ਤਕਨਾਲੋਜੀ-ਅਧਾਰਿਤ ਨਦੀ ਮੁੜ ਸੁਰਜੀਤੀ ਦੇ ਯਤਨਾਂ ਨੂੰ ਤੇਜ਼ ਕਰਨ ਲਈ, ਅੱਜ ਕੇਂਦਰੀ ਜਲ ਸ਼ਕਤੀ ਮੰਤਰੀ ਸ਼੍ਰੀ ਸੀ.ਆਰ. ਪਾਟਿਲ ਦੀ ਪ੍ਰਧਾਨਗੀ ਹੇਠ ਅਧਿਕਾਰ ਸੰਪੰਨ ਕਾਰਜ ਸਮੂਹ (ਈਟੀਐਫ) ਦੀ 17ਵੀਂ ਮੀਟਿੰਗ ਹੋਈ। ਮੀਟਿੰਗ ਵਿੱਚ ਨਮਾਮੀ ਗੰਗਾ ਪ੍ਰੋਗਰਾਮ ਦੇ ਤਹਿਤ ਡੇਟਾ-ਅਧਾਰਿਤ ਫੈਸਲੇ ਲੈਣ ਅਤੇ ਨਿਗਰਾਨੀ ਤੰਤਰ ਅਤੇ ਪਾਲਣਾ ਢਾਂਚੇ ਨੂੰ ਮਜ਼ਬੂਤ ​​ਕਰਨ 'ਤੇ ਧਿਆਨ ਕੇਂਦ੍ਰਿਤ ਕੀਤਾ ਗਿਆ। ਇਸ ਵਿੱਚ ਡਰੇਨੇਜ ਮੈਪਿੰਗ ਅਤੇ ਸੀਵਰੇਜ ਟ੍ਰੀਟਮੈਂਟ ਬੁਨਿਆਦੀ ਢਾਂਚੇ ਦੀ ਬਿਹਤਰ ਨਿਗਰਾਨੀ 'ਤੇ ਵਿਸ਼ੇਸ਼ ਜ਼ੋਰ ਦਿੱਤਾ ਗਿਆ।

 

ਇਸ ਮੀਟਿੰਗ ਵਿੱਚ ਜਲ ਸ਼ਕਤੀ ਰਾਜ ਮੰਤਰੀ ਸ਼੍ਰੀ ਰਾਜ ਭੂਸ਼ਣ ਚੌਧਰੀ ਅਤੇ ਵੱਖ-ਵੱਖ ਮੰਤਰਾਲਿਆਂ ਅਤੇ ਰਾਜ ਸਰਕਾਰਾਂ ਦੇ ਮੁੱਖ ਹਿਤਧਾਰਕ ਸ਼ਾਮਲ ਹੋਏ। ਇਨ੍ਹਾਂ ਵਿੱਚ ਸ਼੍ਰੀ ਵੀ.ਐੱਲ. ਕੰਥਾ ਰਾਓ, ਸਕੱਤਰ, ਜਲ ਸਰੋਤ, ਸ਼੍ਰੀ ਅਸ਼ੋਕ ਕੇ.ਕੇ. ਮੀਣਾ, ਸਕੱਤਰ, ਡਰਿੰਕਿੰਗ ਵਾਟਰ ਐਂਡ  ਸੈਨੀਟੇਸ਼ਨ, ਸ਼੍ਰੀ ਰਾਜੀਵ ਕੁਮਾਰ ਮਿੱਤਲ, ਡਾਇਰੈਕਟਰ ਜਨਰਲ, ਨੈਸ਼ਨਲ ਮਿਸ਼ਨ ਫਾਰ ਕਲੀਨ ਗੰਗਾ (ਐਨਐਮਸੀਜੀ), ਸ਼੍ਰੀ ਗੌਰਵ ਮਸਾਲਦਨ, ਸੰਯੁਕਤ ਸਕੱਤਰ ਅਤੇ ਵਿੱਤੀ ਸਲਾਹਕਾਰ, ਜਲ ਸਰੋਤ ਵਿਭਾਗ, ਸ਼੍ਰੀ ਨਲਿਨ ਸ਼੍ਰੀਵਾਸਤਵ, ਡਿਪਟੀ ਡਾਇਰੈਕਟਰ ਜਨਰਲ, ਐਨਐਮਸੀਜੀ, ਸ਼੍ਰੀ ਬ੍ਰਿਜੇਂਦਰ ਸਵਰੂਪ, ਕਾਰਜਕਾਰੀ ਪ੍ਰੋਜੈਕਟ ਡਾਇਰੈਕਟਰ, ਸ਼੍ਰੀ ਅਨੂਪ ਕੁਮਾਰ ਸ਼੍ਰੀਵਾਸਤਵ, ਤਕਨੀਕੀ ਕਾਰਜਕਾਰੀ ਨਿਰਦੇਸ਼ਕ, ਸ਼੍ਰੀ ਐੱਸ.ਪੀ. ਵਸ਼ਿਸ਼ਟ, ਪ੍ਰਸ਼ਾਸਨਿਕ ਕਾਰਜਕਾਰੀ ਨਿਰਦੇਸ਼ਕ, ਸ਼੍ਰੀ ਭਾਸਕਰ ਦਾਸਗੁਪਤਾ ਕਾਰਜਕਾਰੀ ਨਿਰਦੇਸ਼ਕ ਵਿੱਤ; ਸ਼੍ਰੀ ਅਨੁਰਾਗ ਸ਼੍ਰੀਵਾਸਤਵ ਵਧੀਕ ਮੁੱਖ ਸਕੱਤਰ, ਉੱਤਰ ਪ੍ਰਦੇਸ਼, ਪ੍ਰੋਜੈਕਟ ਡਾਇਰੈਕਟਰ, ਉੱਤਰ ਪ੍ਰਦੇਸ਼, ਸ਼੍ਰੀ ਜੋਗਿੰਦਰ ਸਿੰਘ, ਪ੍ਰਮੁੱਖ ਸਕੱਤਰ, ਸ਼ਹਿਰੀ ਵਿਕਾਸ, ਬਿਹਾਰ ਸ਼੍ਰੀ ਸੰਦੀਪ, ਪ੍ਰੋਜੈਕਟ ਡਾਇਰੈਕਟਰ, ਪੱਛਮੀ ਬੰਗਾਲ ਰਾਜ ਮਿਸ਼ਨ ਫਾਰ ਕਲੀਨ ਗੰਗਾ, ਸ਼੍ਰੀਮਤੀ ਨੰਦਿਨੀ ਘੋਸ਼, ਪ੍ਰੋਜੈਕਟ ਡਾਇਰੈਕਟਰ, ਝਾਰਖੰਡ, ਸ਼੍ਰੀ ਸੂਰਜ, ਅਤੇ ਰਾਸ਼ਟਰੀ ਮਿਸ਼ਨ ਫਾਰ ਕਲੀਨ ਗੰਗਾ ਅਤੇ ਰਾਜਾਂ ਦੇ ਸੀਨੀਅਰ ਅਧਿਕਾਰੀ ਸ਼ਾਮਲ ਸਨ। ਕੇਂਦਰ ਸਰਕਾਰ ਦੇ ਬਿਜਲੀ ਮੰਤਰਾਲੇ, ਆਵਾਸ ਅਤੇ ਸ਼ਹਿਰੀ ਮਾਮਲਿਆਂ ਦੇ ਮੰਤਰਾਲੇ ਅਤੇ ਗ੍ਰਹਿ ਮੰਤਰਾਲੇ ਦੇ ਪ੍ਰਤੀਨਿਧੀਆਂ ਨੇ ਵੀ ਮੀਟਿੰਗ ਵਿੱਚ ਹਿੱਸਾ ਲਿਆ।

ਜਲ ਸ਼ਕਤੀ ਮੰਤਰੀ ਨੇ ਪ੍ਰਗਤੀ 'ਤੇ ਸੰਤੁਸ਼ਟੀ ਪ੍ਰਗਟ ਕਰਦੇ ਹੋਏ ਮੌਜੂਦਾ ਸਾਲ ਵਿੱਚ 15 ਪ੍ਰਦੂਸ਼ਣ ਕੰਟਰੋਲ ਬੁਨਿਆਦੀ ਢਾਂਚੇ ਦੇ ਪ੍ਰੋਜੈਕਟਾਂ ਦੇ ਮੁਕੰਮਲ ਹੋਣ ਦੀ ਸ਼ਲਾਘਾ ਕੀਤੀ, ਇਸਨੂੰ ਚੱਲ ਰਹੇ ਗੰਗਾ ਮੁੜ ਸੁਰਜੀਤੀ ਯਤਨਾਂ ਵਿੱਚ ਇੱਕ ਮਹੱਤਵਪੂਰਨ ਪ੍ਰਾਪਤੀ ਦੱਸਿਆ। ਉਨ੍ਹਾਂ ਕਿਹਾ ਕਿ ਇਹ ਬਿਹਤਰ ਤਾਲਮੇਲ, ਪ੍ਰਭਾਵਸ਼ਾਲੀ ਨਿਗਰਾਨੀ ਅਤੇ ਕੇਂਦ੍ਰਿਤ ਲਾਗੂਕਰਨ ਨੂੰ ਦਰਸਾਉਂਦਾ ਹੈ, ਜੋ ਨਦੀ ਦੇ ਲੰਬੇ ਸਮੇਂ ਦੇ ਮੁੜ ਸੁਰਜੀਤੀ ਲਈ ਇੱਕ ਮਜ਼ਬੂਤ ​​ਅਧਾਰ ਤਿਆਰ ਹੋਇਆ ਹੈ। ਇਸ ਵਿੱਚ ਉੱਤਰ ਪ੍ਰਦੇਸ਼ ਛੇ ਪ੍ਰੋਜੈਕਟਾਂ ਨੂੰ ਪੂਰਾ ਕਰਕੇ ਮੋਹਰੀ ਰਿਹਾ, ਜਦੋਂ ਕਿ ਬਿਹਾਰ ਅਤੇ ਪੱਛਮੀ ਬੰਗਾਲ ਨੇ ਕ੍ਰਮਵਾਰ ਚਾਰ ਅਤੇ ਤਿੰਨ ਪ੍ਰੋਜੈਕਟ ਪੂਰੇ ਕੀਤੇ। ਉੱਤਰਾਖੰਡ ਅਤੇ ਦਿੱਲੀ ਨੇ ਵੀ ਇੱਕ-ਇੱਕ ਪ੍ਰੋਜੈਕਟ ਪੂਰਾ ਕੀਤਾ।

ਮੀਟਿੰਗ ਵਿੱਚ ਟ੍ਰੀਟ ਕੀਤੇ ਗਏ ਗੰਦੇ ਪਾਣੀ ਦੀ ਮੁੜ ਵਰਤੋਂ, ਪੈਲੀਓ-ਚੈਨਲ-ਅਧਾਰਿਤ ਐਕੁਇਫਰ ਮੈਪਿੰਗ, ਜਿਵੇਂ ਕਿ ਇਨੋਵੇਟਿਵ ਅਤੇ ਖੋਜ-ਅਧਾਰਿਤ ਹੱਲਾਂ ਨੂੰ ਅਪਣਾਉਣ ਬਾਇਓਰੀਮੀਡੀਏਸ਼ਨ ਅਤੇ ਇਨੋਵੇਟਿਵ ਸੀਵਰੇਜ ਟ੍ਰੀਟਮੈਂਟ ਪ੍ਰੋਜੈਕਟ, ਆਮ ਪ੍ਰਵਾਹ ਟ੍ਰੀਟਮੈਂਟ ਪਲਾਂਟ (ਸੀਈਟੀਪੀ), ਅਤੇ ਹੋਰ ਸੰਬੰਧਿਤ ਪਹਿਲਕਦਮੀਆਂ 'ਤੇ ਜ਼ੋਰ ਦਿੱਤਾ ਗਿਆ। ਇਹ ਪਹਿਲਕਦਮੀਆਂ ਇੱਕ ਟਿਕਾਊ ਅਤੇ ਅਨੁਕੂਲ ਨਦੀ ਪ੍ਰਬੰਧਨ ਢਾਂਚੇ ਲਈ ਜ਼ਰੂਰੀ ਹਨ।

ਸ਼੍ਰੀ ਪਾਟਿਲ ਨੇ ਸਾਰੇ ਰਾਜਾਂ ਨੂੰ ਰਾਸ਼ਟਰੀ ਢਾਂਚੇ ਦੇ ਅਨੁਸਾਰ ਟ੍ਰੀਟ ਕੀਤੇ ਪਾਣੀ ਲਈ ਇੱਕ ਸੁਰੱਖਿਅਤ ਮੁੜ ਵਰਤੋਂ ਨੀਤੀ ਦੇ ਵਿਕਾਸ ਨੂੰ ਤੇਜ਼ ਕਰਨ ਦੇ ਨਿਰਦੇਸ਼ ਦਿੱਤੇ। ਨੀਤੀਗਤ ਪ੍ਰਬੰਧਾਂ, ਸਪੱਸ਼ਟ ਟੀਚਿਆਂ ਅਤੇ ਅਨੁਕੂਲ ਸਥਿਤੀਆਂ ਪੈਦਾ ਕਰਕੇ ਰਾਜਾਂ ਵਿੱਚ ਟ੍ਰੀਟ ਕੀਤੇ ਪਾਣੀ ਦੀ ਸੁਰੱਖਿਅਤ ਮੁੜ ਵਰਤੋਂ ਨੂੰ ਉਤਸ਼ਾਹਿਤ ਕਰਨ 'ਤੇ ਜ਼ੋਰ ਦਿੱਤਾ ਗਿਆ।

ਸ਼੍ਰੀ ਪਾਟਿਲ ਨੇ ਉੱਤਰ ਪ੍ਰਦੇਸ਼ ਵਿੱਚ ਗੰਗਾ ਨਦੀ ਦੇ ਡਰੇਨੇਜ ਸਿਸਟਮ ਦੀ ਮੈਪਿੰਗ ਅਤੇ ਵਿਸ਼ਲੇਸ਼ਣ ਮੌਡਿਊਲ ਅਤੇ ਜੀਓਟੈਗਡ ਵੀਡੀਓਗ੍ਰਾਫੀ ਦੇ ਨਾਲ ਇੱਕ ਜੀਆਈਐਸ-ਅਧਾਰਿਤ ਵਿਜ਼ੂਅਲਾਈਜ਼ੇਸ਼ਨ ਡੈਸ਼ਬੋਰਡ ਵਿਕਸਿਤ ਕਰਨ ਲਈ ਹਵਾਈ ਸਰਵੇਖਣ ਪ੍ਰੋਜੈਕਟ ਦੇ ਲਾਗੂ ਕਰਨ ਦੀ ਪ੍ਰਗਤੀ ਦੀ ਸਮੀਖਿਆ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ਪਹਿਲਕਦਮੀ ਨੇ ਨਮਾਮੀ ਗੰਗਾ ਪ੍ਰੋਜੈਕਟ ਦੇ ਤਹਿਤ ਖੋਜ ਅਤੇ ਸਬੂਤ-ਅਧਾਰਿਤ ਸਹਾਇਤਾ ਲਈ ਉੱਨਤ ਭੂ-ਸਥਾਨਕ ਤਕਨਾਲੋਜੀਆਂ ਦਾ ਲਾਭ ਉਠਾਇਆ ਹੈ। ਉਨ੍ਹਾਂ ਕਿਹਾ ਕਿ ਉੱਤਰ ਪ੍ਰਦੇਸ਼ ਵਿੱਚ ਗੰਗਾ ਦੇ ਮੁੱਖ ਰਸਤੇ ਦੇ ਨਾਲ-ਨਾਲ ਉੱਚ-ਰੈਜ਼ੋਲੂਸ਼ਨ ਹਵਾਈ ਸਰਵੇਖਣ ਪੂਰੇ ਕੀਤੇ ਗਏ ਹਨ, ਜਿਸ ਨਾਲ ਸਹੀ ਭੂ-ਸਥਾਨਕ ਡੇਟਾਸੈੱਟ ਤਿਆਰ ਕੀਤੇ ਗਏ ਹਨ। ਇਨ੍ਹਾਂ ਨੂੰ 2ਡੀ ਅਤੇ 3ਡੀ ਵਿਜ਼ੂਅਲਾਈਜ਼ੇਸ਼ਨ ਸਮਰੱਥਾਵਾਂ ਵਾਲੇ ਇੱਕ ਲਾਈਵ ਜੀਆਈਐਸ-ਅਧਾਰਿਤ ਡਰੇਨ ਡੈਸ਼ਬੋਰਡ ਵਿੱਚ ਏਕੀਕ੍ਰਿਤ ਕੀਤਾ ਜਾ ਰਿਹਾ ਹੈ।

ਇਹ ਡੈਸ਼ਬੋਰਡ ਬੇਸਿਨ ਵਿੱਚ ਪ੍ਰਦੂਸ਼ਣ ਦੀ ਨਿਗਰਾਨੀ ਕਰਨ, ਪ੍ਰਦੂਸ਼ਣ ਦੇ ਪ੍ਰਮੁੱਖ ਖੇਤਰਾਂ ਦੀ ਪਛਾਣ ਕਰਨ ਅਤੇ ਡਰੇਨੇਜ ਸੁਧਾਰ ਉਪਾਵਾਂ ਨੂੰ ਤਰਜੀਹ ਦੇਣ ਵਿੱਚ ਮਦਦ ਕਰਦਾ ਹੈ। ਇਸ ਵਿਲੱਖਣ ਪਹਿਲਕਦਮੀ ਵਿੱਚ ਲੇਜ਼ਰ ਲਾਈਟ ਦੀ ਵਰਤੋਂ ਕਰਕੇ ਵਸਤੂਆਂ ਅਤੇ ਵਾਤਾਵਰਣ ਦਾ ਸਟੀਕ 3ਡੀ ਨਕਸ਼ਾ ਬਣਾਉਣ ਵਾਲੀ ਇੱਕ ਰਿਮੋਟ ਸੈਂਸਿੰਗ ਤਕਨੀਕ-ਐਲਆਈਡੀਏਆਰ ਪ੍ਰਣਾਲੀ 'ਤੇ ਅਧਾਰਿਤ ਵਿਗਿਆਨਕ ਡੇਟਾ ਨੂੰ ਡ੍ਰੋਨ ਸਰਵੇਖਣ ਤੋਂ ਪ੍ਰਾਪਤ ਦ੍ਰਿਸ਼ ਡੇਟਾ ਨਾਲ ਜੋੜਿਆ ਗਿਆ ਹੈ । ਸ਼੍ਰੀ ਪਾਟਿਲ ਨੇ ਜ਼ਿਲ੍ਹਾ ਗੰਗਾ ਕਮੇਟੀਆਂ ਦੁਆਰਾ ਸਮੇਂ ਸਿਰ ਜ਼ਮੀਨੀ-ਪੱਧਰੀ ਤਸਦੀਕ, ਬਿਹਤਰ ਤਾਲਮੇਲ ਅਤੇ ਰਾਜਾਂ ਅਤੇ ਵਿਭਾਗਾਂ ਵਿੱਚ ਭਾਈਵਾਲੀ 'ਤੇ ਜ਼ੋਰ ਦਿੱਤਾ ਤਾਂ ਜੋ ਨਿਸ਼ਾਨਾਬੱਧ ਕਾਰਵਾਈਆਂ ਰਾਹੀਂ ਡਰੇਨੇਜ-ਅਧਾਰਿਤ ਪ੍ਰਦੂਸ਼ਣ ਪ੍ਰਬੰਧਨ ਨੂੰ ਬਿਹਤਰ ਬਣਾਇਆ ਜਾ ਸਕੇ। ਇਹ ਪਹਿਲ ਵਿਸ਼ੇਸ਼ ਤੌਰ 'ਤੇ ਪ੍ਰਾਇਮਰੀ ਨਾਲਿਆਂ (ਮੁੱਖ ਨਦੀਆਂ, ਮੁੱਖ ਸੀਵਰੇਜ ਲਾਈਨਾਂ ਜਾਂ ਵੱਡੇ ਸ਼ਹਿਰੀ ਤੂਫਾਨੀ ਪਾਣੀ ਦੇ ਨਾਲਿਆਂ ਤੋਂ ਪਾਣੀ ਇਕੱਠਾ ਕਰਨਾ ਅਤੇ ਛੱਡਣਾ), ਸੈਕੰਡਰੀ ਨਾਲਿਆਂ (ਰਿਹਾਇਸ਼ੀ ਖੇਤਰਾਂ, ਛੋਟੇ ਉਦਯੋਗਿਕ ਪਾਰਕਾਂ ਜਾਂ ਦਰਮਿਆਨੇ ਆਕਾਰ ਦੇ ਖੇਤੀਬਾੜੀ ਖੇਤਾਂ ਤੋਂ ਪਾਣੀ ਕੱਢਣਾ) ਅਤੇ ਤੀਜੇ ਦਰਜੇ ਦੇ ਨਾਲਿਆਂ (ਵਿਅਕਤੀਗਤ ਘਰੇਲੂ ਗਟਰ, ਖੇਤਾਂ ਦੀ  ਸਿੰਚਾਈ ਨਾਲੀਆਂ, ਜਾਂ ਸੜਕ ਕਿਨਾਰੇ ਨਾਲੀਆਂ) ਅਤੇ ਉਨ੍ਹਾਂ ਦੇ ਅੰਦਰੂਨੀ ਪ੍ਰਦੂਸ਼ਣ ਭਾਰ ਦੀ ਪਛਾਣ ਕਰਕੇ ਵਿਆਪਕ ਅਤੇ ਸਹੀ ਡੀਪੀਆਰ ਤਿਆਰ ਕਰਨ ਵਿੱਚ ਮਦਦ ਕਰੇਗੀ।

ਅਧਿਕਾਰ ਸੰਪੰਨ ਕਾਰਜ ਸਮੂਹ ਨੇ ਰਾਸ਼ਟਰੀ ਸਵੱਛ ਗੰਗਾ ਮਿਸ਼ਨ ਦੇ ਸਾਲਾਨਾ ਲੇਖਾ-ਖਾਤਿਆਂ ਨੂੰ ਪ੍ਰਵਾਨਗੀ ਦਿੱਤੀ ਅਤੇ ਵਿੱਤੀ ਅਨੁਸ਼ਾਸਨ 'ਤੇ ਸੰਤੁਸ਼ਟੀ ਪ੍ਰਗਟ ਕੀਤੀ। ਜਲ ਸ਼ਕਤੀ ਮੰਤਰੀ ਨੇ ਲੰਬਿਤ ਵਰਤੋਂ ਸਰਟੀਫਿਕੇਟਾਂ ਵਿੱਚ ਕਮੀ ਦੀ ਵੀ ਸ਼ਲਾਘਾ ਕੀਤੀ।

ਸੀਵਰੇਜ ਟ੍ਰੀਟਮੈਂਟ ਪਲਾਂਟਾਂ (ਐਸਟੀਪੀਸ) ਲਈ ਨਿਗਰਾਨੀ ਅਤੇ ਪਾਲਣਾ ਢਾਂਚੇ ਨੂੰ ਬਿਹਤਰ ਬਣਾਉਣ ਲਈ, ਨੈਸ਼ਨਲ ਮਿਸ਼ਨ ਫਾਰ ਕਲੀਨ ਗੰਗਾ (ਐਨਐਮਸੀਜੀ) ਇੱਕ ਸੀਸੀਟੀਵੀ-ਅਧਾਰਿਤ ਰੀਅਲ-ਟਾਈਮ ਨਿਗਰਾਨੀ ਪ੍ਰਣਾਲੀ ਸ਼ੁਰੂ ਕਰ ਰਿਹਾ ਹੈ, ਜਿਸ ਵਿੱਚ ਇੱਕ ਆਰਟੀਫਿਸ਼ੀਅਲ ਇੰਟੈਲੀਜੈਂਸ-ਯੋਗ ਵਿਸ਼ੇਸ਼ਤਾ ਕੱਢਣ ਪ੍ਰਣਾਲੀ ਅਤੇ ਇੱਕ ਕੇਂਦਰੀਕ੍ਰਿਤ ਡੈਸ਼ਬੋਰਡ ਸ਼ਾਮਲ ਹੋਵੇਗਾ। ਐੱਸਟੀਪੀ ਦੀ ਪਹਿਲਾਂ ਹੀ ਔਨਲਾਈਨ ਨਿਰੰਤਰ ਐਫਲੂਐਂਟ ਨਿਗਰਾਨੀ ਪ੍ਰਣਾਲੀ (ਓਸੀਈਐਮਐੱਸ) ਦੁਆਰਾ ਵਿਆਪਕ ਤੌਰ 'ਤੇ ਨਿਗਰਾਨੀ ਕੀਤੀ ਜਾਂਦੀ ਹੈ। ਇਹ ਪਾਣੀ ਦੇ ਨਮੂਨਿਆਂ ਵਿੱਚ ਜੈਵਿਕ ਪਦਾਰਥਾਂ ਦੀ ਸਮੱਗਰੀ, ਬਾਇਓਕੈਮੀਕਲ ਆਕਸੀਜਨ ਮੰਗ (ਬੀਓਡੀ), ਰਸਾਇਣਿਕ ਆਕਸੀਜਨ ਮੰਗ (ਸੀਓਡੀ), ਘੁਲਿਆ ਹੋਇਆ ਆਕਸੀਜਨ (ਡੀਓ), ਪਾਣੀ ਦੀ ਐਸਿਡਿਟੀ ਜਾਂ ਖਾਰੀਯਤਾ (ਪੀਐੱਚ), ਅਤੇ ਕੁੱਲ ਘੁਲਿਆ ਹੋਇਆ ਠੋਸ ਪਦਾਰਥ (ਟੀਐੱਸਐੱਸ) ਵਰਗੇ ਪ੍ਰਮੁੱਖ ਪਾਣੀ ਦੀ ਗੁਣਵੱਤਾ ਮਾਪਦੰਡਾਂ ਨੂੰ ਮਾਪਦਾ ਹੈ ਅਤੇ ਜਨਤਕ ਗੰਗਾ ਪਲਸ ਡੈਸ਼ਬੋਰਡ ਨਾਲ ਏਕੀਕ੍ਰਿਤ ਹੈ। ਇਹ ਪਹਿਲ ਐੱਸਟੀਪੀ ਦੇ ਪ੍ਰਭਾਵਸ਼ਾਲੀ ਸੰਚਾਲਨ ਲਈ ਭੌਤਿਕ ਅਤੇ ਵਿਜ਼ੂਅਲ ਨਿਗਰਾਨੀ ਵਿੱਚ ਇੱਕ ਮਹੱਤਵਪੂਰਨ ਪਰਤ ਜੋੜਦੀ ਹੈ।

ਸ਼੍ਰੀ ਪਾਟਿਲ ਨੇ 25 ਸਤੰਬਰ, 2025 ਨੂੰ ਸਵੱਛਤਾ ਹੀ ਸੇਵਾ ਦੇ ਅਧੀਨ ਰਾਸ਼ਟਰ ਵਿਆਪੀ ਸਵੱਛਤਾ ਮੁਹਿੰਮ "ਏਕ ਦਿਨ, ਏਕ ਘੰਟਾ, ਏਕ ਸਾਥ" ਦੀ ਸ਼ੁਰੂਆਤ ਤੋਂ ਬਾਅਦ ਐੱਨਐੱਮਸੀਜੀ ਦੁਆਰਾ ਚਲਾਈਆਂ ਜਾ ਰਹੀਆਂ ਨਿਯਮਤ ਹਫਤਾਵਾਰੀ ਸਵੱਛਤਾ ਮੁਹਿੰਮਾਂ 'ਤੇ ਸੰਤੁਸ਼ਟੀ ਪ੍ਰਗਟ ਕੀਤੀ। ਉਨ੍ਹਾਂ ਨੇ ਗੰਗਾ ਪਲਸ ਪੋਰਟਲ ਰਾਹੀਂ ਡਰੇਨੇਜ ਸਿਸਟਮ ਦੀ ਕਾਰਗੁਜ਼ਾਰੀ ਦੇ ਜਨਤਕ ਖੁਲਾਸੇ 'ਤੇ ਵੀ ਸੰਤੁਸ਼ਟੀ ਪ੍ਰਗਟ ਕੀਤੀ। ਸ਼੍ਰੀ ਪਾਟਿਲ ਨੂੰ ਨਦੀ ਨਾਲ ਸਬੰਧਤ ਸ਼ਹਿਰੀ ਵਿਕਾਸ 'ਤੇ ਕੇਂਦ੍ਰਿਤ ਰਿਵਰ ਸਿਟੀਜ਼ ਅਲਾਇੰਸ ਦੀਆਂ ਗਤੀਵਿਧੀਆਂ ਬਾਰੇ ਜਾਣਕਾਰੀ ਦਿੱਤੀ ਗਈ। ਉਨ੍ਹਾਂ ਨੂੰ ਨੈਸ਼ਨਲ ਮਿਸ਼ਨ ਫਾਰ ਕਲੀਨ ਗੰਗਾ, ਰਿਵਰ ਸਿਟੀਜ਼ ਅਲਾਇੰਸ ਅਤੇ ਯੂਐਨ ਹੈਬੀਟੇਟ ਦੁਆਰਾ ਸਾਂਝੇ ਤੌਰ 'ਤੇ ਆਯੋਜਿਤ ਇੱਕ ਵਰਕਸ਼ਾਪ ਬਾਰੇ ਵੀ ਜਾਣਕਾਰੀ ਦਿੱਤੀ ਗਈ, ਜਿਸਦਾ ਉਦੇਸ਼ ਭਾਰਤੀ ਸ਼ਹਿਰਾਂ ਨੂੰ ਹੜ੍ਹਾਂ ਦੇ ਪ੍ਰਬੰਧਨ, ਕੁਦਰਤ-ਅਧਾਰਿਤ ਹੱਲ ਅਪਣਾਉਣ ਅਤੇ ਭਵਿੱਖ ਦੇ ਜਲਵਾਯੂ ਪਰਿਵਰਤਨ ਲਈ ਤਿਆਰੀ ਕਰਨ ਵਿੱਚ ਮਦਦ ਕਰਨਾ ਰਿਹਾ ।

ਜਲ ਸ਼ਕਤੀ ਮੰਤਰੀ ਨੇ ਮੀਟਿੰਗ ਦੀ ਸਮਾਪਤੀ ਕਰਦੇ ਹੋਏ ਸਾਰੇ ਹਿਤਧਾਰਕਾਂ ਦੇ ਸਮੂਹਿਕ ਯਤਨਾਂ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਉਮੀਦ ਪ੍ਰਗਟਾਈ ਕਿ ਭਵਿੱਖ ਵਿੱਚ ਵੀ ਅਜਿਹੀਆਂ ਤਾਲਮੇਲ ਵਾਲੀਆਂ ਅਤੇ ਤਕਨਾਲੋਜੀ-ਅਧਾਰਿਤ ਪਹਿਲਕਦਮੀਆਂ ਗੰਗਾ ਦੇ ਮੁੜ ਸੁਰਜੀਤੀ ਵਿੱਚ ਸਹਾਇਕ ਰਹਿਣਗੀਆਂ।

****

ਐੱਨਡੀ

(रिलीज़ आईडी: 2212133) आगंतुक पटल : 4