اطلاعات و نشریات اور پارلیمانی امور کے وزیر مملکت ڈاکٹر ایل مروگن نے  راجیہ سبھا میں جناب تیج ویر سنگھ کے  سوال کے جواب میں  بتایا کہ    آئین کے آرٹیکل 19 کے تحت اظہار رائے کی آزادی کی ضمانت دی گئی ہے ۔ اس کے ساتھ ہی حکومت ڈیجیٹل پلیٹ فارم پر  فرضی ، غلط اور گمراہ aکن معلومات سے پیدا ہونے والے بڑھتے ہوئے خطرات سے بھی واقف ہے ۔

حکومت نے  اطلاعاتی ٹیکنالوجی ایکٹ  2000 کے تحت انفارمیشن ٹیکنالوجی ( انٹرمیڈیٹری سے متعلق رہنما خطوط اور ڈیجیٹل میڈیا  ضابطۂ اخلاق ) رولز ، 2021 کو نوٹیفائی کیا ہے ۔ ان  ضابطوں کا حصہ III آن لائن  تیار کردہ مواد (او ٹی ٹی پلیٹ فارمز) کے ناشرین کے لیے  فراہم  کیا گیا ہے ، جس میں ، دیگر باتوں کے ساتھ  ناشرین سے مطالبہ کیا جاتا ہے کہ وہ کسی بھی ایسے مواد کو منتقل نہ کریں  ، جو فی الحال قانون کے  اعتبار سے ممنوع ہے ۔

مذکورہ ضابطے کے تحت ،  ان سے مطالبہ کیا جاتا ہے کہ وہ  ضابطوں کے شیڈول میں فراہم کردہ عمومی رہنما خطوط کی بنیاد پر عمر کی بنیاد پر مواد کی  5 زمروں میں درجہ بندی کریں ۔ ضابطہ یہ بھی فراہم کرتا ہے کہ او ٹی ٹی پلیٹ فارم بچوں کے لیے عمر  کے لحاظ سے مواد کو محدود کرنے کے لیے مناسب حفاظتی اقدامات کرے گا ۔  مذکورہ ضابطہ ، دیگر باتوں کے ساتھ ساتھ ، خبروں اور حالات حاضرہ کے ناشرین کے لیے ضابطہ اخلاق کی پیروی فراہم کرتے ہیں ۔ اس میں کیبل ٹیلی ویژن نیٹ ورکس ایکٹ ، 1995 کے تحت طے شدہ پروگرام کوڈ اور پریس کونسل ایکٹ ، 1978 کے تحت جرنلسٹک کنڈکٹ کے اصولوں کی پابندی شامل ہے ۔ پروگرام کوڈ اور جرنلسٹک کنڈکٹ کے معیارات ، دیگر باتوں کے ساتھ ساتھ ، ناشرین سے مطالبہ کرتے ہیں کہ وہ ایسے مواد کی تشہیر  نہ  کریں  ، جو  فرضی ، گمراہ کن ، جھوٹے یا  پوری طرح حقیقت پر مبنی نہ ہوں ۔

مرکزی حکومت سے متعلق  فرضی خبروں کی جانچ کے لیے نومبر  ، 2019 ء میں  ، وزارت اطلاعات و نشریات کے پریس انفارمیشن بیورو کے تحت ایک فیکٹ چیک یونٹ (ایف سی یو) قائم کیا گیا ہے ۔ حکومت ہند کی وزارتوں/محکموں میں مجاز ذرائع سے خبروں کی صداقت کی تصدیق کے بعد ، ایف سی یو اپنے سوشل میڈیا پلیٹ فارمز پر درست معلومات پوسٹ کرتا ہے ۔

نجی سیٹلائٹ ٹی وی چینلوں  پر نشر ہونے والے تمام پروگراموں اور اشتہارات کے لیے ضروری ہے کہ وہ کیبل ٹیلی ویژن نیٹ ورکس ( انضباطی) ایکٹ، 1995 کے تحت بنائے گئے کیبل ٹیلی ویژن نیٹ ورکس  ضابطے ، 1994 میں طے شدہ پروگرام کوڈ اور ایڈورٹائزنگ کوڈ پر عمل کریں ۔ ان کوڈز میں ایسے ٹی وی چینلز پر مواد کو منظم کرنے کے لیے وسیع پیمانے پر   معیارات موجود ہوتے ہیں ۔ پروگرام کوڈ میں دیگر باتوں کے ساتھ ساتھ یہ بھی کہا گیا ہے کہ کوئی بھی ایسا پروگرام نہیں چلایا جانا چاہیے   ، جس میں کچھ بھی فحش ، ہتک آمیز ، جان بوجھ کر جھوٹی اور مشاورتی بے بنیاد باتیں   ہوں  اور  جو   پوری  طرح حقیقت پر مبنی  نہ ہوں  ۔

..................................................... ...................................................

) ش ح –   ش ب  -  ع ا )

U.No. 2373

(ریلیز آئی ڈی: 2227698) وزیٹر کاؤنٹر : 10