سیاحوں کی حفاظت اور سلامتی بنیادی طور پر ریاستی اختیار میں آتی ہے۔ تاہم، وزارتِ سیاحت مسلسل تمام ریاستی حکومتوں اور مرکز کے زیر انتظام علاقوں (یوٹی ) انتظامیہ سے اس معاملے کو آگے بڑھا رہی ہے تاکہ سیاحوں کے لیے مخصوص سیاحتی پولیس ( ٹورزم پولیس) قائم کی جا سکے اور میدانی سطح پر حفاظتی نظام کو مضبوط بنایا جا سکے۔ وزارتِ سیاحت کی کوششوں کے نتیجے میں تلنگانہ، آندھرا پردیش، دہلی، گووا، کرناٹک، کیرالہ، مہاراشٹر، ہماچل پردیش، جموں و کشمیر، مدھیہ پردیش، اوڈیشہ، پنجاب، راجستھان، سِکم اور اتر پردیش کی ریاستوں/ مرکز کے زیر انتظام علاقوں نے سیاحتی پولیس ( ٹورزم پولیس) تعینات کی ہے۔

سیاحوں کے لیے سفر کو محفوظ بنانے کی وزارت کی مسلسل کوششوں کے تحت، وزارتِ سیاحت نے ساتوں دن چوبیس گھنٹے کثیر لسانی ٹورسٹ ہیلپ لائن قائم کی ہے۔ یہ ہیلپ لائن ٹول فری نمبر 1800 11 1363 یا شارٹ کوڈ 1363 پر دستیاب ہے اور 12 زبانوں میں خدمات فراہم کرتی ہے، جن میں 10 بین الاقوامی زبانیں شامل ہیں۔ اس ہیلپ لائن کا مقصد ملکی اور غیر ملکی سیاحوں کو بھارت میں سفر سے متعلق معلومات فراہم کرنا اور ضرورت کے وقت مدد فراہم کرنا ہے تاکہ سفر کے دوران کسی بھی مشکل صورتحال میں مناسب رہنمائی دی جا سکے۔

وزارتِ سیاحت وقتاً فوقتاً تمام ریاستی حکومتوں اور مرکز کے زیر انتظام علاقوں سے درخواست کرتی رہی ہے کہ وہ 'نربھیا فنڈ' کے تحت خواتین کے لیے محفوظ سیاحتی مقامات کے فوائد حاصل کریں، جسے خاص طور پر خواتین سیاحوں کی حفاظت اور سلامتی کو بہتر بنانے کے لیے تیار کردہ منصوبوں پر استعمال کیا جا سکتا ہے۔

وزارتِ سیاحت نے تمام اسٹیک ہولڈروں  بشمول تمام ریاستوں اور ور مرکز کے زیر انتظام علاقوں کے سیاحت کے محکموں کے ساتھ مل ک‘‘ر کوڈ آف کنڈکٹ فار سیف اینڈ آنریبل ٹورازم’’اپنایا ہے، جو ایک رہنما اصولوں کا مجموعہ ہے جو بنیادی حقوق جیسے وقار ، حفاظت اور سیاحوں اور خاص طور پر مقامی باشندوں ، خواتین اور بچوں دونوں کے استحصال سے آزادی کے حوالے سے کی جانی چاہیے۔

مزید شفافیت، جوابدہی اور بہتر سروس فراہم کرنے کے لیے وزارتِ سیاحت نے آن لائن نظام متعارف کرایا ہے، جس کے ذریعے رہائشی اکائیوں کی درجہ بندی اور ٹورزم سروس فراہم کنندگان کی شناخت کے لیے درخواستیں وصول کرنے، پراسیس کرنے اور منظوری دینے کا عمل کیا جاتا ہے۔ درخواستیں نیشنل انٹیگریٹڈ ڈیٹا بیس آف ہاسپیٹیلٹی انڈسٹری (این آئی ڈی ایچ آئی +) کے پورٹل nidhi.tourism.gov.in پر جمع کروائی جا سکتی ہیں۔ اس آن لائن عمل کو ادائیگی کے گیٹ وے کے ساتھ بھی مربوط کیا گیا ہے۔

سیاحتی مقام کی ترقی کے لیے موثر اور مناسب رابطہ کاری ایک اہم پہلو ہے ۔  سیاحت کی وزارت شہری ہوابازی کی وزارت کے ساتھ مل کر کام کر رہی ہے تاکہ اہم سیاحتی مقامات اور اعلی صلاحیت کے ساتھ کم معروف/نئے مقامات تک ہوائی رابطے کو بہتر بنایا جا سکے ۔  اس نے اپنی علاقائی رابطہ کاری اسکیم (آر سی ایس-اڑان) کے تحت شہری ہوابازی کی وزارت کے ساتھ تال میل کیا ہے اور اس مقصد کے لیے شناخت کیے گئے 53 سیاحتی راستوں کے لیے وائبلٹی گیپ فنڈنگ (وی جی ایف) کی رقم فراہم کی جارہی ہے ۔

اس وقت ای ویزا کے چودہ (14) ذیلی زمرے ہیں اور یہ اسکیم اب 175 ممالک کے شہریوں کے لیے دستیاب ہے اور 38 نامزد ہوائی اڈوں ، 16 نامزد بندرگاہوں اور 2 زمینی بندرگاہوں کے ذریعے داخلے کے لیے موزوں ہے ۔

وزارت نے ان اقدامات کے سیاحوں کی آمد، اطمینان، یا مجموعی علاقائی ترقی پر اثرات کا خصوصی جائزہ لینے کے لیے کوئی مخصوص اثراتی مطالعہ نہیں کیا ہے۔

یہ معلومات سیاحت اور ثقافت کے مرکزی وزیر جناب گجیندر سنگھ شیخاوت نے آج راجیہ سبھا میں ایک تحریری جواب میں فراہم کی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح۔ ش آ۔ن ع)

U. No.2263

(ریلیز آئی ڈی: 2227088) وزیٹر کاؤنٹر : 7