ہنرمندی کی ترقی اور صنعت کاری کی وزارت (ایم ایس ڈی ای) نے آج سمبیوسس اسکل اینڈ پروفیشنل یونیورسٹی ، پونے میں دو روزہ جن شکشن سنستھان (جے ایس ایس) زونل کانفرنس-کم-اسٹیک ہولڈر کنسلٹیشن اینڈ پروگریس ریویو ورکشاپ کاانعقاد کیا ، جس میں حکومت ہند کے جامع ، کمیونٹی کے لئےضروری ہنرمندی پر مبنی اور آخری میل کی آبادی کے لیے پائیدارذریعہ معاش کی پیداور کو بڑھانے کے عزم کا اعادہ کیا گیا ۔

ہنر مندی کے فروغ اور صنعت کاری کی وزارت (ایم ایس ڈی ای) کے زیر اہتمام منعقدہ اس کانفرنس میں 11 ریاستوں اور مرکز کے زیر انتظام علاقوں کی نمائندگی کرنے والے 152 جن شکشن سنستھانوں نے شرکت کی ۔  اس تقریب میں پیش رفت کا جائزہ لینے ، نظاماتی بہتریوں پر غور و فکر کرنے اور جے ایس ایس ماحولیاتی نظام کی ادارہ جاتی صلاحیت کی تعمیر کے لیے جے ایس ایس پریکٹیشنرز ، ایم ایس ڈی ای کے سینئر عہدیداروں ، جن شکشن سنستھان کے ڈائریکٹوریٹ ، این آئی ای ایس بی یو ڈی کے نمائندے اور تعلیمی شراکت دار اکٹھا ہوئے۔

کانفرنس کی صدارت ایم ایس ڈی ای کی سکریٹری محترمہ دیبشری مکھرجی ، ایم ایس ڈی ای کے ایڈیشنل سکریٹری جناب نرجن کمار سدھانشو اور ایم ایس ڈی ای کے دیگر سینئر عہدیداروں نے کی جس میں روزگار ، صنعت کاری اور روزی روٹی کے نتائج کو مضبوط بنانے پر زوردیا گیا۔

کانفرنس سے خطاب کرتے ہوئے محترمہ دیبشری مکھرجی نے کہا ، "جن شکشن سنستھان ہندوستان میں جامع ہنر مندی کے لیے مرکزی حیثیت رکھتے ہیں۔  ہماری  خاص توجہ سابق طلباء کے رابطے کو مضبوط بنا کر تربیت سے حقیقی نتائج کی طرف بڑھنے، مارکیٹ کی طلب کے ساتھ مہارتوں کو ہم آہنگ کرنےاور مالیات اور مارکیٹ کے روابط کے ذریعے کاروبار میں تعاون کرنے پرہے ۔  روایتی مہارتوں کو جدید بنا کر اور کامیابی کی کہانیوں کو بڑھا کر ، ہمارا مقصد اس بات کو یقینی بنانا ہے کہ بنیادی مہارتیں خواتین اور پسماندہ برادریوں کے لیے پائیدار ذریعہ معاش ، وقار اور تفویض اختیارات کا باعث بنیں ۔

نیشنل انسٹی ٹیوٹ فار انٹرپرینیورشپ اینڈ اسمال بزنس ڈیولپمنٹ (این آئی ای ایس بی یو ڈی) کے ماہرین نے سمبیوسس اسکل اینڈ پروفیشنل یونیورسٹی کے اساتذہ کے ساتھ مل کر روزگار کی مہارت اور کاروباری صلاحیت کوبڑھانے پر خصوصی سیشن منعقد کیے ۔  سیشنوں کی صدارت ڈاکٹرپونم سنہا ، ڈائریکٹر جنرل ، این آئی ای ایس بی یو ڈی اور ڈاکٹر سواتی مجمدار ، پرو چانسلر ، سمبیوسس اسکلز اینڈ پروفیشنل یونیورسٹی نے کی ، جنہوں نے نچلی سطح پر سیکھنے والے پر مرکوز ہنرمندی ، کام کی تیاری میں اضافے اور انٹرپرائز پر مبنی سوچ کی اہمیت پر زور دیا ۔

ذریعہ معاش کی پائیداریت میں مالی شمولیت کے اہم کردار کو تسلیم کرتے ہوئے ، سینٹرل بینک آف انڈیا اور این آئی ای ایس بی یو ڈی کے ماہرین کے ساتھ مالی اور کریڈٹ روابط پر ایک مرکوز سیشن کا انعقاد کیا گیا ۔  اجلاس میں جے ایس ایس سے مستفید ہونے والوں کو مہارتوں کو پائیدار آمدنی کے مواقع میں تبدیل کرنے کے قابل بنانے کے لیے مضبوط بینک روابط ، مالی خواندگی اور منظم سپورٹ سسٹم کی ضرورت پر زور دیا گیا ۔

موضوعاتی مباحثوں کے علاوہ ، کانفرنس میں ہنر مندی کی فراہمی میں مصنوعی ذہانت اور ڈیجیٹل ٹولز کے استعمال ، گورننس اصلاحات ، ایس آئی ڈی ایچ پورٹل کی تعمیل ، لائیولی ہوڈ سیلس کو مضبوط بنانے اور جے ایس ایس مصنوعات کے لیے برانڈنگ اور مارکیٹ تک رسائی کو بہتر بنانے سے متعلق سیشن ہوئے ۔

کانفرنس کے حصے کے طور پر ایک جے ایس ایس نمائش کا اہتمام کیا گیا ، جس میں تمام خطوں سے جے ایس ایس سے مستفیدین کے ذریعے تیار کردہ منتخب بہترین مصنوعات کی نمائش کی گئی ۔  نمائش میں اس اسکیم کے تحت ابتدائی مہارتوں اور مقامی دستکاری کے تنوع کو اجاگر کیا گیا اور بہترین طریقوں کو بانٹنے اور بازار مواقع کو بڑھانے کے لیے ایک پلیٹ فارم فراہم کیا گیا ۔  ایم ایس ڈی ای کے سکریٹری نے سمبیوسس اسکل اینڈ پروفیشنل یونیورسٹی میں اسکل لیبز کا بھی دورہ کیا ، جس میں جدید تربیتی بنیادی ڈھانچے اور پیشہ ورانہ تعلیم کے جدید طریقوں سے واقفیت حاصل کی گئی ۔

اس ورکشاپ کے دوران اسٹیک ہولڈرز کی مشاورت اور گروپ کی بات چیت میں رواں مالی سال کے دوران جے ایس ایس کی فزیکل اور مالی پیش رفت کا جائزہ لینے، تربیتی معیار کو بہتر بنانے، روزگار اور کاروباری نتائج کو مضبوط بنانے، کریڈٹ اور مارکیٹ کے روابط کو بڑھانے اور گورننس اور آپریشنل چیلنجوں سے نمٹنے پر توجہ مرکوز کی گئی ۔

جن شکشن سنستھان اسکیم، ایک مرکزی شعبے کی اسکیم ہے جسے ایم ایس ڈی ای نے غیر سرکاری تنظیموں کے ذریعے نافذ کیا ہے، جس میں خواتین، درج فہرست ذاتوں، درج فہرست قبائل، اقلیتوں اور دیگر پسماندہ گروہوں پر خصوصی زور دیتے ہوئے نا خواندہ، نو خواندہ افراد، اسکول چھوڑنے والے اور معاشرے کے پسماندہ طبقات کو غیر رسمی طریقے سے پیشہ ورانہ مہارتیں فراہم کرنے پر توجہ دی گئی ہے۔  یہ اسکیم دیہی ، قبائلی ، امنگوں والےاور مشکل علاقوں تک ہنر مندی اور روزگار  کی مدد فراہم کرنے میں اہم کردار ادا کرتی ہے  اور دسمبر 2025 تک 34 لاکھ سے زیادہ مستفیدین کو تربیت دی ہے ، جس میں خواتین کی کل شرکت کا 83 فیصد سے زیادہ حصہ ہے ۔

کانفرنس کا اختتام جن شکشن سنستھانوں کو حکومت ہند کے آخری میل تک ہنر مندی فراہم کرنے والےاداروں کے طور پر مزید مضبوط کرنے کے نئے عزم کے ساتھ ہوا،تاکہ اس بات کو یقینی بنایا جاسکے کہ مہارتیں نہ صرف روزگار اور آمدنی کا ذریعہ بنیں بلکہ وقار، لچیلے پن اور شمولیاتی ترقی کا باعث بھی بنیں۔

 

********

 (ش ح ۔ک ح ۔ف ر)

U. No. 851

 

(रिलीज़ आईडी: 2216717) आगंतुक पटल : 6