नवी दिल्‍ली, 28 जानेवारी 2026

 

प्रजासत्ताक दिन संचलन -2026 साठी तिन्ही सेवा आणि केंद्रीय सशस्त्र पोलीस दल/इतर सहाय्यक दलांमधील सर्वोत्तम कवायत तुकड्या आणि राज्ये/केंद्रशासित प्रदेश आणि मंत्रालये/विभागांमधील सर्वोत्तम चित्ररथांचे निकाल जाहीर करण्यात आले आहेत. कवायत करणा-या तुकड्या आणि चित्ररथांच्या कामगिरीचे मूल्यांकन करण्यासाठी स्थापन  केलेल्या तीन परीक्षकांच्या तुकडीने खालील विजेत्यांची निवड केली आहे:

• तिन्ही सेवांमधील सर्वोत्तम कवायत  तुकडी – भारतीय नौदल
• केंद्रीय सशस्त्र पोलीस दल/इतर सहाय्यक दलांमधील सर्वोत्तम कवायत तुकडी – दिल्ली पोलीस
• शीर्ष तीन चित्ररथ (राज्ये/केंद्रशासित प्रदेश):

1. महाराष्ट्र (गणेशोत्सव: आत्मनिर्भरतेचे प्रतीक)

2. जम्मू आणि काश्मीर (जम्मू आणि काश्मीरच्या हस्तकला आणि लोकनृत्य)

3. केरळ (जलमार्गी मेट्रो आणि 100 % डिजिटल साक्षरता: आत्मनिर्भर भारतासाठी आत्मनिर्भर केरळ)

• केंद्रीय मंत्रालये/विभागांमधील सर्वोत्तम चित्ररथ - संस्कृती मंत्रालय (वंदे मातरम – एका राष्ट्राची आत्मिक हाक)
• विशेष पारितोषिक:

1. केंद्रीय सार्वजनिक बांधकाम विभाग (वंदे मातरम – 150  वर्षांचे स्मरण)

2. ‘वंदे मातरम: भारताचा शाश्वत नाद’ - नृत्य गट

नागरिकांना त्यांच्या आवडत्या चित्ररथ आणि कवायत करणा-या  तुकड्यांना मत देण्यासाठी ‘माय गव्ह पोर्टल’ वर आयोजित केलेल्या ऑनलाइन मतदानावर आधारित ‘लोकप्रिय पसंती’ श्रेणीचे निकाल खालीलप्रमाणे आहेत:

• तिन्ही सेवांमधील सर्वोत्तम कवायत करणारी  तुकडी - आसाम रेजिमेंट
• केंद्रीय सशस्त्र पोलीस दल/इतर सहाय्यक दलांमधील सर्वोत्तम कवायत करणारी  तुकडी – सीआरपीएफ
• शीर्ष तीन चित्ररथ (राज्ये/केंद्रशासित प्रदेश):

1. गुजरात (स्वदेशीचा मंत्र – आत्मनिर्भरता – स्वातंत्र्य: वंदे मातरम)

2. उत्तर प्रदेश (बुंदेलखंडची संस्कृती)

3. राजस्थान (वाळवंटाचा सुवर्ण स्पर्श: बिकानेर सुवर्ण कला (उस्ता कला))

• केंद्रीय मंत्रालये/विभागांमधील सर्वोत्तम चित्ररथ – शालेय शिक्षण आणि साक्षरता विभाग (राष्ट्रीय शिक्षण धोरण 2020 : विकसित भारताच्या दिशेने भारतीय  शालेय शिक्षणाला गती)

 

* * *

शैलेश पाटील/सुवर्णा बेडेकर/दर्शना राणे

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2220919) अभ्यागत कक्ष : 21