حکومت کرناٹک ، کنڑ اور ثقافت کے محکمے نے حکومت ہند کی وزارت سیاحت کے زیر اہتمام بھارت پرو 2026 میں کلاسیکی رقص ، موسیقی اور روایتی لوک پرفارمنس کی ایک متحرک پیشکش کے ساتھ  ناظرین کو مسحور کیا جو ریاست کے بھرپور ثقافتی ورثے کی عکاسی کرتا ہے ۔

ثقافتی حصے میں کرناٹک کی معروف لوک روایات کو پیش کیا گیا ، جسے کرناٹک کی سیاحت ، محکمہ کنڑ اور ثقافت ، حکومت کرناٹک نے پیش کیا ، جوفیسٹول دیکھنے آئے لوگوں کو ریاست کے متنوع فنکارانہ تاثرات کے بارے میں وسیع تر معلومات پیش کرتا ہے ۔

ایک اہم خصوصیت ڈولو کونیتھا تھی ، جو کرناٹک کے شیوموگا علاقے کا طاقتور اور تال پر مبنی ڈھول رقص تھا ۔  بھگوان شیو کے ایک اوتار سری بیرلنگشور کی پوجا سے اس  رقص کا گہرہ تعلق ہے اور اس پرجوش رقص کی شکل کی ابتدا کروبا گوڑا برادری کی رسومات سے ہوتی ہے ۔  ہم آہنگ  طریقے سے ڈھول بجانے اور زبردست حرکات پر مبنی کارکردگی ، عقیدت ، طاقت اور کمیونٹی کے جذبے کی عکاسی کرتی ہے ۔

ایک اور دلکش پرفارمنس پوجا کونیتھا تھی ، جو جنوبی کرناٹک ، خاص طور پر مانڈیا ، میسورو اور بنگلورو کے علاقوں کا ایک متحرک رسمی لوک رقص تھا۔اسے  روایتی طور پر دیوی شکتی کی عقیدت میں پیش کیا جاتا ہے ، رقاصوں نے سجے ہوئے لکڑی یا بانس کے ڈھانچوں کو متوازن کیا ، جن میں اکثر بت یا مقدس کلش ہوتے ہیں ، جبکہ تامتے ڈھول کی تال کی تھاپوں کی طرف خوبصورتی سے حرکت کرتے ہیں ۔  مندر کے  فیسٹول اور مذہبی پروگراموں  سے منسوب یہ رقص عقیدت کو قابل ذکر جسمانی مہارت اور بصری شان و شوکت کے ساتھ مربوط کرتا ہے ۔

پریزنٹیشن میں شاندار یکشگانا بھی شامل تھا ، جو کہ چار صدیوں پر محیط تاریخ کے ساتھ ساحلی کرناٹک کی منفرد رقص-ڈرامہ روایت ہے ۔  رقص ، موسیقی ، تھیٹر اور غیر معمولی مکالمے کا ایک ہم آہنگ امتزاج ، یکشگانا حیرت انگیز ملبوسات ، اظہار خیال کی حرکات ، اور طاقتور موسیقی کے ساتھ کے ذریعے اساطیری کہانیوں کو زندہ کرتا ہے ۔  رات بھر چلنے والا یہ روایتی پرفارمنس آرٹ پوری دنیا میں کرناٹک کا ثقافتی سفیر بنا ہوا ہے ۔

پوری پریزنٹیشن کو  جناب جگدیش سی جالا نے کوریوگراف کیا اور اس میں تال میل فراہم کیا ، جن کی فنکارانہ ہدایت کاری نے ناظرین کے لیے ایک دلکش اور ثقافتی طور پر عمیق تجربہ کو یقینی بنایا ۔

بھارت پرو 2026 میں کرناٹک کی نمائش ہندوستان کی زندہ روایات کی ایک قابل فخر عکاسی کے طور پر قائم ہوئی ، جس سے فیسٹول کے ثقافتی تنوع کو منانے اور علاقائی آرٹ کی شکلوں کو قومی پلیٹ فارم پر فروغ دینے کے جذبے کو تقویت ملی ۔

****

ش ح۔ا ع خ ۔ا ش ق

 (U: 1354)