প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদীনা মোরিসিয়সকী প্রধান মন্ত্রীদগী তেলিফোন্দা ৱারী শানখ্রে
লুচিংবা অনিনা সেপ্তেম্বর, ২০২৫দা বরানসীদা পাংথোকখিবা মখোয়গী মীফম অদুদগী হৌরগা লৈবাক অনিগী ওইবা তেংবাং পীনবগী খোংজেলগী মতাংদা য়েংশিনখি
মখোয়না ভারত-মৌরিসিয়স এনহান্স স্ত্রেতেজিক পার্তনরশিপ মখা তানা খুমাং চাউশিলহন্নবা মখোয়গী অপুনবা ফিরেপ অদু অমুক হন্না ফোংদোক্নখি
পি.এম. মোদীনা মোরিসিয়সকী চাউখৎ-থৌরাংগী মরুওইবশিংদা ভারতনা লেপ্তনা মতেং পাংলি হায়না অমুক হন্না থাজবা পীখ্রে
লুচিংবা অনিনা ইন্দিয়ন ওসিন রিজনদা শান্তি অমসুং তংদু লৈতাবা পুরক্নবা পুন্না থবক তৌমিন্ননবা য়ানখি
পি.এম. মোদীনা মথং চয়োলদা দিল্লীদা এ.আই. ইম্পেক্ত সমিতকীদমক মহাকপু তরাম্না ওক্নবগীদমক খৌরংনা ঙাইরি হায়না ফোঙদোকখ্রে
থাগৎখিবা:
09 FEB 2026 9:05PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি রিপব্লিক ওফ মোরিসিয়সকী প্রধান মন্ত্রী, ঐচ.ই. দা. নবিনচন্দ্র রামগুলামদগী তেলিফোনদা ৱারি শানখ্রে।
লুচিংবা অনিমক্না সেপ্তেম্বর ২০২৫দা বরানসীদা পাংথোকখিবা মখোয়গী মীফম অদুদগী হৌরগা চাউখৎ-থৌরাংগী পার্তনরশিপ, কেপাসিতী বিল্দিং অমসুং মীয়ামগী মরক্তা ললোন-ইতিক তৌবদা মীৎয়েং থমদুনা পাক-চাউবা বাইলেতরেল কোওপরেসনগী খোংজেলশিং য়েংশিনখি।
মখোয়না লৈবাক অনিগী মীয়ামগী কান্ননবগীদমক ভারত অমসুং মোরিসিয়সকী মরক্তা এনহান্সদ স্ত্রেতেজিক পার্তনরশিপ মখা তানা খুমাং চাউশিন্নবগী মখোয়গী অপুনবা ফিরেপ অদু অমুক হন্না ফোংদোকখি।
ভিজন মহাসাগর, ভারতকী নেবরহুদ ফর্সত পোলিসী অমসুং গ্লোবেল সাউথকীদমক শরুক য়ামিন্নবগী ফিরেপকা মরী লৈননা মোরিসিয়সকী চাউখৎ-থৌরাংগী মরুওইবশিংদা ভারতনা মখা তানা মতেং পাংগনি হায়না প্রধান মন্ত্রী মোদীনা অমুক হন্না ফোংদোকখি।
লুচিংবা অনিমক্না ভারত মহাসাগর লমদমদা শান্তি অমসুং তংদু লৈতাবা পুরক্নবা পুন্না থবক তৌমিন্ননবা য়ানখি।
প্রধান মন্ত্রী মোদীনা হায়খি মদুদি মহাক্না মথং চয়োলদা দিল্লীদা এ.আই. ইম্পেক্ত সমিত্তা মহাকপু তরাম্না ওক্নবা খৌরাংনা ঙাইদুনা লৈরি।
***
(রিলিজ আই.দি.: 2225697)
ভিজিতর কাউন্তর : 7
রিলিজ অসি মসিদা পাবীয়ু:
Telugu
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Kannada
,
Malayalam