حکومتِ ہند کی وزارتِ ٹیکسٹائل، نے آج گوہاٹی میں ’’بھارت کے شمال مشرقی خطے کے ٹیکسٹائل شعبے کو مضبوط اور بااختیار بنانے‘‘ کے موضوع پر ایک اعلیٰ سطحی کانکلیو کا انعقاد کیا۔ اس کانفرنس نے شمال مشرقی ریاستوں میں ٹیکسٹائل شعبے کی ترقی کو تیز کرنے کے لیے پالیسی ہم آہنگی کو بہتر بنانے، سرمایہ کاری کے فروغ، مہارت کی ترقی، اضافی اقدار اور مارکیٹ تک رسائی میں بہتری جیسے اہم امور پر جامع غور و خوض کے لیے ایک مرکوز پلیٹ فارم فراہم کیا۔

کانفرنس میں معزز گیری راج سنگھ، معزز وزیرِ مملکت برائے ٹیکسٹائل پبیترا مارگھریٹا، ٹیکسٹائل اور صنعت کے وزراء، اراکینِ پارلیمان، شمال مشرقی ریاستوں اور مرکزی حکومت کے سینئر افسران کے ساتھ ساتھ ٹیکسٹائل شعبے کے اہم اداروں کے نمائندوں نے شرکت کی۔

کانکلیو سے خطاب کرتے ہوئے مرکزی وزیر برائے ٹیکسٹائل جناب گیری راج سنگھ نے کہا کہ شمال مشرقی خطہ ملک کے ٹیکسٹائل شعبے کا نہایت اہم حصہ ہے اور مرکزی حکومت اس کی ترقی کے لیے پوری طرح پُرعزم ہے۔

غور و خوض کے دوران شمال مشرقی خطے کی منفرد خوبیوں کو نمایاں کیا گیا، جن میں اس کا مالا مال ہینڈلوم ورثہ، جی آئی ٹیگ یافتہ مصنوعات، ریشم کی متنوع اقسام، بانس کی دستکاریاں، اور خواتین کاریگروں و بُنکروں کی مضبوط شمولیت شامل ہے۔

کانفرنس میں اس امر پر زور دیا گیا کہ ویلیو چین کو مضبوط بنانے، برآمدات میں اضافہ، سرمایہ کاری کو راغب کرنے، اور روایتی مہارتوں کو جدید ٹیکنالوجی، ڈیزائن جدت اور مارکیٹ روابط کے ساتھ ہم آہنگ کرنے کے لیے مربوط اور جامع حکمتِ عملی اپنانا ناگزیر ہے۔

************

ش ح ۔ م د ۔ م ص

(U : 315 )