کیمیکلز اینڈ پیٹرو کیمیکلز (ڈی سی پی سی) کی سکریٹری محترمہ نویدیتا شکلا ورما نے آج کہا کہ ڈی سی پی سی ملازمت کے مواقع فراہم کرنے اور نوجوانوں کے ہنر کو اپ گریڈ کرنے میں شامل تنظیموں کی حمایت اور فروغ دینے کے لیے پوری طرح پرعزم ہے۔

سکریٹری نے نئی دہلی میں انڈیا ہیبی ٹیٹ سنٹر میں منعقدہ جاب فیئر کے دورے کے دوران اس طرح کی تعمیری سرگرمیوں میں آل انڈیا پلاسٹک مینوفیکچررز ایسوسی ایشن (اے آئی پی ایم اے) کے نمائندوں کو ڈی سی پی سی کی طرف سے ہر ممکن مدد فراہم کرنے کا یقین دلایا۔

کیمیکل اور پیٹرو کیمیکل کے سیکرٹری نے کہا کہ محکمہ روزگار میلوں اور ہنر مندی کے فروغ کے پروگراموں جیسے اقدامات کی مسلسل حمایت کر رہا ہے۔

انہوں نے مزید بتایا کہ ڈیپارٹمنٹ کی جانب سے سینٹرل انسٹی ٹیوٹ آف پیٹرو کیمیکل انجینئرنگ اینڈ ٹیکنالوجی (سی آئی پی ای ٹی) صنعت کی ضرورت کے مطابق نوجوان ٹیلنٹ کو نکھارنے کے لیے مہارتوں کی نشوونما اور تدریسی طریقہ کار کو تبدیل کرنے پر خصوصی زور دے رہا ہے۔

سکریٹری نے نوٹ کیا کہ مختلف بین الاقوامی کمپنیاں طلباء کو بھرتی کرتی ہیں، اور صنعت کے بدلتے ہوئے تقاضوں سے ہم آہنگ رہنے کے لیے مہارتوں اور قابلیت کو اپ گریڈ کرنے کی اشد ضرورت ہے۔

اے آئی پی ایم اے جاب فیئر سیزن 2026 کا انعقاد محکمہ کیمیکلز اینڈ پیٹرو کیمیکلز (ڈی سی پی سی) نے آل انڈیا پلاسٹک مینوفیکچررز ایسوسی ایشن (اے آئی پی ایم اے) کے تعاون سے اور سینٹرل انسٹی ٹیوٹ آف پیٹرو کیمیکل انجینئرنگ اینڈ ٹیکنالوجی (سی آئی پی ای ٹی) کے تعاون سے کیا تھا۔

افتتاحی تقریب کی مہمان خصوصی محترمہ نویدیتا شکلا ورما، سکریٹری، ڈی سی پی سی نے بطور مہمان خصوصی شرکت کی۔ مزید،جناب دیپک مشرا، جوائنٹ سکریٹری، (پیٹرو کیمیکل)، پروفیسر (ڈاکٹر) ششیر سنہا، ڈائرکٹر جنرل،سی آئی پی ای ٹی  اور محترمہ مرسی ایپاؤ، جوائنٹ سکریٹری،ایم ایس ایم ای کی وزارت اور صنعت کے نمائندے بھی موجود تھے۔

جاب فیئر نے پلاسٹک کی صنعت کی روزگار کی صلاحیت کو اجاگر کیا، ہنر مندی اور اپ اسکلنگ کی اہمیت پر زور دیا، اور صنعت اکیڈمی کے تعاون کو مضبوط بنانے میںاے آئی پی ایم اے کے کردار کی نمائش کی۔ اس تقریب میں 30  سےزائد بین الاقوامی اور قومی کمپنیوں نے شرکت کی جو پلاسٹک انڈسٹری کے سب سے بڑے جاب میلوں میں سے ایک ہے۔

****

(ش ح۔اص)

UR No 1652

 

(ریلیز آئی ڈی: 2223366) وزیٹر کاؤنٹر : 3