حکومت اعلیٰ خدمات کے معیار کو یقینی بناتے ہوئے ملک کے تمام حصوں میں ٹیلی کام خدمات فراہم کرنے کے لیے پرعزم ہے۔ سروس کی کارکردگی کو ٹیلی کام ریگولیٹری اتھارٹی آف انڈیا (ٹی آر اے آئی) کے ذریعہ لازمی طور پر سروس کے معیار (کیو او ایس) بینچ مارکس کے خلاف جانچا جاتا ہے۔

حال ہی میں، ٹی آر اے آئی نے ان کیو او ایس بینچ مارکس پر نظر ثانی کی ہے، انہیں مزید سخت بنایا ہے اور عالمی معیارات کے ساتھ ہم آہنگ ہونے کے لیے ایک گلائیڈ پاتھ کو نافذ کیا ہے۔ بینچ مارکس مخصوص کارکردگی کے پیرامیٹرز پر مشتمل ہوتے ہیں، جن میں کال ڈراپ کی شرح، پیکٹ کا نقصان، اور سروس ڈاؤن ٹائم شامل ہیں۔

ان میٹرکس کے لیے ڈیٹا کو منظم طریقے سے ٹیلی کام سروس پرووائیڈرز (ٹی ایس پی) سے جمع کیا جاتا ہے، اور تعمیل کی تفصیلی رپورٹس پبلک ڈومین میں ماہانہ بنیادوں پر شائع کی جاتی ہیں۔

دسمبر 2025 کی ٹی آر اے آئی کی رپورٹ کے مطابق، تمام ٹی ایس پی نے مہاراشٹر لائسنس یافتہ سروس ایریا (ایل ایس اے) میں نیٹ ورک سے متعلقہ پیرامیٹرز بشمول کال ڈراپ ریٹ کے لیے تمام کیو او ایس بینچ مارکس کو پورا کیا۔ خاص طور پر، ضلع پونے میں، تمام ٹی ایس پیز نے 4جی/5جی نیٹ ورک کے لیے ٹی آر اے آئی کے کیو او ایس بینچ مارکس کی تعمیل کی۔

سروس کے معیار کو مزید محفوظ بنانے کے لیے، عوامی رائے کے لیے ایک سرشار طریقہ کار موجود ہے۔ شہری مرکزی عوامی شکایات کا ازالہ اور نگرانی نظام(سی پی جی آر اے ایم ایس) پورٹل کے ذریعے شکایات درج کر کے ناقص سروس کی اطلاع دے سکتے ہیں۔ محکمہ ان شکایات کا تجزیہ کرتا ہے اور مؤثر ازالے کو یقینی بنانے کے لیے متعلقہ ٹی ایس پی کے ساتھ براہ راست رابطہ قائم کرتا ہے۔

مخصوص علاقوں کے بارے میں، سال 2025-26 کے دوران ہنجے واڑی اور بارامتی میں کال ڈراپس سے متعلق کوئی شکایت رپورٹ نہیں ہوئی ہے۔ تاہم، نیٹ ورک کے مسائل پر سروس شکایات کی کم سے کم تعداد درج کی گئی تھی - تین ہنجے واڑی میں اور ایک بارامتی میں۔

پونے کے ہنجے واڑی علاقے میں ٹی آر اے آئی کے ذریعے ستمبر 2025 میں ایک آزاد ڈرائیو ٹیسٹ کرایا گیا تھا۔ یہ دیکھا گیا کہ تمام ٹی ایس پی نیٹ ورک پیرامیٹرز اور کال ڈراپ کی شرحوں کے لیے کیو او ایس معیارات پر پورا اترتے ہیں۔

1 اکتوبر 2022 کو عزت مآب وزیر اعظم کے ذریعہ 5جی کے آغاز کے بعد، ٹیلی کام سروس پرووائیڈرز (ٹی ایس پی) نے اپنی 5جی خدمات کو ملک کی تمام ریاستوں اور مرکز کے زیر انتظام علاقوں میں کم از کم رول آؤٹ ذمہ داریوں سے آگے بڑھا دیا ہے۔ فی الحال، 5جی خدمات 777 میں سے 776 اضلاع میں دستیاب ہیں، جو ملک کے 99.87 فیصد اضلاع کا احاطہ کرتی ہیں۔ کم از کم رول آؤٹ ذمہ داریوں سے آگے موبائل سروسز کی توسیع کا انحصار ٹی ایس پی کے ٹیکنو کمرشل تحفظات پر ہے۔

آج تک، 5.18 لاکھ سے زیادہ 5جی بیس ٹرانسیور اسٹیشن (بی ٹی ایس) نصب کیے جا چکے ہیں، اور تقریباً 38 کروڑ وائرلیس ڈیٹا صارفین نے ملک میں 5جی خدمات کا استعمال شروع کر دیا ہے۔ یہ دنیا کے تیز ترین رول آؤٹ میں سے ایک کی نمائندگی کرتا ہے۔

31 دسمبر 2025 تک، ریاست مہاراشٹر میں ٹی ایس پی کے ذریعے کل 54,261 کے بقدر 5جی-بیس ٹرانسیور اسٹیشن (بی ٹی ایس) نصب کیے گئے ہیں، جن میں بارامتی پارلیمانی حلقہ میں 1,094 اور پونے ضلع میں 8,260 شامل ہیں۔

مزید برآں، حکومت نے 5جی خدمات کے پھیلاؤ کو فروغ دینے کے لیے کئی اقدامات کیے ہیں، جن میں شامل ہیں:

• 5جی موبائل سروسز کے لیے سپیکٹرم کی نیلامی۔

• ایڈجسٹڈ گراس ریونیو (اے جی آر)، بینک گارنٹیز (بی جیز) اور شرح سود کو معقول بنانے کے لیے مالی اصلاحات۔

• 2022 اور اس کے بعد کی نیلامی میں حاصل کیے گئے سپیکٹرم کے استعمال کے چارجز کو ہٹانا۔

• ایس اے سی ایف اے(ریڈیو فریکوئنسی ایلوکیشنز پر قائمہ ایڈوائزری کمیٹی) کلیئرنس کے طریقہ کار کو آسان بنانا۔

• پی ایم گتی شکتی سنچار پورٹل کا آغاز اور آر او ڈبلیو اجازت کو ہموار کرنے اور ٹیلی کام انفراسٹرکچر کی تنصیب کے لیے آر او ڈبلیو (رائٹ آف وے) رولز کا نفاذ۔

• چھوٹے سیل اور ٹیلی کمیونیکیشن لائنوں کی تنصیب کے لیے اسٹریٹ فرنیچر کے استعمال کے لیے مقررہ وقت کی اجازت۔

یہ بات مواصلات اور شمال مشرقی خطے کی ترقی کے مرکزی وزیر جناب جوتی رادتیہ سندھیا کے ذریعہ آج راجیہ سبھا میں ایک تحریری جواب میں کہی گئی۔

(آر ایس – ستارہ سوال نمبر 68؛ 05-02-2026)

***

 (ش ح –ا ب ن)

U.No:1769

(ریلیز آئی ڈی: 2224108) وزیٹر کاؤنٹر : 5