شمال مشرقی خطے کی ترقی کی وزارت کے وزیر مملکت ڈاکٹر سکنتا مجومدار نے راجیہ سبھا میں ایک سوال کے تحریری جواب میں  بتایا کہ دسمبر 2024 میں اگرتلہ میں منعقدہ شمال مشرقی کونسل (این ای سی) کی 72 ویں مکمل اجلاس کے دوران ہوئے  اتفاق رائے کے مطابق ، شمال مشرقی ریاستوں کی ترقی کی وزارت (ڈی او این ای آر) نے شمال مشرقی (این ای) خطے کی ہر ریاست کے وزیر اعلیٰ  کی سربراہی میں آٹھ اعلیٰ سطحی ٹاسک فورسز (ایچ ایل ٹی ایف) تشکیل دی گئی تھیں ۔   شمال مشرقی اقتصادی راہداری (این ای ای سی) پر ایچ ایل ٹی ایف میزورم کے وزیر اعلی کے ذریعے بلائی جاتی ہے ، جس میں شمال مشرقی خطے کی ترقی کے مرکزی وزیر اور آسام ، میگھالیہ اور منی پور کے وزرائے اعلی ممبر ہوتے ہیں ۔  این ای ای سی پر ایچ ایل ٹی ایف کے دائرہ اختیار میں ، دیگر باتوں کے ساتھ ساتھ ، شمال مشرقی خطے میں موجودہ اقتصادی بنیادی ڈھانچے اور سرمایہ کاری کے ایکو نظام کا جائزہ ؛  کمیوں  کی نشاندہی اور خطے میں سرمایہ کاری کو راغب کرنے کے لیے حکمت عملی وضع کرنا شامل ہے ۔ شمال مشرقی اقتصادی کوریڈور (  این ای ای سی)  پر ایچ ایل ٹی ایف کی تین میٹنگیں منعقد ہو چکی ہیں ۔

"پی ایم-ڈیوائن" کا وسیع مقصد شمال مشرقی خطے (این ای آر) کی تیز رفتار اور ہمہ جہت ترقی ہے:

1. بنیادی ڈھانچے کی ترقی کے پروجیکٹس،
2. خطے کی محسوس کردہ ضروریات پر مبنی سماجی ترقیاتی پروجیکٹس ،
3. خطے کے نوجوانوں اور خواتین کے لیے روزی روٹی کی سرگرمیوں کو بڑھانا ، اور
4. مختلف شعبوں میں ترقیاتی  فرق کو دور  کرنا ۔

مذکورہ بالا مقاصد کو مدنظر رکھتے ہوئے ، اسکیم کے آغاز سے لے کر21 جنوری 2026 تک 6044.36 کروڑ روپے کی مالیت کے کل 48 پروجیکٹوں کو منظوری دی گئی ہے ۔

شمال مشرقی ریاستوں کی ترقی  کی وزارت (ایم ڈی او این ای آر)  کی اسکیموں کے تحت منظور شدہ  پروجیکٹوں کو ریاستی حکومتوں کی متعلقہ عمل درآمد کرنے والی ایجنسیوں (آئی اے) کے ذریعے انجام دیا جاتا ہے اور ان پروجیکٹوں کی نگرانی کی بنیادی ذمہ داری متعلقہ ریاستی حکومتوں اور عمل درآمد کرنے والی ایجنسیوں کی ہوتی ہے ۔   تاہم ، پروجیکٹوں کی نگرانی ڈی او این ای آر کی وزارت  زمینی سطح پر تکنیکی مدد فراہم کرنے والی یونٹوں (ایف ٹی ایس یو) پروجیکٹ کے معیار کی نگرانی کرنے ولاے  ادارے (پی کیو ایم) اور تیسرے فریق  پر مشتمل تکنیکی  جائزہ لینے والی ایجنسیوں (ٹی پی ٹی آئی) کے ذریعے اور شمال مشرقی ریاستوں کی ترقی  کی وزارت  اور شمال مشرقی کونسل (این ای سی) کے عہدیداروں کے ساتھ ساتھ جائزہ میٹنگوں کے دوران بھی کرتی ہے ۔  پروجیکٹوں کی ڈیجیٹل نگرانی کے لیے مذکورہ بالا ایجنسیوں کی جائزہ رپورٹ  شمال مشرقی ریاستوں کی ترقی  کی وزارت کے پراتر وکاس سیتو (پی وی ایس) پورٹل پر اپ لوڈ کی جاتی ہے ۔  مذکورہ بالا کے علاوہ ، زمینی سطح پر تکنیکی مدد فراہم والے یونٹس ، عمل درآمد کرنے والی ایجنسیوں کے ساتھ قریبی طور پر مصروف عمل ہیں ، رکاوٹوں کو دورکرتے ہیں ، پی ایم گتی شکتی پورٹل پر،  پروجیکٹ کی پیش رفت کو اپ ڈیٹ کرتے ہیں  اور زمینی سطح پر فوری کارروائی کو یقینی بناتے ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

(ش ح –م ع ۔ ق ر)

U. No.1299

(ریلیز آئی ڈی: 2220848) وزیٹر کاؤنٹر : 17