I) రాష్ట్ర పోలీసు బలగాలు

‘రాష్ట్రాలు, కేంద్రపాలిత ప్రాంతాల పోలీసు ఆధునీకరణకు సహాయం (ఏఎస్‌యూఎంపీ) పథకం’ ద్వారా రాష్ట్రాలు/కేంద్రపాలిత ప్రాంతాలు చేస్తున్న ప్రయత్నాలకు కేంద్రం అదనపు తోడ్పాటును అందిస్తుంది.  క్షేత్రస్థాయిలో పోలీసు మౌలిక సదుపాయాలను బలోపేతం చేయడం దీని లక్ష్యం. దీని ద్వారా పోలీసు స్టేషన్లలో ఆధునిక సాంకేతికత, ఆయుధాలు, సమాచార వ్యవస్థలను ఏర్పాటు చేయడం, రవాణా సౌకర్యాలు, పోలీస్ స్టేషన్ భవనాలు, గృహ నిర్మాణం వంటి మౌలిక సదుపాయాల కల్పనపై దృష్టి సారిస్తారు. ఇలా 2021-22 నుంచి 2025-26 వరకు రూ.4,846 కోట్ల వ్యయానికి ఆమోదం లభించింది.

II) కేంద్ర సాయుధ పోలీసు బలగాలు (సీఏపీఎఫ్):

రూ. 1523 కోట్ల వ్యయంతో కూడిన ‘ఆధునికీకరణ ప్రణాళిక- IV (01.01.2022 నుంచి 31.03.2026)... బీఎస్‌ఎఫ్, సీఆర్‌పీఎఫ్, సీఐఎస్ఎఫ్, ఐటీబీపీ, అస్సాం రైఫిల్స్, ఎన్ఎస్‌జీ, ఎస్ఎస్‌బీ లాంటి బలగాలకు వర్తిస్తుంది. భద్రతాపరంగా ఎదురవుతున్న సవాళ్లను ఎదుర్కోవడానికి అత్యాధునిక ఆయుధాలు, నిఘా వ్యవస్థలు, సమాచార పరికరాలు, వాహనాలు, రక్షణ కవచాలను ఆధునీకరించడంపై ఈ ప్రణాళిక ప్రధానంగా దృష్టి పెడుతుంది.

డీఆర్‌డీవో అభివృద్ధి చేసిన ఉత్పత్తులను సీఏపీఎఫ్‌లో ఉపయోగించడానికి ఎంహెచ్ఏ, డీఆర్‌డీవో క్రమబద్ధీకరించిన పద్ధతిని అభివృద్ధి చేశాయి. తొలుత కార్యాచరణ అవసరాలను (ఓఆర్) ఎంహెచ్ఏ (వినియోగదారులైన సీఏపీఎఫ్‌లు) ప్రతిపాదిస్తుంది. ఆ తర్వాత క్యూఆర్‌లు/టీడీలను డీఆర్‌డీవో రూపొందిస్తుంది. వాటిని సీఏపీఎఫ్‌ల సహకారంతో ఖరారు చేస్తారు. ఆ తర్వాత, అపెక్స్ కౌన్సిల్ ఖరారు చేసిన పరిమాణంతో అవసరాల అంగీకారం (ఏవోఎన్) ఆధారంగా, డెవలప్‌మెంట్-కమ్ ప్రొడక్షన్ పార్టనర్ (డీసీపీపీ)/ప్రొడక్షన్ ఏజెన్సీ (పీఏ)తో కలిసి ఈ వ్యవస్థను డీఆర్‌డీవో అభివృద్ధి చేస్తుంది. ఆపై పరీక్షలను నిర్వహించి, సాంకేతిక బదిలీ భాగస్వామి (టీవోటీ) వివరాలను సంబంధిత సీఏపీఎఫ్‌లకు డీఆర్‌డీవో అందిస్తుంది. అనంతరం వినియోగదారు సీఏపీఎఫ్‌లు సరఫరాకు ఆర్డర్లను ఇస్తాయి.

***