ہندوستان کے نائب صدر جناب سی پی رادھا کرشنن نے آج دہلی یونیورسٹی میں منشیات سے پاک کیمپس مہم کا افتتاح کیا، نوجوانوں کو منشیات کے استعمال سے بچانے اور ایک‘وکست اور آتم نربھر بھارت’ کے ویژن کو عملی جامہ پہنانے کے لیے پائیدار اور اجتماعی کوششوں کی ضرورت پر زور دیا۔ اس تقریب میں مرکزی وزیر تعلیم  جناب  دھرمیندر پردھان، دہلی کے وزیر تعلیم جناب آشیش سود، دہلی یونیورسٹی کے وائس چانسلر پروفیسر یوگیش سنگھ، سینئر افسران، فیکلٹی ممبران اور طلباء نے شرکت کی۔

نائب صدر جمہوریہ نے ‘نشہ مکت پریسر ابھیان’ کے تحت ایک وقف ای-پیلج پلیٹ فارم (https://pledge.du.ac.in/home) اور موبائل ایپلیکیشن کا بھی آغاز کیا اور ملک بھر کی یونیورسٹیوں کے طلباء پر زور دیا کہ وہ منشیات سے پاک کیمپس کے لیے سرگرمی سے حصہ لیں اور عہد کریں۔ انہوں نے مرکزی وزیر تعلیم جناب دھرمیندر پردھان سےاپیل کی کہ وہ اس بات کو یقینی بنائیں کہ منشیات سے پاک کیمپس مہم تمام مرکزی اعلیٰ تعلیمی اداروں کا اٹوٹ حصہ بن جائے۔

اس موقع پر خطاب کرتے ہوئے  جناب  دھرمیندر پردھان نے ہندوستان کے نائب صدر جناب سی پی رادھا کرشنن کی موجودگی میں دہلی یونیورسٹی میں منشیات سے پاک کیمپس مہم کے افتتاح میں شرکت پر خوشی کا اظہار کیا۔ انہوں نے زور دے کر کہا کہ یہ پہل محض ایک مہم نہیں ہے بلکہ نوجوانوں، معاشرے اور  ملک کے تئیں ایک مضبوط اجتماعی عزم ہے۔

انہوں نے کہا کہ دہلی یونیورسٹی نہ صرف ایک علمی ادارہ ہے بلکہ خیال پیدا کرنے اور اقدار پیدا کرنے کا ایک طاقتور مرکز بھی ہے۔ اس مہم کے ذریعہ یونیورسٹی نے ایک سنجیدہ، نوجوانوں پر مرکوز چیلنج سے نمٹنے کی طرف ایک بامعنی قدم اٹھایا ہے۔ انہوں نے اس بات پر زور دیا کہ منشیات کا استعمال نہ صرف صحت کے لیے بلکہ نوجوانوں کی صلاحیت اور پیداواری شہریوں کی پرورش کرنے کی قوم کی صلاحیت کے لیے بھی سنگین خطرہ ہے۔ انہوں نے یقین ظاہر کیا کہ یونیورسٹی کا اقدام منشیات کے استعمال کے خلاف ملک گیر تحریک کے ایک اہم ستون کے طور پر ابھرے گا۔

وزیر موصوف نے مزید کہا کہ وزیر اعظم کی طرف سے تصور کئے گئے وکست بھارت- 2047 کے ویژن کو اسی وقت پورا کیا جا سکتا ہے جب نوجوان صحت مند، بیدار، خود انحصاری اور مقصد پر مبنی ہوں گے۔

انہوں نے اس دور اندیش اور متاثر کن پہل کے لیے دہلی یونیورسٹی کو مبارکباد دی اور طلباء سے مہم میں بڑھ چڑھ کر حصہ لینے، اسے عوامی تحریک میں تبدیل کرنے اور منشیات سے پاک، صحت مند اور بااختیار ہندوستان کی تعمیر میں قائدانہ کردار ادا کرنے کی اپیل کی۔

‘منشیات سے پاک کیمپس مہم’ کا مقصد بیداری کو فروغ دینا، صحت مند طرز زندگی کی حوصلہ افزائی کرنا اور طلباء کو محفوظ اور مادہ سے پاک تعلیمی ماحول پیدا کرنے کے لیے متحرک کرنا ہے۔

*****

ش ح – ظ  ا- ن ع

UR No. 522