بھارت اور جرمنی نے ڈاک، ایکسپریس اور لاجسٹکس کے شعبے میں دو طرفہ تعاون کو مضبوط بنانے کی جانب اہم قدم اٹھایا ہے، جس میں 12 جنوری 2026 کو احمد آباد میں دو اہم دستاویزات پر دستخط اور تبادلہ شامل ہیں، جو معزز جناب فریڈرک مرز، وفاقی جمہوریہ جرمنی کے وفاقی چانسلر کے بھارت کے دورے کے دوران عمل میں آئے ۔

دستخط شدہ دستاویزات میں مندرجہ ذیل شامل ہیں:

(i) محکمہ ڈاک، وزارت مواصلات، حکومت بھارت، اور وفاقی وزارت برائے اقتصادی امور و توانائی، وفاقی جمہوریہ جرمنی کے درمیان مشترکہ اعلامیہ ارادی (JDoI)؛ اور

(ii) محکمہ ڈاک اور جرمنی کے نامزد ڈاک آپریٹر ڈوئچے پوسٹ اے جی کے درمیان ایک لیٹر آف انٹینٹ (LoI)۔

مشترکہ اعلامیہ ارادی پر محترمہ وندیتا کول، سیکرٹری (پوسٹس)، نے بھارت سرکار کے ذریعے اور وفاقی جمہوریہ جرمنی کے سفیر ڈاکٹر فلپ ایکر مین نے حکومت جرمنی کے ذریعے دستخط کیے۔ لیٹر آف انٹینٹ پر جناب جتیندر گپتا، ڈائریکٹر جنرل پوسٹل سروسز، محکمہ ڈاک کے لیے، اور جناب ٹوبیاس مائر، سی ای او، ڈوئچے پوسٹ اے جی / ڈی ایچ ایل گروپ، نے دستخط کیے۔

یہ تعاون ایک منظم ساجھیداری کا تصور کرتا ہے جو ڈاک، ایکسپریس اور لاجسٹکس خدمات کو کور کرے گا، جس میں سرحد پار ای کامرس اور وقت کے مطابق بین الاقوامی ترسیل پر خاص توجہ دی جائے گی۔ یہ مشترکہ مصنوعات اور خدمات کی ترقی، نیٹ ورک کنیکٹیویٹی اور آخری میل تعاون کو مضبوط بنانے، اور خطوط و پارسلز کے لیے دو طرفہ ریٹ انتظامات کی تلاش کے لیے ایک فریم ورک فراہم کرتا ہے۔ یہ ساجھیداری ڈیجیٹلائزیشن، آپریشنل ایفیشنسی، پائیداری اور گرین لاجسٹکس میں بہترین طریقہ کار کے تبادلے پر بھی زور دیتی ہے۔

تعاون کا ایک اہم متوقع نتیجہ مشترکہ پریمیم بین الاقوامی ایکسپریس مصنوعات کا آغاز ہے، جس میں ایک وقت کے مطابق بین الاقوامی ایکسپریس سروس شامل ہے جو انڈیا پوسٹ کی وسیع آخری میل رسائی اور ڈوئچے پوسٹ–ڈی ایچ ایل گروپ کے عالمی ایکسپریس اور لاجسٹکس نیٹ ورک سے فائدہ اٹھائے گی۔ اس مربوط طریقہ کار سے توقع کی جاتی ہے کہ بھارت سے آنے والی بین الاقوامی شپمنٹس کے لیے ٹرانزٹ اوقات، قابل اعتماد ہونے اور مکمل نمائش میں نمایاں بہتری آئے گی۔

یہ اقدام بھارت سرکار کے وژن کے ساتھ ہم آہنگ ہے جس کا مقصد برآمدات کو بڑھانا ہے، خاص طور پر ایم ایس ایم ایز، اسٹارٹ اپس، ہنر مندوں اور چھوٹے پروڈیوسرز سے، انھیں قابل اعتماد، سستی اور عالمی سطح پر مسابقتی لاجسٹکس حل فراہم کر کے۔ بین الاقوامی منڈیوں تک رسائی کو بہتر بنا کر اور بھارت کے لاجسٹکس ایکو سسٹم کو مضبوط بنا کر، اس تعاون سے برآمدات میں اضافہ، خدمات کے معیار میں بہتری اور بھارتی کاروباروں کی عالمی ویلیو چینز میں شرکت میں اضافہ متوقع ہے۔

ان دستاویزات پر دستخط بھارت اور جرمنی کے مشترکہ عزم کے غماز ہیں کہ وہ اقتصادی تعاون کو گہرا کریں گے، ڈاک اور لاجسٹک خدمات میں جدت کو فروغ دیں گے، اور بین الاقوامی تجارت میں پائیدار ترقی کی حمایت کریں گے۔

***

(ش ح – ع ا)

U. No. 484