ইন্নোভেসন, সস্তেনেবিলিতী, হেরিতেজ কঞ্জর্বেসন, অমসুং এক্সপোর্ত গ্রোথকী থোংদা ভারতকী তেক্সতাইল ইকোসিস্তেম মপাঙ্গল কনখৎহন্নবা নুমিৎ নিনি পাক-শন্না খন্ন-নৈনরবা মতুংদা ঙসি গুৱাহাতিদা নেস্নেল তেক্সতাইল্স মিনিস্তর্স কনফরেন্স লোইশিনখ্রে। কনফরেন্স অসিদা লৈবাক শিনবা থুংনা লৈরিবা রাজ্য অমসুং য়ু.তি.শিংগী মন্ত্রীশিং অমসুং ওফিসিএলশিংনা শরুক য়াখি। মীফম অদুদা ৱা ঙাংলদুনা রাজ্য মন্ত্রী পবিত্রা মার্গেরিতানা হায়খি মদুদি কনফরেন্স অসিদা তেক্সতাইল সেক্তরগী তোঙান তোঙানবা হিরমশিংদা কুপ্না খন্ন-নৈনখি অমসুং মসিনা ভারতপু মালেমগী তেক্সতাইল হব অমা ওইহন্নবগী মঙলান অদু মপুং ফাহন্নবগীদমক ময়েক শেংবা রোদমেপ অমা শেমগৎকনি হায়না থাজবা ফোংদোকখি।

কনফরেন্স অসিগী নিনি চনবা নুমিত্তা, ভারতকী তেক্সতাইলগী এক্সপোর্ত, কম্পিতিতিবনেস অমসুং ব্রান্দিং হেনগৎহন্নবা খন্ন-নৈনখি। সেন্তর অমসুং স্তেৎ দাইলোগনা ২০৩০ ফাওবদা তেক্সতাইল এক্সপোর্ত্তা য়ু.এস.দি. বিল্লিয়ন ১০০ য়ৌবা ঙম্নবা কম্পিতিতিবনেস, সপোর্ত, এক্সেপেক্তেসন অমসুং ভিজনদা মীৎয়েং থমখি।

অতোপ্পা মরুওইবা সেসন অমদা, ভারতকী শেন-থুমগী হেরিতেজ ঙাক-শেন্দুনা থম্বগা লোয়ননা, ত্রেদিস্নেল তেক্সতাইল, হেন্দলুম অমসুং হেন্দিক্রাফকী মতাংদা খন্ন-নৈনখি। মসিদা মার্কেত এক্সেস, ভেল্যু এদিসন, ব্রান্দিং অমসুং আর্তিসানশিং অমসুং ৱিভরশিংগী পুন্সি মহিংদসু মীৎয়েং থমখি। শরুক য়ারিবশিংনা ইনকম জেনরেসন হেনগৎহন্নবা স্কিমশিং, দিজাইন ইন্নোভেসন অমসুং দিজিতেল প্লেতফোর্মশিং পুনশিন্নবগী তঙাইফদবা অদুদা অকনবা ৱাফম থমখি।

মকোক থোংবা ওফিসিএলশিং অমসুং মন্ত্রীশিংনা কেন্দ্র অমসুং রাজ্যশিংগী মরক্তা পুন্না হোৎনমিন্নবগী মরুওইবা অদু ফোংদোকখি। ইনফ্রাস্ত্রকচর দিবেলপমেন্ত, তেক্নোলোজী অপগ্রেদেসন অমসুং সস্তেনেবিলিতী-দ্রিভন ইনিসিয়েতিবশিং য়াওনা তেক্সতাইলস মন্ত্রালয়গী ফ্লেগশিপ স্কিমশিংবু শীজিন্ননবা রাজ্যশিংদা পুক্নিং থৌগৎখি।

নুমিৎ নিনিগী ওইবা কেন্দ্র-রাজ্যগী খন্ন-নৈনবগী থৌরম অসিনা পোলিসী কোওর্দিনেসন, ইনভেস্তমেন্ত প্রোমোসন অমসুং ভারতকী তেক্সতাইল সেক্তরগী অপুনবা চাউখৎ থৌরাংগী মায়কৈদা মরু ওইবা খোঙথাং অমা ওইখি।

***