قبائلی امور کے مرکزی وزیرِ مملکت، جناب درگاداس اوئیکے نے آج لوک سبھا کو آگاہ کیا  کہ وزارتِ قبائلی امور نے ریاستی حکومتوں سے موصول ہونے والی تجاویز کی بنیاد پر 10 ریاستوں میں 11 قبائلی مجاہدین آزادی کے عجائب گھرکی منظوری دی ہے۔ ان پروجیکٹوں کا مقصد بھارت کی آزادی کی تحریک میں قبائلی عوام کی قربانیوں اور خدمات کو تسلیم کرنا اور ان کے بارے میں عوامی بیداری پیدا کرنا ہے۔

ان پروجیکٹوں کی مالی اعانت وزارتِ قبائلی امور نے مرکزی امدادیافتہ اسکیم “قبائلی تحقیقی اداروں کی معاونت” اور آرٹیکل 275(1) کی شق کے تحت، ریاستی حکومتوں کی اضافی ضروریات اور موصولہ تجاویز کی بنیاد پر کی ہے۔

اب تک، 11 عجائب گھروں میں سے 03 ریاستوں میں 04 عجائب گھر قائم کیے جا چکے ہیں، جن میں

(1) جھارکھنڈ،

(2) چھتیس گڑھ، اور

(3) مدھیہ پردیش (جہاں 02 عجائب گھر قائم کیے گئے ہیں) شامل ہیں۔

(c) تا (ایف) باقی ماندہ 07 عجائب گھروں میں سے 05 ریاستوں میں عجائب گھروں کی تعمیر اور تزئین کاری (مواد کی ترتیب و نمائش) کا کام جاری ہے۔ یہ ریاستیں ہیں:(1) میزورم،(2) آندھرا پردیش،(3) تلنگانہ،(4) کیرالہ، اور(5) گجرات۔ان کے 2026 کے اختتام تک مکمل ہو کر قائم ہونے کا امکان ہے۔ ریاست گوا اور منی پور میں پروجیکٹ ابتدائی مرحلے میں ہیں۔ ریاستی حکومتِ گوا نے فروری 2025 میں پروجیکٹ کی تعمیر سے متعلق مزید کارروائی شروع کرنے کے لیے اپنی تفصیلی منصوبہ رپورٹ(ڈی پی آر)کو حتمی شکل دے دی ہے۔ منی پور میں اس وقت ریاستی حکومت کی جانب سے ڈی پی آر کی تیاری کا عمل جاری ہے۔

وزارت، متعلقہ ریاستوں کے ساتھ عجائب گھروں کے کام کی مجموعی نگرانی کے لیے باقاعدہ جائزہ اجلاس اور ورکشاپس منعقد کرتی ہے، جن کے ساتھ وزارت کے افسران اور ماہرین کے فیلڈ دورے بھی شامل ہوتے ہیں۔ ان اجلاسوں کے دوران ہر عجائب گھر کی نگرانی اور عمل درآمد کے لیے ہفتہ وار اہداف مقرر کیے جاتے ہیں اور ٹائم لائن طے کی جاتی ہے۔

تاہم، زمین کے انتخاب، پروجیکٹ کی تفصیلی رپورٹ (ڈی پی آر) کی تیاری اور ان عجائب گھروں کی تعمیر کی ذمہ داری متعلقہ ریاستی حکومتوں کی ہے۔ ان عجائب گھروں کی تفصیلات ذیل میں فراہم کی گئی ہیں۔

ضمیمہ - I.

ضمیمہ- I

قبائلی مجاہدین آزادی کے عجائب گھروں کی ریاست وار تفصیلات

 

 

****

( ش ح۔م ع ۔ ا ک م)

U.No. 1704

 

(ریلیز آئی ڈی: 2223802) وزیٹر کاؤنٹر : 4