नवी दिल्‍ली, 2 फेब्रुवारी 2026

 

भारतीय हवाई दल स्वदेशी बनावटीच्या 'ॲडव्हान्स्ड लाइट हेलिकॉप्टर (एएलएच) ध्रुव' आणि 'सारंग हेलिकॉप्टर डिस्प्ले टीम'च्या माध्यमातून सिंगापूर एअरशो 2026 मध्ये सहभागी होत आहे. अचूक उड्डाण, क्लोज फ

फॉर्मेशन कसरती आणि शिस्तबद्ध अंमलबजावणीसाठी प्रसिद्ध असलेला सारंग डिस्प्ले हा विविध प्रकारच्या कार्यात्मक भूमिकांमध्ये एएलएच ध्रुवची कार्यात्मक बहुमुखी प्रतिभा, चपळता आणि विश्वासार्हता अधोरेखित करतो.

सिंगापूर एअर शो 2026 हे आशियातील प्रमुख द्विवार्षिक एरोस्पेस आणि संरक्षण प्रदर्शन 3 ते 8 फेब्रुवारी 2026 दरम्यान चांगी प्रदर्शन केंद्रात आयोजित केले जात आहे. हा एअर शो जागतिक हवाई दले, उद्योग नेते आणि विमानचालन क्षेत्रातील भागधारकांना एकत्र आणतो, प्रगत लष्करी आणि नागरी विमान वाहतूक प्लॅटफॉर्म्सचे प्रदर्शन करतो, तसेच हिंद - प्रशांत प्रदेशातील व्यावसायिक संवाद, धोरणात्मक चर्चा आणि औद्योगिक भागीदारीला प्रोत्साहन देतो.

सिंगापूर एअर शो 2026 मध्ये सारंग हेलिकॉप्टर डिस्प्ले टीमसह इतर तीन सहभागी संघांचा सहभाग असेल. या एअर शोमध्ये 37 विमानांचे स्थिर प्रदर्शन देखील मांडले जाईल.

2005 साली स्थापन झालेल्या सारंग ॲरोबॅटिक टीममध्ये पाच एएलएच हेलिकॉप्टरचा समावेश आहे. या संघाने एमएकेएस आंतरराष्ट्रीय एअर शो (रशिया, 2021), दुबई एअर शो (2021 आणि 2023), बहरीन आंतरराष्ट्रीय एअर शो (2024) यांसारख्या विविध प्रमुख कार्यक्रमांमध्ये, तसेच 2024 आणि 2026 च्या सिंगापूर एअर शोमध्येही सादरीकरण केले आहे. हा संघ विविध देशांतर्गत कार्यक्रमांमध्येही नियमितपणे सादरीकरण करतो आणि मानवतावादी सहाय्य व आपत्ती निवारणासाठी मौल्यवान सेवा देखील देतो.

 

* * *

शैलेश पाटील/नंदिनी मथुरे/दर्शना राणे

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2222381) अभ्यागत कक्ष : 19