Sr. No.	Name of the Hospital	City, State	Date of commissioning	Beds	No. of Patient Registered in 2025	No. of surgeries performed in 2025
1	Tata Memorial Hospital	Mumbai, Maharashtra	1941	650	35705	43208
2	Advanced Centre for Treatment, Research and Education in Cancer (ACTREC)	Navi Mumbai, Maharashtra	2002	500	8970	12588
3	Mahamana Pt. Madan Mohan Malaviya Cancer Centre (MPMMCC) at Varanasi	Varanasi, Uttar Pradesh	19/02/2019	394	25047	4188
4	Homi Bhabha Cancer Hospital	Varanasi, Uttar Pradesh	01/05/2018	189	2684	556
5	Homi Bhabha Cancer Hospital & Research Centre	Visakhapatnam, Andhra Pradesh	11/05/2023	210	9751	4581
6	Homi Bhabha Cancer Hospital & Research Centre	New Chandigarh, Punjab	24/08/2022	300	10107	4807
7	Homi Bhabha Cancer Hospital	Sangrur, Punjab	20/01/2015	150	7796	1963
8	B. Borooah Cancer Institute (BBCI)	Guwahati, Assam	27/11/2017	312	9810	4273
9	Homi Bhabha Cancer Hospital and Research Centre	Muzaffarpur, Bihar	30/04/2025	107	7526	1212
10	Platinum Jubilee Block	Mumbai, Maharashtra	Expected 31/03/2027	583	--	--
11	Integrated Centre for Treatment, Research, and Education in Cancer (ICTREC)	Khopoli, Raighad, Maharashtra	Expected 27/06/2026	75	--	--
12	Homi Bhabha Cancer Hospital	Bhubaneswar, Odisha	Expected 07/05/2026	200	--	--

 

 

محکمۂ جوہری توانائی کے انتظامی کنٹرول کے تحت ٹاٹا میموریل مرکز نے جامع کینسر علاج کی سہولیات فراہم کرنے کے لیے ممبئی، کھرگھر (نوی ممبئی)، پنجاب، وارانسی، وِزاگ، مظفرپور اور گوہاٹی میں 11 اسپتال اور ادارے قائم کرکے اپنی سرگرمیوں کو سات ریاستوں تک توسیع دی ہے۔ ٹاٹا میموریل مرکز نے کھوپولی میں بھارتی نظامِ طب سے استفادہ کرتے ہوئے ادویات کی دریافت، کم خرچ اور کم مضر اثرات والی دواؤں کی تیاری کے لیے سہولت قائم کی ہے۔ اس کے ساتھ ساتھ روایتی بھارتی طبی علم کے فروغ اور بھارت سے مخصوص طبی پودوں کی کاشت و تحفظ پر بھی کام جاری ہے۔ مزید برآں، اوڈیشہ کے ضلع کھوردہ کے جاتنی میں واقع نائزر کیمپس میں 200 بستروں پر مشتمل جدید کینسر اسپتال اور تحقیقی مرکز قائم کیا جا رہا ہے۔ موجودہ صورتحال اور استعمال کی تفصیل درج ذیل ہے:

اوڈیشہ میں طبی مصنوعات کی جراثیم کشی کے لیے محکمۂ جوہری توانائی کی جانب سے کوئی شعاع ریزی سہولت قائم نہیں کی گئی۔ تاہم اوڈیشہ میں دو گاما شعاعی چیمبر یونٹس موجود ہیں:

• جی سی-5000 یونٹ، نیشنل انسٹی ٹیوٹ آف سائنس ایجوکیشن اینڈ ریسرچ، بھونیشور، اوڈیشہ میں نصب ہے۔
• خون کی شعاعی جراثیم کشی کا آلہ، آئی ایم ایس اینڈ سم اسپتال، بھونیشور، اوڈیشہ میں موجود ہے۔

فیروکاربونیٹائٹ بھارت میں نایاب زمینی عناصر کا ایک مستند ذریعہ ہے جس کے بڑے ذخائر دریافت کیے گئے ہیں۔ بھابھا ایٹمی تحقیقی مرکز نے ایٹمی معدنیات ڈائریکٹوریٹ فار ایکسپلوریشن اینڈ ریسرچ کے ساتھ مل کر نایاب زمینی عناصر کے لیے ایک مصدقہ حوالہ جاتی مادہ تیار کیا ہے، جو تجزیاتی طریقوں کی ترقی و توثیق، آلات کی درستی اور معیار کی نگرانی کے لیے ضروری ہے۔ اس میں 13 نایاب زمینی عناصر اور 6 اہم عناصر کی تصدیق کی گئی ہے، جو معدنیات کی تلاش، نکالنے اور پراسیسنگ کے کنٹرول میں معاون ہے۔ یہ حوالہ جاتی مادہ دنیا میں اپنی نوعیت کا چوتھا جبکہ بھارت میں پہلا ہے۔

بھابھا ایٹمی تحقیقی مرکز اعلیٰ خالصیت کے حامل گیلیم، انڈیم اور جرمینیم بھی تیار کر رہا ہے جو سیمی کنڈکٹرز اور تابکاری شناختی آلات میں استعمال کے لیے نہایت اہم ہیں اور جوہری توانائی پروگرام کی حمایت کرتے ہیں۔ مزید برآں، ریڈیو دواسازی کے استعمال کے لیے مطلوبہ معیار کا لوٹیٹیم بھی آئسوٹوپ افزودگی کے ذریعے تیار کیا جا رہا ہے۔ یہ حوالہ جاتی مادہ اور لوٹیٹیم پر مبنی ریڈیو دواسازی کی ترقی ملک بھر میں صنعتوں اور اسپتالوں بشمول اوڈیشہ میں استعمال کی جا سکتی ہے۔

نایاب زمینی عناصر کے لیے تیار کردہ حوالہ جاتی مادہ، طبی استعمال خصوصاً کینسرکے علاج کے لیے معیاری ریڈیو آئسوٹوپس کی تیاری، اور اعلیٰ خالصیت کے گیلیم، انڈیم اور جرمینیم کی مقامی پیداوار سے درآمدات پر انحصار کم ہونے کی توقع ہے، جو آتم نربھر بھارت اقدام کے مطابق ہے۔ یہ مواد قابلِ تجدید توانائی، صحت، الیکٹرانکس، تابکاری شناختی آلات اور صنعتی شعبوں سمیت متعدد ٹیکنالوجی پر مبنی میدانوں کے لیے نہایت اہم ہیں، جس سے جوہری، طبی اور صنعتی شعبوں میں خود انحصاری کو فروغ ملے گا، بالخصوص ریاست اوڈیشہ میں۔

فی الحال بھابھا ایٹمی تحقیقی مرکز کے پاس اوڈیشہ کے قبائلی یا امنگوں والے اضلاع میں کسی نئے منصوبے کی تجویز موجود نہیں ہے۔

یہ معلومات وزیرِ اعظم کے دفتر کے وزیرِ مملکت ڈاکٹر جتیندر سنگھ نے 4 فروری 2026 کو لوک سبھا میں تحریری جواب کے ذریعے پیش کیں

 

************

ش ح ۔   م د  ۔  م  ص

(U :     1661  )

(ریلیز آئی ڈی: 2223403) وزیٹر کاؤنٹر : 4