દર વર્ષે, સરકાર કૃષિ ખર્ચ અને કિંમત પંચ (CACP) ની ભલામણોના આધારે, સંબંધિત રાજ્ય સરકારો અને કેન્દ્રીય મંત્રાલયો/વિભાગોના મંતવ્યો ધ્યાનમાં લીધા પછી, સમગ્ર દેશ માટે 22 નિર્ધારિત કૃષિ પાકો માટે લઘુત્તમ ટેકાના ભાવ (MSPs) નક્કી કરે છે. આ 22 નિર્ધારિત પાકોમાં 14 ખરીફ પાકો એટલે કે ડાંગર, જુવાર, બાજરી, મકાઈ, રાગી, તુવેર (અરહર), મગ, અડદ, મગફળી, સોયાબીન, સૂર્યમુખી, તલ, રામતલ, કપાસ અને 6 રવિ પાકો એટલે કે ઘઉં, જવ, ચણા, મસૂર, રાયડો અને સરસવ, કુસુમ અને બે વ્યાપારી પાકો એટલે કે શણ અને કોપરું (ખોપરું) નો સમાવેશ થાય છે.

વર્ષ 2018-19 ના કેન્દ્રીય બજેટમાં MSP ને ઉત્પાદન ખર્ચના ઓછામાં ઓછા દોઢ ગણા સ્તરે રાખવાના પૂર્વ-નિર્ધારિત સિદ્ધાંતની જાહેરાત કરવામાં આવી હતી. તે મુજબ, સરકારે વર્ષ 2018-19 થી તમામ નિર્ધારિત ખરીફ, રવિ અને અન્ય વ્યાપારી પાકો માટે અખિલ ભારતીય ભારિત સરેરાશ ઉત્પાદન ખર્ચ પર ઓછામાં ઓછું 50 ટકા વળતર મળે તે રીતે MSP માં વધારો કર્યો હતો.

વધેલા MSP થી દેશના ખેડૂતોને ફાયદો થયો છે જે ખરીદીના ડેટા અને ખેડૂતોને ચૂકવવામાં આવેલી MSP રકમ પરથી સ્પષ્ટ થાય છે. પાક વર્ષ 2022-23 થી 2024-25 દરમિયાન થયેલી ખરીદી અને ખેડૂતોને ચૂકવવામાં આવેલી MSP રકમની વિગતો નીચે મુજબ છે:

MSP પાકોની ખરીદી અને તેનું મૂલ્ય

તમામ MSP પાકો	2022-23	2023-24	2024-25
કુલ ખરીદી (LMT માં)	1,118	1,089	1,223
કુલ MSP મૂલ્ય (લાખ કરોડમાં)	2.47	2.63	3.47

આ માહિતી આજે લોકસભામાં કૃષિ અને કિસાન કલ્યાણ રાજ્ય મંત્રી શ્રી રામનાથ ઠાકુરે એક લેખિત જવાબમાં આપી હતી.

SM/IJ/GP/JD

(રીલીઝ આઈડી: 2222882) મુલાકાતી સંખ્યા : 17