پارادیپ بندرگاہ کے جے دیو سدن میں منعقدہ 25 واں آل انڈیا میجر پورٹ کلچرل میٹ 2026-2025 چار دن کی پرجوش اور دلکش ثقافتی تقریبات کے بعد 11 جنوری کی شام کو اختتام پذیر ہوا ۔ اس تقریب کا اہتمام پارادیپ پورٹ اتھارٹی (پی پی اے) نے میجر پورٹس اسپورٹس کنٹرول بورڈ کے تعاون سے کیا تھا ۔

اختتامی تقریب میں بطور مہمان خصوصی پارادیپ پورٹ اتھارٹی کے چیئرمین جناب پی ایل ہرنادھ نے شرکت کی ۔ اجتماع سے خطاب کرتے ہوئے جناب ہرنادھ نے تمام شرکاء کی شاندار کارکردگی اور چار روزہ تقریب کے دوران پورٹ ٹاؤن شپ کے باشندوں کی تعریف کی ۔ انہوں نے اس سال کے پروگرام میں غیر معمولی تعداد میں شریک خاتون فنکاروں کی خصوصی طور پر تعریف کی اور کہا کہ ان کی محنت، لگن اور صلاحیت نے اس تقریب میں عمدگی کے ایک نئے معیار قائم کئے ہیں۔

ثقافتی اجلاس میں ملک بھر کی 9 بڑی بندرگاہوں کے تقریبا 200 فنکاروں نے جوش و خروش کے ساتھ شرکت کی اور مختلف ثقافتی مقابلوں میں اپنی صلاحیتوں کا مظاہرہ کیا ۔ اس میٹ میں شیاما پرساد مکھرجی پورٹ اتھارٹی نے مجموعی چیمپئن کا اعزاز حاصل کیا۔ ممبئی پورٹ اتھارٹی نے رنر اپ پوزیشن حاصل کی ، جبکہ دین دیال پورٹ اتھارٹی اور کوچین پورٹ اتھارٹی کو مشترکہ طور پر سیکنڈ رنر اپ قرار دیا گیا ۔

پارادیپ پورٹ اتھارٹی کے فنکاروں نے بھی قابل ستائش پرفارمنس پیش کی ، جس میں محترمہ سورن لتا کو مالتی کردارکے لئے بہترین معاون فنکارہ  کا ایوارڈ دیا گیا،جبکہ پارادیپ پورٹ اتھارٹی کی ٹیموں نے بِکرم پریدا کے ڈرامہ (منو) ، ہرشیتا موہ پاتراکےلائٹ میوزک اور رقص کے زمروں میں اعزازات حاصل کئے ۔

پروگرام کی صدارت پی پی اے کلچرل آرگنائزنگ کمیٹی کے چیئرمین جناب ایچ ایس روت نے کی ۔اس موقع پر پی پی اے کےٹریفک ایڈوائزرجناب اے کے بوس، آرگنائزنگ کمیٹی کے وائس چیئرمین جناب اشوک کمار ساہو ، سکریٹری ڈاکٹر ڈی پی سیٹھی  اور آرگنائزنگ کمیٹی کے جوائنٹ سکریٹری  موجود تھے ۔

پچیس ویں آل انڈیا میجر پورٹ کلچرل میٹ کے کامیاب اختتام نے ایک بار پھر بندرگاہ کے ملازمین کی بھرپور ثقافتی صلاحیتوں کو اجاگرکیا اور ملک کی بڑی بندرگاہوں کے درمیان اتحاد ، ثقافتی ہم آہنگی اور باہمی احترام کے جذبے کو مزید مضبوط کیا۔

***

ش ح۔ ک ا۔ ن ع

U.NO.450