নাইগী থবক তৌবা অসি ইচ চম্বা অধ্যতিক্কী ৱাখল অমা নত্তে লৈবাক শেমগৎনবা ৱাঙুলোন অমনি হায়না শ্রী রামকৃষ্ণ পরমহন্স জিনা ফোঙদোক্লমখি। লৈবাক ঙাকপা হায়বসি মীয়ামগী থবক তৌবা অমসুং কৎথোকপনি হায়বা মীওই খুদিংমক্ত শঙলেন অসিনা নিংশিংহনগনি। ‘সেবা পারামো ধর্ম’ হায়বসি মীয়ামগী থবক তৌবনা খ্বাইদগী চাউবা থৌদাংনি হায়বনি। মসি প্রধান মন্ত্রী ওফিস অমসুং সরকারগী পান্দমনি। সেবা তির্থ অসি মমিং অমা খক নত্তে আদুবু মীয়ামগী অনিংবশিং থুংহন্নবা থবক তৌনবা শেংলবা মফম অমনি। তির্থ হায়বগী ৱাহন্থোক্তি পান্দমশিং ফংনবা মতেং পাংনবা অমসুং নিংতম্বা ফংহনবা ঙম্বা কনাগুম্বা অমা হায়বনি অমসুং ঙসিদি ভারতসু বিকসিত ভারত অমা ওইনবা, অত্মনির্ভরগী পান্দম ফংনবা, করোর কয়া লায়রবা কোক্নবা অমসুং লৈবাক অসি মীনাই ওইবগী ৱাখল্লোন্দগী মনিং তম্নবা পান্দমশিং লৈরে।
প্রধান মন্ত্রীনা হায়খি ভারতনা রিফোর্ম এক্সপ্রেস তোংবগা লোয়ননা, মালেমগী মরীশিংদা অনৌবা পন্দুব অমা ইরে, ত্রেদ এগ্রিমেন্তশিংগী খুৎথাংদা অনৌবা থোঙশিং হাংদোক্লে অমসুং পান্দমশিং চাদা ১০০ ফংনবা য়াংনা চঙশিল্লি, থবক্কী অনৌবা খোঙজেল অমসুং অনৌবা থাজবা সেবা তির্থদা লৈরে অমসুং লৈবাক্কী পান্দমশিং ফংনবা কর্তব্য ভবনশিংনা মরুওইবা থৌদাং অমা লৌগনি।
অশেংবা থবক খুদিংমক মীয়ামগী য়াইফনবা ৱারেপ অমা লৌগদবনি, মাইকৈ খুদিংমক্তগী লাকপা অচুম্বা ৱাখলশিংনা লমজিংগদবনি হায়বা ভারতকী চৎনবীনা তম্বীরি। মসিনা শঙলেন অসিগী থৱায় ওইগনি, ভারতকী মপাঙ্গল কনবা গনতন্ত্র লৈবগুম্না, মীয়ামগী ৱাখল মপাঙ্গল কনগনি, মখোয়গী মঙলানশিং অশেংবা লন ওইগনি, মখোয়গী অনিংবশিং মরুওইনা লৌগনি অমসুং মখোয়গী অপাম্বশিংনা লমজিং মৈরা ওইগনি। হায়রিবা ৱাখল্লোনশিং অমসুং শঙলেনশিং অসিগী মরক্ত ফক্লাং অমতা লৈরোইদবনি অমসুং অরাপ্পা অমতা লৈরোইদবনি, মীয়ামগী মঙলানশিং খঙলবা মতম খক্তদা থৌশিলশিং হিংগনি অমসুং মখোয়গী অনিংবশিং খঙলবা মতমদা ৱারেপশিং থবক ওইনা পাংথোকপা ঙমগনি।
প্রধান মন্ত্রীনা হায়খি মদুদি হৌখিবা চহি ১১ দা, ৱারেপ লৌবদা মীয়াম মরুওইনা লৌবা লৈবাক ঙাকপগী অনৌবা নমুনা অমা থোরক্লে। “নাগরিক দেভো ভাবা” অসি শুপ্নগী ৱাহৈ পরেং অমা খক নত্তে, মসি থবক তৌবগী চৎনবীনি, অনৌবা শঙলেনশিং অসিদা হোংজিল্লবা ওফিসিএলশিংনা ইনগদবনি। সেবা তির্থদা লৌখিবা ৱারেপ খুদিংমক, ফাইল খুদিংমক অমসুং মিকুপ খুদিংমক মীওই করোর ১৪০ গী পুন্সিগী ফিবম ফগৎনবা কৎথোক্কদবনি। ওফিসার খুদিংমক, ইমপ্লোইয়ি খুদিংমক অমসুং কর্মায়োগীনা শঙলেন্দা চঙবা মতম খুদিংদা লেপকদবনি অমসুং নুমিৎ অদুদা মখোয়না পাংথোকপা থবক অদুনা মীওই করোর কয়াগী পুন্সি হিংবদা লাইহনগদরা হায়না মখোয় মশানা হংজগদবনি, মসিগী মশানা মশাবু মশক খঙজবা অসিনা মফম অসিগী খ্বাইদগী কনবা মপাঙ্গল ওইগনি। ঐখোয়গী শক্তি উৎনবা ঐখোয় লাক্কদবা নত্তে, ঐখোয়গী থৌদাং পাংথোক্কদবনি। মীয়ামগী থবক তৌনবা ৱাখলনা লমজিংদুনা লৈবাক ঙাকপা মতমদা, ফলশিং অফবা ওইগনি। মসিনি কমদৌনা মীওই করোর ২৫ লায়রবা কোকহনখিবগে হাববা অমসুং কমদৌনা শেন-থুমগী ফিবম ফগৎলকখিবগে হায়বা।
প্রধান মন্ত্রীনা হায়খি মদুদি বিকসিত ভারত ২০৪৭ অসি অচম্বা পান্দম অমা নত্তে, মসি মালেমগী মমাঙদা ভারতকী ৱাশক্নি, মরম অদুনা মফম অসিদা লৌখিবা ৱারেপ অমসুং থৌশিল খুদিংমক মখা তানা থবক তৌনবা ইথিল পীগদবনি। নোংমা, থবক্তগী পোথারবা ওফিসিএলশিংনা শঙলেন অসিদা লাকপা মতমদা, মখোয়গী মতমশিং মখোয়না নিংশিংগনি, সেবা তির্থ অমসুং কর্তব্য ভবন্দা মিকুপ খুদিং মীয়ামগী থবক তৌনবা কৎথোকখি অমসুং লৈবাক্কী য়াইফনবা ৱারেপ খুদিংমক লৌনবা কৎথোকখি হায়বা খঙবদা নুংঙাইবা ফংগনি, মসিনা মখোয়গী খ্বাইদগী মাইপাকপা ওইগনি অমসুং মখোয়গী পুন্সি চাউথোকচগনি।
প্রধান মন্ত্রীনা হায়খি মথৌ পাংথোকপা মতমদা, খ্বাইদগী খুদোংচাদবশিং কোকহনবা ঙম্মী। মরম অদুনা সংবিধান শেমখিবা মীওইশিংনা মথৌ পাংথোকপদা অকনবা মীৎয়েং থম্লিবনি, মীওই কয়াগী মঙলানশিং মসিনা য়ুম্ফম ওইরিবনি। মথৌ পাংথোকপা অসিনা অহৌবনি, অহিংবা লৈবাক অমগী ঈনি, মীওইবগী মীনুংশি অমসুং লৌশিংনা কোনশিনবনি, থাজবগী ৱারেপশিং, থবক মতোল লোম্না পাংথোকপা, ৱাথোক খুদিংমক্কী পাম্বৈ অমসুং বিকসিত ভারত অমগী থাজবনি। মথৌ পাংথোকপা হায়বসি মান্নবনি, মথৌ পাংথোকপা হায়বসি নুংশিবনি, মথৌ পাংথোকপা অসি মীওই খুদিংমক্কীনি অমসুং “সবকা সাথ, সবকা বিকাস” গী ৱাখল্লোন্না শেম্বনি। মথৌ পাংথোকপা হায়বসি লৈবাক্কীদমক কৎথোকপনি, অত্মনির্ভর ভারতকী হরাওবনি, তুংগী মীরোলশিংগী অফবা তুংলমচৎকী গরেন্তিনি, ইমা ভারতকী থৌনাগী ফিরাল পায়বনি অমসুং “নাগরিক দেবো ভাবা” গী লম্বীনি। মথৌ পাংথোক্নবগী অৱাংবা ৱাখল অসিগা লোয়ননা সেবা তির্থ অমসুং নৌনা শেমগৎলিবা কমপ্লেক্স অসিদা চঙগদবনি।
প্রধান মন্ত্রীনা হায়খি মদুদি লাক্লিবা চহিশিদা লৈবাক অসিগী শক্তম মসিগী শেন-থুম খক্তনা তাক্লোই, অফবা লৈঙাক, অফবা থৌশিলশিং অমসুং কর্মায়োগীগী কৎথোকপনা মশক তাক্কনি। সেবা তির্থ অমসুং কর্তব্যা ভবন্দা লৌবা ৱারেপ খুদিংমক ফাইলশিং অয়াবা পীনবা নত্তে, মসিনা বিকসিত ভারত ২০২৪৭ গী মাইকৈ তাক্কনি। ২০৪৭ অসি মীওই করোর ১৪০ গী তারিক অমা খক নত্তে, লোয়শঙ খুদিংমক, ওফিসার খুদিংমক, ইমপ্লোইয়ি খুদংমক অমসুং কর্মায়োগী খুদিংমক য়াম্না মরুওই। সেবা তির্থ অফবা লৈঙাক্কী খুদম অমা ওইহনবা অমসুং মীয়ামগী খনবা লৈঙাক্কী নমুনা অমা ওইহনবা, শক্তিগী মহুত্ত মীয়ামগী থবক তৌনবা মফম অমা ওইহনবা, ফমগী মহুত্ত থাজবা ওইহনবা, শক্তিগী মহুত্ত থৌদাং লৌহনবা অসি মহাক্কী পান্দমনি। মহাক্কী থাজবা অসিগা লোয়ননা পুৱারি ইগনি অমসুং অপুনবা থবকনা মীরোলশিং লমজিংগনি। হৌজিক্কী মতম অসি চপ চারে হায়না মহাক্না লাল কিলাদগী হায়খ্রে, মীওই খুদিংমক্না লৈবাক্কী থবকনা হান্না পাংথোকপা হায়বা ৱাখল্লোন অসি চেনগদবনি অমসুং মসিনা তুংগী চহি কয়াদা ভারত অমুক হন্না মশক তাক্কনি অমসুং চহি লিশিং কয়াগী অফবা তুংলমচৎকী অহানবা খোঙথাং ওইগনি। মসিগা লোয়ননা মহাক্না মীয়ামদা অমুক হন্না য়াইফ পাউজেল পীখি।
থৌরম অদুদা শরুক য়াখিবা অতোপ্পা শক্নাইরবশিংগী মনুংদা য়ুনিয়ন মিনিষ্টরশিং, পর্লিয়ামেন্তরিয়ানশিং অমসুং ভারত সরকারগী ওফিসিএলশিং য়াওখি।
নুঙগীৱারোল
ঙসি অঙনবদা প্রধান মন্ত্রী শ্রী নরেন্দ্র মোদীনা সেবা তির্থ কমপ্লেক্স শঙ্গাখ্রে। তুংদা মহাক্না সেবা তির্থ অমসুং কর্তব্য ভবন-১ অমসুং ভবন ২ শঙ্গাখ্রে।
শঙ্গাবা অসিনা ভারতকী এদমিনিস্ত্রেতিব গবর্নান্স আর্কিতেকচরদা অহোংবা পুরকপদা মাইলস্তোন অমা ওইরে অমসুং মোদর্ন, ইফিসিয়েন্ত, এক্সেসিবল অমসুং সিতিজন-সেন্ত্রিক গবর্নান্স ইকোসিস্তেম অমা শেমগৎনবা প্রধান মন্ত্রীগী অচেৎপা ফিরেপ অদু উৎলি।
দিকেদ কয়াগী মমাংদগী, মরুওইবা সরকারগী ওফিস অমসুং মন্ত্রালয় কয়ানা সেন্ত্রেল ভিস্তা এরিয়াদা মফম কয়াদা শন্দোক্তুনা তোঙান-তোঙানবা মফমশিংদা লৈবা অমসুং অরিবা ইনফ্রাস্ত্রকচরদগী মথৌ তৌদুনা লাক্লি। অসিগুম্বা শন্দোরকপা অসিনা ওপরেস্নেল ইনইফিসিয়েন্সী, কোওর্দিনেসনগী শিংনবশিং, মেনতেন্সনগী মমল হেনগৎলকপা অমসুং সব-ওপ্তিমেল ৱার্কিং এনভাইরনমেন্তশিং থোকহল্লি। অনৌবা বিল্দিং কমপ্লেক্সশিংনা অনৌবা, তুংলমচৎকীদমক শেম-শারবা ফেসিলিতীশিংদা এদমিনিস্ত্রেতিব ফঙ্কসনশিং কনসোলিদেত তৌদুনা হায়রিবা ৱাফমশিং অসি কোকহল্লি।
সেবা তীর্থতা প্রধান মন্ত্রীগী ওফিস, নেস্নেল সেক্যুরিতী কাউন্সিল সেক্রেতরিয়েৎ, কেবিনেৎ সেক্রেতরিয়েৎ লৈ। মখোয় পুম্নমক অসি মমাংদা তোঙান তোঙানবা মফমশিংদা লৈরম্মি।
কার্তব্য ভাৱন-১ অমসুং ২দা শেল-থুম মন্ত্রালয়, ঙাকশেল মন্ত্রালয়, হকশেল অমসুং য়াইফ-য়ুম্বাল মন্ত্রালয়, কোর্পোরেৎ এফিয়র্স মন্ত্রালয়, এজুকেসন মন্ত্রালয়, কলচর মন্ত্রালয়, লো অমসুং জস্তিস মন্ত্রালয়, ইনফোর্মেসন অমসুং ব্রোদকাস্তিং মন্ত্রালয়, লৌউ-শিংউ অমসুং লৌমীশিংগী য়াইফ-থৌরাং মন্ত্রালয়, কেমিকেল অমসুং ফর্তিলাইজর মন্ত্রালয় অমসুং ত্রাইবেল এফিয়র্স মন্ত্রালয় য়াওনা মরুওইবা মন্ত্রালয় কয়া অমা লৈরি।
বিলদিং কমপ্লেক্স অনিমক্তা দিজিতেল ইন্তিগ্রেতেদ ওফিসশিং, স্ত্রকচর তৌরবা পব্লিক ইন্তরফেস জোনশিং অমসুং সেন্ত্রেলাইজ তৌরবা রিসেপ্সন ফেসিলিতীশিং য়াওরি। ফিচরশিং অসিনা কোলাবোরেসন, ইফিসিয়েন্সী, সীম্লেস গবর্নান্স, হেন্না ফবা সিতিজন এঙ্গেজমেন্ত অমসুং এমপ্লোয়ীশিংগী য়াইফ-থৌরাং হেনগৎহনগনি। স্তার ৪গী গ্রিহা স্তেন্দর্দশিংগী মতুং ইন্না দিজাইন তৌরবা কমপ্লেক্সশিং অসিদা রিন্যুৱেবল ইনর্জী সিস্তেমশিং, ঈশিং কঞ্জার্বেসনগী থৌরাংশিং, ৱেস্ত মেনেজমেন্ত সোলুসনশিং অমসুং অৱাংবা পর্ফোমেন্স বিল্দিং ইনভেলবশিং য়াওরি। থৌরাংশিং অসিনা অকোইবগী ফিভমদা শাফু হন্থহন্দুনা ওপরেস্নেল এফিসিয়েন্সী হেনগৎহল্লি। বিল্দিং কমপ্লেক্সশিং অসিদা কমপ্রেহেন্সিব সেফতী অমসুং সেক্যুরিতী ফরেমৱার্কশিং য়াওরি খুদম ওইনা স্মার্ত এক্সেস কন্ত্রোল সিস্তেমশিং, সর্ভিলেন্স নেতৱার্কশিং অমসুং এদভান্স ইমর্জেন্সী রেস্পোন্স ইনফ্রাস্ত্রকচর য়াওরি, মসিনা ওফিসিয়েলশিং অমসুং ভিজিতরশিংগীদমক সেক্যোর ওইবা অমসুং এক্সেসিবল এনভাইরনমেন্ত অমা লৈহল্লি।
***
(রিলিজ আই.দি.: 2228099)
ভিজিতর কাউন্তর : 4