نیشنل ہیومن رائٹس کمیشن (این ایچ آر سی) انڈیا نے ایک میڈیا رپورٹ کا از خود نوٹس لیا ہے کہ بہار کے کشن گنج ضلع کا ایک 15 سالہ لڑکا ہریانہ کے بہادر گڑھ ریلوے اسٹیشن پر اپنے والد سے الگ ہونے کے بعد مہینوں تک بندھوا مزدوری  کا شکار رہا ۔  مبینہ طور پر ، لڑکا ریلوے اسٹیشن پر پانی لانے کے لیے ٹرین سے اترا لیکن ہجوم کی وجہ سے اپنے والد کے ساتھ دوبارہ اس میں سوار نہیں ہو سکا ۔  اس کی  ٹرین چھوٹ گئی اور آٹھ ماہ تک اسے بندھوا مزدوری کرنا پڑی ۔ اس کے بعد وہ اپنی کٹی ہوئی کہنی لیکر ، کسی طرح واپس اپنے گھر پہنچا ۔

خبر میں یہ بھی انکشاف کیا گیا ہے کہ بانڈڈ لیبر ریلیز سرٹیفکیٹ ، جو کہ متاثرہ کے لیے کسی بھی بحالی اور معاوضے تک رسائی کے لیے ایک لازمی دستاویز ہے ، حکام کی طرف سے بانڈڈ لیبر-2021 کی بحالی کے لیے سنٹرل سیکٹر اسکیم کے تحت ابھی تک جاری نہیں کیا گیا ہے ۔

کمیشن نے کہا ہے کہ میڈیا رپورٹ کے مندرجات ، اگر سچ ہیں تو اس سے  انسانی حقوق کی خلاف ورزی کا سنگین مسئلہ سامنے آتا ہے۔  لہذا ، اس نے چیف سکریٹری اور ڈائریکٹر جنرل آف پولیس ، ہریانہ کے ساتھ ساتھ پولیس کمشنر ، گوتم بدھ نگر ، اتر پردیش اور ضلع مجسٹریٹ ، کشن گنج ، بہار کو نوٹس جاری کیے ہیں ۔  حکام سے دو ہفتے  کے اندر جواب طلب کیا گیا ہے ۔

کمیشن نے حکام کو یہ بھی مطلع کرنے کی ہدایت کی ہے کہ کیا کوئی معاوضہ ادا کیا گیا ہے اور معذوری کا سرٹیفکیٹ جاری کیا گیا ہے یا نہیں تاکہ متاثرہ شخص کو معذور افراد (پی ڈبلیو ڈی) ایکٹ ، 2016 کے فوائد حاصل ہوسکیں ۔

میڈیا رپورٹ کے مطابق 12 جنوری 2026 کو ٹرین سے لاپتہ ہونے کے بعد لڑکا دو دن تک ریلوے اسٹیشن پر رہا جس کے بعد ایک شخص اسے نوکری دینے کے نام پر اتر پردیش کے گوتم بدھ نگر ضلع کے گریٹر نوئیڈا علاقے میں لے گیا جہاں اسے صبح سے رات تک کام کرنے پر مجبور کیا گیا ، جس میں مویشی چرانا اور چارہ کاٹنا شامل تھا ۔  اسے اپنے آجر کی طرف سے اکثر جسمانی تشدد کا نشانہ بنایا جاتا تھا ۔  مبینہ طور پر متاثرہ شخص نے غلامی سے فرار ہونے کی ناکام کوشش کی لیکن وہ پکڑا گیا اور اسے مارا پیٹا گیا ۔  نیوز رپورٹ سے مزید انکشاف ہوا ہے کہ متاثرہ شخص کا بایاں ہاتھ چارہ کاٹنے والی مشین میں کہنی تک کٹ گیا تھا ۔  اسے اس کے آجر نے بغیر کوئی طبی امداد فراہم کیے سڑکوں پر چھوڑ دیا تھا ۔

مبینہ طور پر ، کوئی نامعلوم شخص اسے ہریانہ کے نوح ضلع کے ایک اسپتال لے گیا جہاں سے ، اس کے آجر کے دوبارہ پکڑے جانے کے خوف سے ، وہ بھاگ گیا اور اسے تین کلومیٹر سے زیادہ  راستے پر ننگے پاؤں چلنا پڑا۔ اس کے بعد دو سرکاری اساتذہ کی نظر اس پر گئی اوراس معاملے کی اطلاع جی آر پی ، بہادر گڑھ ، ہریانہ کو دی گئی ۔  وہ اگست 2025 کو اپنے گھر واپس آیا ۔

۔۔۔۔۔۔۔۔۔۔۔

ش ح۔ا س۔اک م۔

U- 625

(रिलीज़ आईडी: 2214893) आगंतुक पटल : 10