مرکزی وزیر جناب نتن گڈکری کے نظریے کے تحت، ایڈوانٹیج ودربھ 2026 – خاصداراودیوگک مہوتسو (ناگپور) کے دوسرے دن نے اہم سنگ میل حاصل کیا گیا، جب تین یکسر تبدیلی والے مفاہمت ناموں پر دستخط کئے گئے ، جس سے ودربھ کو ایک اعلیٰ سرمایہ کاری کے مقام کے طور پر مستحکم کرنے میں مدد ملے گی۔

گلکسی سولر انرجی پرائیویٹ لمیٹڈ نے مہاراشٹر حکومت کے ساتھ ایک ایم او یو پر دستخط کیے تاکہ ناگپور ضلع میں ایک انٹیگریٹڈ سولر اور بیٹری اسٹوریج مینوفیکچرنگ پلانٹ میں 10,080 کروڑ روپئےکی سرمایہ کاری کی جا سکے۔جی آر انفرپروجیکٹس لمیٹڈ نے ناگپور میں ایک ٹاور مینوفیکچرنگ پلانٹ قائم کرنے کے لیے200 کروڑ روپئے کے ایم او یوپر دستخط کیے۔اضافی طور پر، میسرز کوالیٹی کیر انڈیا لمیٹڈ (کیئر گروپ) نے مہا-میٹرو کے ساتھ اشتراک کیا تاکہ کستورچند پارک میٹرو اسٹیشن کے قریب پی پی پی ماڈل کے تحت 350 سے زائد بیڈ والا ملٹی اسپیشلٹی اسپتال قائم کیا جا سکے، جس میں 600 کروڑ روپے سے زائد کی سرمایہ کاری ہوگی۔

جناب گڈکری نے صنعت کاروں  اور مہاراشٹر کے وزیر اعلیٰ جناب دیوندرا فڈناویس کا دل کی گہرائیوں سے شکریہ ادا کیا جنہوں نے ان اہم شراکت داریوں کو ممکن بنایا۔انہوں نے کہا کہ یہ اقدامات 6,000 سے زائد روزگار کے مواقع پیدا کریں گے، بنیادی ڈھانچے  کی توسیع کو تیز کریں گے، علاقائی سپلائی چینز کو مضبوط کریں گے اور ودربھ میں صاف ستھری  قیادت، جدید مینوفیکچرنگ اور عالمی معیار کے شہری صحت کے شعبے کے لیے ایک فیصلہ کن قدم ثابت ہوں گے۔

*****

ش ح-ا ع خ   ۔ر  ا

U-No- 1895

(ریلیز آئی ڈی: 2224980) وزیٹر کاؤنٹر : 5