صدر جمہوریہ ہند محترمہ دروپدی مرمو نے آج (13  فروری  ، 2026ء) نئی دلّی میں ایک کل ہند کانفرنس کا افتتاح کیا اور برہما کماریوں کی ملک گیر مہم ’ بااختیار بھارت کے لیے کرم یوگا ‘  کا آغاز کیا ۔ انہوں نے اوم شانتی ریٹریٹ سینٹر ، گروگرام کی سلور جوبلی تقریبات کا بھی آغاز کیا ۔

اس موقع پر خطاب کرتے ہوئے  ، صدر جمہوریہ نے کہا کہ متوازن اور مجموعی ترقی کے لیے مادی ترقی کے ساتھ اخلاقی اقدار اور روحانیت کا انضمام ضروری ہے ۔ اقتصادی ترقی خوشحالی کو فروغ دیتی ہے اور تکنیکی ترقی اختراع ، کارکردگی اور مسابقت کو فروغ دیتی ہے ۔  اس سے ایک خوشحال  ملک کی بنیاد رکھی جاتی ہے  ۔ تاہم اخلاقیات کے بغیر معاشی اور تکنیکی ترقی معاشرے میں عدم توازن پیدا کر سکتی ہے ۔ مثال کے طور پر ، غیر اخلاقی معاشی ترقی دولت اور وسائل کے ارتکاز ، ماحولیات کے نقصان اور معاشرے کے کمزور طبقات کے استحصال کا باعث بن سکتی ہے ۔ اخلاقی اقدار کے بغیر ٹیکنالوجی کا استعمال انسانیت کے لیے تباہ کن ہو سکتا ہے ۔

صدر جمہوریہ نے کہا کہ روحانیت  ، ہمیں بنیادی اقدار اور ایک اخلاقی ڈھانچہ فراہم کرتی ہے  ، جو ہمیں کرم یوگا یا بے لوث خدمت پر عمل کرنے کی ترغیب دیتے ہیں ، نیز  روحانیت دیانتداری ، ہمدردی ، عدم تشدد اور دوسروں کی خدمت جیسی خوبیوں پر بھی زور دیتی ہے ۔ یہ اصول پرامن اور منصفانہ معاشرے کی تعمیر کے لیے ضروری ہیں ۔ جب ہمارے خیالات  ، روحانی اقدار پر مبنی ہوتے ہوں  ، تو ہم اپنے مفاد سے بالاتر ہو سکتے ہیں اور سب کی فلاح و بہبود پر غور کر سکتے ہیں ۔ ملک کی قیادت   روحانیت کی بنیاد پر ،  دیانت دارانہ اور منصفانہ انتظامی فیصلے کر سکتی ہے ۔ اس طرح کے فیصلے کسی ایک طبقے کے فائدے کے لیے نہیں بلکہ تمام شہریوں کے فائدے کے لیے ہوتے ہیں ۔ جب حکومت کے  اقدامات منصفانہ ہوتے ہیں تو اس سے معاشرے میں اعتماد اور استحکام کو فروغ ملتا ہے ۔

صدر جمہوریہ نے کہا کہ برہما کماری کا ایشوریہ وشو ودیالیہ راجا یوگا پڑھاتا ہے ۔ یہ صرف ایک جگہ بیٹھنے اور خود پر غور کرنے کے بارے میں نہیں ہے ۔ کرم یوگا اس کا ایک بنیادی حصہ ہے ۔ کرم یوگ ہماری تمام ذمہ داریوں کو پورا کرتے ہوئے ، اعلیٰ روحانی اصولوں پر عمل کرنے کے بارے میں ہے ۔ صدرِ جمہوریہ نے یہ جان کر خوشی کا اظہار کیا  کہ برہما کماریوں سے وابستہ لاکھوں لوگ باقاعدگی سے کرم یوگا کی مشق کرکے با معنی زندگی گزار رہے ہیں ۔ انہوں نے کہا کہ کرم یوگا کے ذریعے  ، اس ملک کا ہر شہری  بھارت کی پائیدار اور مجموعی ترقی میں اپنا  تعاون دے سکتا ہے ۔ یہ نہ صرف  بھارت کو اقتصادی طور پر ترقی کرنے کے قابل بنائے گا ، بلکہ ہمیں ایک ایسا معاشرہ بنانے میں مدد کرے گا  ، جو دنیا کے لیے اقدار پر مبنی زندگی کا نمونہ بنے گا ۔

صدر کی تقریر دیکھنے کے لیے یہاں کلک کریں-

Please click here to see the President's Speech-

***

) ش ح –   ش ب  -  ع ا )

U.No. 2359