જલ શક્તિ મંત્રાલયના જળ સંસાધન, નદી વિકાસ અને ગંગા સંરક્ષણ વિભાગ (DoWR, RD & GR)ના સચિવ શ્રી વી. એલ. કાંતા રાવે, જળ ક્ષેત્રમાં કેન્દ્ર અને રાજ્ય સરકારો વચ્ચે સહયોગી ભાગીદારી માટે પશ્ચિમ ક્ષેત્રના પ્રાદેશિક રાજ્ય જળ સચિવોની પરિષદની અધ્યક્ષતા કરી હતી.

મહારાષ્ટ્ર, મધ્ય પ્રદેશ, ગુજરાત, રાજસ્થાન, પંજાબ, ગોવા, જમ્મુ અને કાશ્મીર, લદ્દાખ, ચંદીગઢ અને દાદરા અને નગર હવેલી અને દમણ અને દીવના જળ સંસાધન વિભાગોના વરિષ્ઠ અધિકારીઓએ આ પરિષદમાં ભાગ લીધો હતો. નવી દિલ્હીના DoWR, RD&GR ના અધિકારીઓ ઉપરાંત વિભાગની મુખ્ય સંસ્થાઓના વડાઓએ પરિષદમાં ભાગ લીધો હતો.

DoWR, RD & GRના સચિવે પરિષદના ઉદ્દેશ્યો પર પ્રકાશ પાડતા સહભાગી રાજ્યો/કેન્દ્રશાસિત પ્રદેશો દ્વારા પ્રદેશમાં DoWR, RD& GRની વિવિધ સંસ્થાઓની સેવાઓ/કાર્યોના અસરકારક ઉપયોગની જરૂરિયાત પર ભાર મૂક્યો હતો. તેમણે રાષ્ટ્રીય પરિષદ માટે માર્ગ મોકળો કરવા માટે DoWR, RD&GR અને રાજ્યો/કેન્દ્રશાસિત પ્રદેશો વચ્ચે વિગતવાર વિચારવિમર્શ માટે આવી પ્રાદેશિક પરિષદો યોજવાની જરૂરિયાત પર પણ ભાર મૂક્યો હતો.

પરિષદના મુખ્ય એજન્ડામાં નીચેનાનો સમાવેશ થાય છે -

• સહભાગી રાજ્યો/કેન્દ્રશાસિત પ્રદેશોમાં વિભાગની સંસ્થાઓ દ્વારા કરવામાં આવેલા કાર્યોની સમીક્ષા
• સહભાગી રાજ્યો/કેન્દ્રશાસિત પ્રદેશો દ્વારા પ્રેઝન્ટેશન્સ
• રાજ્યો/કેન્દ્રશાસિત પ્રદેશોના પ્રેઝન્ટેશન્સ પર ચર્ચા અને તેમના પ્રશ્નો/ચિંતાઓનો પ્રતિસાદ
• સહભાગી રાજ્યો/કેન્દ્રશાસિત પ્રદેશો દ્વારા DoWR, RD, GR ની સલાહો અપનાવવાની સમીક્ષા

રાજ્ય સરકારના અધિકારીઓએ જળ સંસાધનોના ક્ષેત્રમાં પોતપોતાના રાજ્યો/કેન્દ્રશાસિત પ્રદેશો દ્વારા લેવામાં આવેલા પગલાં પર પ્રેઝન્ટેશન આપ્યા હતા. સચિવ DoWR, RD&GR એ રાજ્યો દ્વારા કરવામાં આવેલી એકંદર પ્રગતિની સમીક્ષા કરી અને વિવિધ યોજનાઓના અસરકારક અમલીકરણ માટે કેન્દ્ર-રાજ્ય અને આંતર-રાજ્ય સંકલનને મજબૂત કરવાના મહત્વ પર ભાર મૂક્યો. સચિવે ચાલુ પ્રોજેક્ટ્સને સમયસર પૂર્ણ કરવાની અને અગ્રતાના કાર્યોની સમયબદ્ધ પ્રગતિ સુનિશ્ચિત કરવા માટે કેન્દ્ર-રાજ્ય સંકલનમાં રહેલી ખામીઓને ઘટાડવાની જરૂરિયાત પર ભાર મૂક્યો હતો.

તેમના સમાપન વક્તવ્યમાં, સચિવે પ્રદેશમાં જળ સંસાધનોના ટકાઉ અને અસરકારક વિકાસ માટે સંકલિત વ્યૂહરચનાઓ ઘડવા અને અમલમાં મૂકવામાં આ બેઠકના મહત્વ પર પ્રકાશ પાડ્યો હતો. તેમણે જળ સંસાધન પ્રોજેક્ટ્સના એકંદર વિકાસ અને સંચાલન માટે સંપૂર્ણ ટેકો પૂરો પાડવાની વિભાગની પ્રતિબદ્ધતાનો પુનરોચ્ચાર કર્યો હતો.

SM/BS/GP/JD