ভারত সরকারগী তেক্সতাইল্স মন্ত্রালয়না ঙসি গুৱাহাতিদা "নোর্থ-ইস্তর্ন রিজন ওফ ইন্দিয়াগী তেক্সতাইল সেক্তর মপাঙ্গল কনখৎহনবা অমসুং শক্তি পীবা" হায়না মিংথোনবা অৱাংবা থাক্কী কনক্লেব অমা পাংথোকখ্রে। কনফরেন্স অসিনা অৱাং-নোংপোক্কী রাজ্যশিংদা তেক্সতাইল সেক্তরগী গ্রোথ অসি পোলীসী কোওর্দিনেসন, ইনভেস্তমেন্ত প্রোমোসন, স্কিল দিবেলপমেন্ত, ভেল্যু এদিসন অমসুং মার্কেত এক্সেস ফগৎহন্দুনা খোঙজেল য়াংখৎহন্নবা হোৎনবা য়াবা থৌওংশিংগী মতাংদা কুপ্না খন্ন-নৈনবগীদমক ফোকস প্লেৎফোর্ম অমা পীখি।

কনফরেন্স অদুদা কেন্দ্রগী তেক্সতাইল্সকী মন্ত্রী শ্রী গিরিরাজ সিংহ, তেক্সতাইল্সকী রাজ্য মন্ত্রী শ্রী পবিত্রা মার্গেরিতা, তেক্সতাইল অমসুং ইন্দস্ত্রীগী মন্ত্রীশিং, অৱাং নোংপোক রাজ্যশিং অমসুং কেন্দ্র সরকারগী পার্লিয়ামেন্ত মেম্বরশিং অমসুং মকোক থোংবা তেক্সতাইল সেক্তরগী ইন্সতিত্যুসনশিংগী মীহুৎশিং য়াওখি।

থৌরম অদুদা ৱা ঙাংলদুনা তেক্সতাইল্স মন্ত্রী শ্রী গিরিরাজ সিংহনা হায়খি মদুদি অৱাং-নোংপোক লমদম অসি লৈবাক অসিগী তেক্সতাইল সেক্তরগী য়াম্না মরু ওইবা শরুক অমনি অমসুং কেন্দ্র সরকারনা মসি চাউখৎহন্নবা ৱাশক্লি।

খন্ন-নৈনবা অদুদা অৱাং-নোংপোক লমদমগী তোপ-তোপ্পা মপাঙ্গলশিং-মশাগী হৈথোই-শিংথোইবা হন্দলুম হেরিতেজ, জি.আই. তেগ ফংলবা পোত্থোকশিং, মুগা মখল কয়া, বেম্বু ক্রাফশিং, অমসুং নুপী আর্তিসানশিং অমসুং ৱিভরশিংগী শরুক য়াবগী মপাঙ্গল অদু ফোংদোকখি।

কনফরেন্স অসিনা ভেল্যু চেনশিং মপাঙ্গল কনখৎহন্নবা, এক্সপোর্তশিং হেনগৎহন্নবা, ইনভেস্তমেন্তশিং পুক্নিং চিংশিনহন্নবা অমসুং ত্রেদিস্নেল স্কিলশিংবু মোদর্ন তেক্নোলোজী, দিজাইন ইন্নোভেসন অমসুং মার্কেত লিঙ্কেজশিংগা পুনশিন্নবগীদমক কোওর্দিনেতেদ অমসুং ইন্তিগ্রেতেদ এপ্রোচ অমগী মথৌ তাবগী মতাংদা পনখি।

***