റിപ്പബ്ലിക് ദിനാഘോഷങ്ങളുടെ ഭാഗമായി എല്ലാ വർഷവും ജനുവരി 26 മുതൽ 31 വരെ ഡൽഹിയിലെ ചെങ്കോട്ടയ്ക്ക് മുന്നിലുള്ള മൈതാനത്തും, ഗ്യാൻ പഥിലും കേന്ദ്ര ടൂറിസം മന്ത്രാലയം ഭാരത് പർവ് സംഘടിപ്പിച്ചു വരുന്നു.

2026 ജനുവരി 31 ന് വൈകുന്നേരം 5:30 ന് നടക്കുന്ന ഭാരത് പർവ് 2026-ൻ്റെ സമാപന ചടങ്ങിൽ ഉപരാഷ്ട്രപതി  മുഖ്യാതിഥിയായി പങ്കെടുക്കും.

റിപ്പബ്ലിക് ദിന പരേഡിലെ നിശ്ചലദൃശ്യങ്ങൾ, സായുധ സേനാ ബാൻഡുകളുടെ പ്രകടനങ്ങൾ, വടക്കൻ മേഖലാ സാംസ്കാരിക കേന്ദ്രങ്ങൾ, വിവിധ സംസ്ഥാനങ്ങൾ/ കേന്ദ്രഭരണ പ്രദേശങ്ങൾ, ഡൽഹി ആസ്ഥാനമായുള്ള സാംസ്കാരിക ഗ്രൂപ്പുകൾ എന്നിവരുടെ കലാപരിപാടികൾ എന്നിവയിലൂടെ ഇന്ത്യയുടെ സാംസ്കാരികവും സർഗ്ഗാത്മകവുമായ പൈതൃകത്തിൻ്റെ ഊർജ്ജസ്വലമായ വൈവിധ്യങ്ങളാണ് ഭാരത് പർവ് പ്രദർശിപ്പിക്കുന്നത്. പാൻ-ഇന്ത്യ ഫുഡ് കോർട്ട്, കരകൗശല-കൈത്തറി ബസാർ, കേന്ദ്ര മന്ത്രാലയങ്ങളുടെയും സംസ്ഥാന സർക്കാരുകളുടെയും പവലിയനുകൾ എന്നിവയോടൊപ്പം, സ്റ്റുഡിയോ കിച്ചൻ സെഷനുകൾ, തെരുവ് നാടകങ്ങൾ, 'ഡു-ഇറ്റ്-യുവർസെൽഫ്' (DIY) വർക്ക്ഷോപ്പുകൾ തുടങ്ങിയ ആകർഷകമായ പ്രവർത്തനങ്ങളും  ഈ പരിപാടിയുടെ ഭാഗമാണ്.

2026 ജനുവരി 31 വരെ ഉച്ചയ്ക്ക് 12:00 മണി മുതൽ രാത്രി 9:00 മണി വരെ പൊതുജനങ്ങൾക്ക് പരിപാടിയിൽ പങ്കെടുക്കാം. പ്രതിദിനം ഏകദേശം 35,000–40,000 സന്ദർശകർ പങ്കെടുക്കുന്ന ഭാരത് പർവിന് മികച്ച പ്രതികരണമാണ് ലഭിച്ചത്.