દૂષિત પીવાના પાણીના વપરાશને કારણે ટાઇફોઇડના કેસોમાં નોંધપાત્ર વધારો થયો હોવાનો ખુલાસો કરતા એક મીડિયા રિપોર્ટની નોંધ રાષ્ટ્રીય માનવ અધિકાર પંચ (NHRC), ભારતના દ્વારા લેવામાં આવી છે. રાજ્યના આરોગ્ય વિભાગે શહેરના ચોક્કસ વિસ્તારમાં કુલ 70 સક્રિય ટાઇફોઇડના કેસોની પુષ્ટિ કરી છે. અહેવાલ મુજબ, ટાઇફોઇડના કેસોમાં વધારાથી ગુજરાતના ગાંધીનગરમાં નવી બનાવેલી પાણી પુરવઠા વ્યવસ્થામાં ગંભીર ખામીઓ ઉજાગર થઈ છે. પાણીની પાઇપલાઇન નેટવર્કમાં સાત સ્થળોએ લીકેજ જોવા મળ્યું છે, જેના કારણે ગટરનું પાણી પીવાના પાણીમાં ભળી ગયું છે.

આયોગે શોધી કાઢ્યું છે કે, જો અહેવાલ સાચો હોય, તો આ પીડિતોના માનવ અધિકારોનું ગંભીર ઉલ્લંઘન છે. તેથી, તેણે ગુજરાત સરકારના મુખ્ય સચિવને નોટિસ ફટકારી છે, જેમાં બે અઠવાડિયામાં આ બાબતે વિગતવાર અહેવાલ માંગવામાં આવ્યો છે. અહેવાલમાં આઉટડોર અને ઇન્ડોર ટાઇફોઇડના દર્દીઓની વર્તમાન આરોગ્ય સ્થિતિ અને આવી ઘટનાઓ ફરી ન બને તે માટે લેવામાં આવેલા અથવા પ્રસ્તાવિત પગલાંની માહિતી શામેલ હોવાની અપેક્ષા છે.

4 જાન્યુઆરી, 2026ના રોજના એક મીડિયા રિપોર્ટ મુજબ, ડોકટરોએ પુષ્ટિ આપી છે કે તે પાણીજન્ય રોગ છે અને દર્દીઓને વહેલા શોધી કાઢવા અને તેમને પ્રાથમિકતાના ધોરણે તાત્કાલિક તબીબી સારવાર મળે તેની ખાતરી કરવા માટે કામ કરી રહ્યા છે. રિપોર્ટ મુજબ, ટાઈફોઈડના દર્દીઓની વધતી સંખ્યાને સંભાળવા માટે ગાંધીનગર સિવિલ હોસ્પિટલમાં 30 બેડનો પીડિયાટ્રિક વોર્ડ ખોલવામાં આવ્યો છે, જેમાં મોટાભાગે બાળકોનો સમાવેશ થાય છે. રિપોર્ટ મુજબ, દર્દીઓ ખૂબ તાવ અને પેટની સમસ્યાઓ સાથે હોસ્પિટલમાં આવી રહ્યા છે.

SM/IJ/GP/BS

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com