২০২৭ চনৰ লোকপিয়ল দুটা পৰ্যায়ত অনুষ্ঠিত হ'ব, প্ৰথম পৰ্য্যায় অৰ্থাৎ গৃহ তালিকা আৰু গৃহ গণনা আৰু দ্বিতীয় পৰ্য্যায় অৰ্থাৎ জনসংখ্যা গণনা। লোকপিয়লৰ প্ৰথম পৰ্যায়ৰ বাবে মোবাইল এপ, লোকপিয়ল ব্যৱস্থাপনা আৰু নিৰীক্ষণ পৰ্টেল তথা আত্মগণনা পৰ্টেল বিকশিত কৰা হৈছে।

অফলাইন তথ্য সংগ্ৰহৰ ব্যৱস্থা মোবাইল এপত উপলভ্য। কেৱল অনিবাৰ্য পৰিস্থিতিতহে গণনাকাৰীসকলে কাগজত তথ্য সংগ্ৰহ কৰিব পাৰে আৰু এনে পৰিস্থিতিত তথ্যসমূহ চাৰ্জ স্তৰতে ডিজিটেলাইজ কৰা হ'ব। চাৰ্ভাৰ পৰ্যায়ত তথ্য সংগ্ৰহ, তথ্য প্ৰেৰণ আৰু তথ্য সংৰক্ষণৰ সময়ত সকলো উপযুক্ত সুৰক্ষা ব্যৱস্থা কৰা হৈছে।

গণনাকাৰীসকলে লোকপিয়লৰ তথ্য সংগ্ৰহৰ বাবে তেওঁলোকৰ আবণ্টিত গণনা ব্লকত ঘৰে ঘৰে পৰিদৰ্শন কৰিব। আত্ম-গণনাৰ ব্যৱস্থা হৈছে উত্তৰদাতাসকলৰ বাবে তথ্য দাখিল কৰাৰ এক অতিৰিক্ত সুবিধা। গণনাকাৰীৰ ঘৰে ঘৰে ভ্ৰমণে নিশ্চিত কৰিব যে কোনো ক্ষেত্ৰতে কোনো তথ্য বাদ পৰা নাই।

গৃহ মন্ত্ৰালয়ৰ ৰাজ্য মন্ত্ৰী শ্ৰী নিত্যানন্দ ৰায়ে ৰাজ্যসভাত এটা প্ৰশ্নৰ লিখিত উত্তৰত এই কথা প্ৰকাশ কৰে।

 

****

RK/RR/PR/PS/SC/MK

(ৰিলিজ আই ডি : 2223205) অতিথি কক্ষ : 7