नवी दिल्ली, 13 जानेवारी 2026

संरक्षण दल प्रमुख (सीडीएस) जनरल अनिल चौहान यांनी 13 जानेवारी 2026 रोजी दिल्ली कँटोन्मेंट येथील राष्ट्रीय छात्र सेनेच्या (एनसीसी) प्रजासत्ताक दिन शिबिराला भेट दिली.

एनसीसी छात्र आणि अधिकाऱ्यांना संबोधित करताना सीडीएस म्हणाले, युवावर्गासाठी दूरदृष्टी आणि इच्छाशक्तीला फार महत्त्व आहे. ते म्हणाले, “जर तुम्ही योग्य मार्ग निवडला, तर तुम्ही योग्य ठिकाणी पोहोचता; त्यासाठी आज योग्य मार्ग निवडणे महत्त्वाचे आहे.” स्वतःच्या कारकिर्दीचा प्रवास सांगून सीडीएस यांनी छात्रांना सशस्त्र दलांमध्ये करिअर करण्यासाठी आणि 2047 पर्यंत समृद्ध, सशक्त, सुरक्षित भारत घडवण्यासाठी मदत करण्यास प्रोत्साहित केले. “तुम्ही विकसित भारताचे भावी नेते आहात,” असे ते छात्रांना म्हणाले.

त्यांनी एअरो आणि नौदल मॉडेल्सचे सादरीकरण तसेच ड्रोन प्रदर्शनात सहभागी झालेल्या छात्रांची प्रशंसा केली आणि यामुळे त्यांची शिस्त आणि तांत्रिक कौशल्य यांचे प्रदर्शन कसे घडते  हे विशद केले.

आपल्या भाषणाचा समारोप करताना जनरल चौहान यांनी छात्रांना, आपल्या ध्येयांच्या दिशेने काम करण्यासाठी उद्याची वाट न पाहता आत्ताच कृती करण्यास तसेच जीवनात सकारात्मक आणि आशावादी दृष्टिकोन ठेवण्यास सांगितले.

निलीमा चितळे/नंदिनी मथुरे/प्रिती मालंडकर

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

 

 

(रिलीज़ आईडी: 2214345) आगंतुक पटल : 7