ઇન્ડિયા AI ઇમ્પેક્ટ સમિટ 2026 ના ભાગ રૂપે આયોજિત કરવામાં આવી રહેલા ‘AI અને તેની અસર’ પરના રિસર્ચ સિમ્પોઝિયમને રાષ્ટ્રીય અને વૈશ્વિક સંશોધન સમુદાય બંને તરફથી 250+ સબમિશન સાથે મજબૂત પ્રતિસાદ મળ્યો છે.

AI સંશોધનને વાસ્તવિક દુનિયાના નિર્ણય લેવાની પ્રક્રિયાની નજીક લાવવા માટે રચાયેલ, આ સિમ્પોઝિયમ સંશોધન, નીતિ અને પ્રેક્ટિસ વચ્ચે સેતુ તરીકે કામ કરશે અને ભારત અને વિદેશના વિવિધ દ્રષ્ટિકોણને એકસાથે લાવશે.

ભારત મંડપમ ખાતે 18 ફેબ્રુઆરી, 2026 ના રોજ યોજાનાર આ કાર્યક્રમમાં ગ્લોબલ સાઉથ પોસ્ટર ટ્રેક હેઠળ 30 પસંદ કરેલા પોસ્ટર્સ, ઇન્ડિયા ફોરમ શોકેસમાંથી 15 અને સ્ટુડન્ટ્સ શોકેસ હેઠળ 15 પોસ્ટર્સ પ્રદર્શિત કરવામાં આવશે.

આ સિમ્પોઝિયમની કલ્પના એક આંતરશાખાકીય મંચ તરીકે કરવામાં આવી છે, જે ભારત, ગ્લોબલ સાઉથ અને વ્યાપક આંતરરાષ્ટ્રીય સમુદાયના અગ્રણી સંશોધકો અને પ્રેક્ટિશનરોને AI ની અસર પરના અદ્યતન કાર્ય રજૂ કરવા, પદ્ધતિઓ અને પુરાવાઓની આપ-લે કરવા અને સહયોગ સ્થાપિત કરવા માટે એકસાથે લાવે છે. તેઓ માનવ મૂડી, સમાવેશ, સુરક્ષા અને વિશ્વાસ, સ્થિતિસ્થાપકતા, નવીનતા, વિજ્ઞાન અને આર્થિક વૃદ્ધિ તથા સામાજિક કલ્યાણ માટે AI ના ઉપયોગ જેવા મુખ્ય ક્ષેત્રો પર જોડાશે.

સિમ્પોઝિયમમાં વ્યાપકપણે પ્લેનરી કીનોટ્સ અને રિસર્ચ ડાયલોગ્સ, ઇન્ટરનેશનલ રિસર્ચ પેનલ્સ અને ગ્લોબલ સાઉથ રિસર્ચ એન્ડ પોસ્ટર્સ શોકેસ રજૂ કરવામાં આવશે.

પ્લેનરી સેશન્સ માં વિચારપ્રેરક કીનોટ્સ, ફાયરસાઇડ ચેટ્સ અને અગ્રણી ભારતીય અને આંતરરાષ્ટ્રીય સંશોધકો સાથે સંવાદો હશે, જેમાં AI ની પરિવર્તનકારી ક્ષમતા પર ઊંડાણપૂર્વકની ચર્ચાઓ થશે, સૈદ્ધાંતિક પાયા, વ્યવહારુ એપ્લિકેશન્સ અને સામાજિક અસરોની શોધ કરવામાં આવશે.

ઇન્ટરનેશનલ રિસર્ચ પેનલ્સ માં વૈશ્વિક સંશોધન નેતાઓ દ્વારા ટૂંકી, કેન્દ્રિત પ્રસ્તુતિઓ હશે જે ગ્રાઉન્ડબ્રેકિંગ AI નવીનતાઓને હાઇલાઇટ કરશે. આ ટ્રેક વિશ્વભરની પ્રીમિયર સંસ્થાઓ તરફથી અદ્યતન પદ્ધતિઓ, નવીન એલ્ગોરિધમ્સ અને સફળ એપ્લિકેશન્સ શેર કરવા માટે એક પ્લેટફોર્મ પૂરું પાડે છે.

ગ્લોબલ સાઉથ રિસર્ચ એન્ડ પોસ્ટર્સ શોકેસ દરમિયાન, ગ્લોબલ સાઉથના વિદ્યાર્થીઓ અને સહયોગી ટીમો દ્વારા સંશોધન પોસ્ટરોનું જીવંત પ્રદર્શન કરવામાં આવશે. આ ટ્રેક ઉભરતી પ્રતિભાની ઉજવણી કરે છે, મેન્ટરશિપની તકોને પ્રોત્સાહન આપે છે અને પ્રાદેશિક અને વૈશ્વિક પડકારોના નવીન ઉકેલોને હાઇલાઇટ કરે છે.

સિમ્પોઝિયમ દ્વારા સ્પષ્ટ અને અમલીકરણ કરી શકાય તેવા પરિણામો, સંશોધન સંસ્થાઓ અને નિર્ણય લેનારાઓ વચ્ચે મજબૂત સહયોગ અને જવાબદાર AI અપનાવવા માટે સંશોધનનો બહેતર ઉપયોગ થવાની અપેક્ષા છે.

રિસર્ચ સિમ્પોઝિયમ વિશે વધુ માહિતી https://impact.indiaai.gov.in/events/research-symposium પર ઉપલબ્ધ છે. કાર્યક્રમ, વિષયોનું ધ્યાન અને સહભાગિતાની પદ્ધતિઓ સહિત AI ઇમ્પેક્ટ સમિટ 2026 અંગેની વધુ વિગતો સત્તાવાર સમિટ વેબસાઇટ - https://impact.indiaai.gov.in/ પર ઉપલબ્ધ છે. રસ ધરાવતા હિતધારકોને વેબસાઇટની મુલાકાત લેવા અને આર્ટિફિશિયલ ઇન્ટેલિજન્સના જવાબદાર અને પ્રભાવશાળી ઉપયોગને આગળ વધારવાના હેતુથી આ વૈશ્વિક સંવાદનો ભાગ બનવા માટે નોંધણી કરવા પ્રોત્સાહિત કરવામાં આવે છે.

SM/JY/GP/JD

(રીલીઝ આઈડી: 2224741) મુલાકાતી સંખ્યા : 10