ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕೆ ಮತ್ತು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ರಾಜ್ಯ ಸಚಿವರಾದ ಶ್ರೀ ಜಿತಿನ್ ಪ್ರಸಾದ ಅವರು ಇಂದು ಹೊಸ ಆಧಾರ್ ಅಪ್ಲಿಕೇಶನ್ ಅನ್ನು ರಾಷ್ಟ್ರಕ್ಕೆ ಅರ್ಪಿಸಿದರು. ಇದು ಜನರನ್ನು ಅದರ ಕೇಂದ್ರದಲ್ಲಿ ಇರಿಸಿಕೊಳ್ಳಲು ಗುರುತಿನ ಪರಿಚಯ - ಪರಿಶೀಲನೆಯಲ್ಲಿ ಮಹತ್ವದ ಮೈಲಿಗಲ್ಲಾಗಿ ಗುರುತಿಸುತ್ತದೆ.

ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (ಯು.ಐ.ಡಿ.ಎ.ಐ) ಅಭಿವೃದ್ಧಿಪಡಿಸಿದ ಆಧಾರ್ ಅಪ್ಲಿಕೇಶನ್ ಇದಾಗಿದೆ. ಆಧಾರ್ ಸಂಖ್ಯೆ ಹೊಂದಿರುವವರಿಗೆ (ಎ.ಎನ್‌.ಎಚ್.) ಸುರಕ್ಷಿತ, ಅನುಕೂಲಕರ ಮತ್ತು ಗೌಪ್ಯತೆ - ಒದಗಿಸಲು ವಿನ್ಯಾಸಗೊಳಿಸಲಾದ ಮುಂದಿನ ಪೀಳಿಗೆಯ ಮೊಬೈಲ್ ಅಪ್ಲಿಕೇಶನ್ ಇದಾಗಿದೆ.

ಹೊಸ ಅಪ್ಲಿಕೇಶನ್ ಅನ್ನು ಅನಾವರಣಗೊಳಿಸಿದ ನಂತರ, ಕೇಂದ್ರ ಸಚಿವ ಶ್ರೀ ಪ್ರಸಾದ ಅವರು ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರದ (ಯು.ಐ.ಡಿ.ಎ.ಐ) ಶ್ಲಾಘನೀಯ ಕೆಲಸಕ್ಕಾಗಿ ಅಭಿನಂದಿಸಿದರು ಮತ್ತು "ಆಧಾರ್" ಸರ್ಕಾರಕ್ಕೆ ಡಿಜಿಟಲ್ ಆಡಳಿತ ಪ್ರದರ್ಶನವಾಗಿ ಉಳಿದಿದೆ ಎಂದು ಹೇಳಿದರು. ಯುಐಡಿಎಐ ಸೇವಾ ವಿತರಣೆಯನ್ನು ತೊಂದರೆ ಮುಕ್ತ ಮತ್ತು ತಡೆರಹಿತವಾಗಿ ಮಾಡುತ್ತಿದೆ ಮತ್ತು ಹೊಸ ಅಪ್ಲಿಕೇಶನ್ ಪ್ರಕ್ರಿಯೆಯನ್ನು ಮತ್ತಷ್ಟು ವೇಗಗೊಳಿಸುತ್ತದೆ ಎಂದು ಅವರು ಹೇಳಿದರು.

ಭಾರತದ ಮಟ್ಟದಲ್ಲಿ, ಡಿಜಿಟಲ್ ಗುರುತಿನ / ಪರಿಚಯ ವ್ಯವಸ್ಥೆಯು ಕೇವಲ ತಾಂತ್ರಿಕ ಸಾಧನೆಯಲ್ಲ; ಇದು ಸಾರ್ವಜನಿಕ ನಂಬಿಕೆ, ಉತ್ತಮ ಆಡಳಿತ ಮತ್ತು ನಾಗರಿಕರ ಸಬಲೀಕರಣದ ವಿಷಯವಾಗಿದೆ. ಹೊಸ ಆಧಾರ್ ಅಪ್ಲಿಕೇಶನ್ ನಿಯಂತ್ರಣ, ಒಪ್ಪಿಗೆ ಮತ್ತು ಅನುಕೂಲತೆಯನ್ನು ನಿವಾಸಿಗಳ ಕೈಯಲ್ಲಿ ದೃಢವಾಗಿ ಇರಿಸುವ ಮೂಲಕ ಈ ತತ್ವಗಳನ್ನು ಸಾಕಾರಗೊಳಿಸುತ್ತದೆ.

ತಮ್ಮ ಭಾಷಣದಲ್ಲಿ, ಕೇಂದ್ರ ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸಚಿವಾಲಯ(ಮೈಟಿ) ಕಾರ್ಯದರ್ಶಿ ಶ್ರೀ ಎಸ್. ಕ್ರಿಶನ್ ಅವರು, ಹೊಸ ಅಪ್ಲಿಕೇಶನ್ ಡೇಟಾ ಕಡಿಮೆಗೊಳಿಸುವಿಕೆಯನ್ನು ಉತ್ತೇಜಿಸುತ್ತದೆ ಮತ್ತು ಭದ್ರತೆಯನ್ನು ಹೆಚ್ಚಿಸುತ್ತದೆ ಮತ್ತು ಆಧಾರ್ ಸಂಖ್ಯೆ ಹೊಂದಿರುವವರಿಂದ ಮಾಹಿತಿಯ ಆಯ್ದ ಹಂಚಿಕೆಯನ್ನು ಉತ್ತೇಜಿಸುತ್ತದೆ ಎಂದು ಹೇಳಿದರು.

ಬಳಕೆದಾರರ ಸಂಪೂರ್ಣ ವರ್ಣಪಟಲದಲ್ಲಿ ಬಳಕೆಯ ಸುಲಭತೆಗಾಗಿ ವಿನ್ಯಾಸಗೊಳಿಸಲಾದ ಆಧಾರ್ ಅಪ್ಲಿಕೇಶನ್ ವ್ಯಾಪಕ ಶ್ರೇಣಿಯ ನೈಜ-ಜೀವನದ ಬಳಕೆಯ ಪ್ರಕರಣಗಳನ್ನು ಬೆಂಬಲಿಸುತ್ತದೆ. ಇವುಗಳಲ್ಲಿ ಆಫ್‌ಲೈನ್ ಪರಿಶೀಲನೆ ಸೀಕಿಂಗ್ ಎಂಟಿಟಿಯ (ಒ.ವಿ.ಎಸ್.ಇ.) ಕ್ಯೂ.ಆರ್. ಕೋಡ್ ಸ್ಕ್ಯಾನಿಂಗ್ ಮೂಲಕ ಹೋಟೆಲ್ ಚೆಕ್-ಇನ್‌ ಗಳು ಸೇರಿವೆ. ಇದು ಐಚ್ಛಿಕ ಮುಖ ಪರಿಶೀಲನೆ, ಸಿನಿಮಾ ಟಿಕೆಟ್ ಬುಕಿಂಗ್‌ ಗಳಿಗೆ ವಯಸ್ಸಿನ ಪರಿಶೀಲನೆ, ಸಂದರ್ಶಕರು ಮತ್ತು ಪರಿಚಾರಕರಿಗೆ ಆಸ್ಪತ್ರೆ ಪ್ರವೇಶ, ಗಿಗ್ ಕೆಲಸಗಾರರು ಮತ್ತು ಸೇವಾ ಪಾಲುದಾರರ ಪರಿಶೀಲನೆಯನ್ನು ಅಂತಹ ಅನೇಕ ಬಳಕೆಯ ಸಂದರ್ಭಗಳಲ್ಲಿ ಲಭ್ಯತೆಯನ್ನು ಅನುಮತಿಸುತ್ತದೆ.

ಅಪ್ಲಿಕೇಶನ್ ಉಪಸ್ಥಿತಿಯ ಪುರಾವೆಗಾಗಿ ಮುಖ ಪರಿಶೀಲನೆ, ಒಂದೇ ಕ್ಲಿಕ್‌ ನಲ್ಲಿ ಬಯೋಮೆಟ್ರಿಕ್ ಲಾಕ್/ಅನ್‌ಲಾಕ್, ದೃಢೀಕರಣ ಇತಿಹಾಸದ ವೀಕ್ಷಣೆ ಮತ್ತು ಸಂಪರ್ಕ ವಿವರಗಳನ್ನು ಸುಲಭವಾಗಿ ಹಂಚಿಕೊಳ್ಳಲು ಕ್ಯೂ.ಆರ್. - ಆಧಾರಿತ ಸಂಪರ್ಕ ಕಾರ್ಡ್‌ ನಂತಹ ಸುಧಾರಿತ ಕಾರ್ಯಗಳನ್ನು ಸಹ ಒಳಗೊಂಡಿದೆ.

 ಇದು ಒಂದೇ ಸಾಧನದಲ್ಲಿ ಐದು ಆಧಾರ್ ಪ್ರೊಫೈಲ್‌ ಗಳನ್ನು ನಿರ್ವಹಿಸಲು ಅನುವು ಮಾಡಿಕೊಡುತ್ತದೆ, ಇದು "ಒಂದು ಕುಟುಂಬ - ಒಂದು ಅಪ್ಲಿಕೇಶನ್" ಎಂಬ ಪರಿಕಲ್ಪನೆಯನ್ನು ಸಕ್ರಿಯಗೊಳಿಸುತ್ತದೆ. ನವೀಕರಣಗಳನ್ನು ಪರಿಹರಿಸುವುದರ ಜೊತೆಗೆ, ನಿವಾಸಿಗಳು ಈಗ ಅಪ್ಲಿಕೇಶನ್ ಮೂಲಕ ತಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನು ನವೀಕರಿಸಬಹುದು, ಭವಿಷ್ಯದಲ್ಲಿ ಹೆಚ್ಚಿನ ನವೀಕರಣ ಸೇವೆಗಳನ್ನು ಯೋಜಿಸಲಾಗಿದೆ.

ಕಾಗದದಿಂದ ಕಾಗದರಹಿತ ವ್ಯವಸ್ಥೆ ಕಡೆಗೆ ಪ್ರಯಾಣವು ಒಂದು ಉತ್ತಮ ಹೆಜ್ಜೆಯಾಗಿದೆ ಮತ್ತು ಜನರನ್ನು ತನ್ನ ಕ್ರಿಯೆ ಮತ್ತು ನಾವೀನ್ಯತೆಯ ಕೇಂದ್ರದಲ್ಲಿರಿಸುತ್ತದೆ ಎಂದು ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರದ (ಯು.ಐ.ಡಿ.ಎ.ಐ) ಅಧ್ಯಕ್ಷರಾದ ಶ್ರೀ ನೀಲಕಂಠ ಮಿಶ್ರಾ ಅವರು ಹೇಳಿದರು.

ಅಪ್ಲಿಕೇಶನ್‌ನ ಪ್ರಮುಖ ವೈಶಿಷ್ಟ್ಯವೆಂದರೆ ಆಯ್ದ ರುಜುವಾತು ಹಂಚಿಕೆ ಎಂದು ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರದ (ಯು.ಐ.ಡಿ.ಎ.ಐ) ಸಿಇಒ ಶ್ರೀ ಭುವನೇಶ್ ಕುಮಾರ್ ಅವರು ಹೇಳಿದರು. ವಿನಂತಿಸುವ ಘಟಕಗಳಿಂದ ರಚಿಸಲಾದ ಕಸ್ಟಮೈಸ್ ಮಾಡಿದ ಕ್ಯೂ.ಆರ್. ಕೋಡ್‌ ಗಳ ಮೂಲಕ ನಿವಾಸಿಗಳು ನಿರ್ದಿಷ್ಟ ಬಳಕೆಯ ಪ್ರಕರಣಕ್ಕೆ ಅಗತ್ಯವಿರುವ ನಿರ್ದಿಷ್ಟ ಗುರುತಿನ ಕ್ಷೇತ್ರಗಳನ್ನು ಮಾತ್ರ ಹಂಚಿಕೊಳ್ಳಬಹುದು.

ಇದು ಆಧಾರ್ ಸಂಖ್ಯೆಗಳನ್ನು ಪರಿಶೀಲಕರು ಸಂಗ್ರಹಿಸುವುದಿಲ್ಲ ಮತ್ತು ಡಿಜಿಟಲ್ ಸಹಿ ಮಾಡಬಹುದಾದ ಪರಿಶೀಲಿಸಬಹುದಾದ ರುಜುವಾತುಗಳನ್ನು ಮಾತ್ರ ಹಂಚಿಕೊಳ್ಳಲಾಗುತ್ತದೆ ಎಂದು ಖಚಿತಪಡಿಸುತ್ತದೆ, ಡಿಜಿಟಲ್ ವೈಯಕ್ತಿಕ ಡೇಟಾ ರಕ್ಷಣೆ (ಡಿಪಿಡಿಪಿ) ಕಾಯ್ದೆಗೆ ಅನುಗುಣವಾಗಿ ಡೇಟಾ ಕಡಿಮೆಗೊಳಿಸುವಿಕೆಯನ್ನು ಉತ್ತೇಜಿಸುತ್ತದೆ ಎಂದು ಅವರು ವಿವರಿಸಿದರು.

ಹೊಸ ಆಧಾರ್ ಮೊಬೈಲ್ ಅಪ್ಲಿಕೇಶನ್‌ ನ ಬಿಡುಗಡೆಯೊಂದಿಗೆ, ಭಾರತವು ಮತ್ತೊಮ್ಮೆ ತನ್ನ ಡಿಜಿಟಲ್ ಸಾರ್ವಜನಿಕ ಮೂಲಸೌಕರ್ಯದ ಮೂಲ ತತ್ವವನ್ನು ಪುನರುಚ್ಚರಿಸುತ್ತದೆ: ಈ ತಂತ್ರಜ್ಞಾನವು ಯಾವಾಗಲೂ ವ್ಯಕ್ತಿ, ನಿವಾಸಿ-ಕೇಂದ್ರಿತ, ಅಂತರ್ಗತ ಮತ್ತು ನಂಬಿಕೆಯ ಮೇಲೆ ಸಂಪೂರ್ಣವಾಗಿ ನಿರ್ಮಿಸಲ್ಪಟ್ಟಿದೆ.

 

*****

.

(रिलीज़ आईडी: 2219829) आगंतुक पटल : 30