انسولونسی اینڈ بینکروپسی بورڈ آف انڈیا (آئی بی بی آئی) کے چیئرپرسن جناب روی متل نے پیر کے روز کیمپس میں ایک تقریب میں مہمان خصوصی کی حیثیت سے صدارت کرتے ہوئے انڈین انسٹی ٹیوٹ آف کارپوریٹ افیئرز (آئی آئی سی اے) پی جی آئی پی پروگرام کا آغاز کی۔

طلباء سے خطاب کرتے ہوئے ، آئی بی بی آئی کے چیئرپرسن نے انہیں مضبوط ادارہ جاتی تعاون کی یقین دہانی کرائی اور اعلان کیا کہ کچھ منتخب پی جی آئی پی طلباء کے لیے آئی بی بی آئی میں ایک سالہ انٹرن شپ کے مواقع کو یقینی بنانے کی کوششیں کی جائیں گی ۔

انہوں نے مزید کہا کہ تحقیقی سرگرمیوں میں دلچسپی رکھنے والے طلباء آئی بی بی آئی کے آئندہ تحقیقی پروگرام کے لیے درخواست دے سکتے ہیں  اور انتخاب کے بعد ، انہیں آئی بی بی آئی میں شامل ہونے کا موقع ملے گا ۔

ویب سائٹ لانچ کی تقریب میں استقبالیہ خطاب آئی آئی سی اے کے ڈائریکٹر جنرل اور سی ای او جناب گیانیشور کمار سنگھ نے کیا  کہ جنہوں نے صلاحیت سازی ، تعلیمی مہارت ، اور ریگولیٹرز اور صنعت کے ساتھ قریبی رابطے کے لیے انسٹی ٹیوٹ کے عزم کو اجاگر کیا ۔

تقریب کے دوران ،جناب سدھاکر شکلا-ایچ او ڈی سینٹر فار انسولونسی اینڈ بینکروپسی ، آئی آئی سی اے نے سینٹر فار پی جی آئی پی کی سرگرمیوں اور کامیابیوں کا ایک مختصر جائزہ پیش کیا ، جس میں اس کی تعلیمی مہارت، صنعتی رابطے اور بڑھتے ہوئے سابق طلباء کے نیٹ ورک کا خاکہ پیش کیا گیا ۔

ویب سائٹ ایک ڈیجیٹل پلیٹ فارم ہے، جسے پی جی آئی پی کے سابق طلباء کو موجودہ طلباء سے رابطہ قائم کرنے کے لیے ڈیزائن کیا گیا ہے ۔  یہ سابق طلباء کی شمولیت کے ذریعے طلباء کے لیے مسلسل بات چیت ، علم کا اشتراک ، مسائل کا حل تلاش کرنے اور صنعت کی نمائش کو بڑھانے کے قابل بنائے گا ۔

بات چیت کے ایک اجلاس کے دوران طلباء نے ، کنکلیوز ، سیمیناروں اور صنعت کے ماہرین کے ساتھ بامعنی بات چیت میں حصہ لینے کے مواقع کا حوالہ دیتے ہوئے ، جو ان کے تعلیمی اور پیشہ ورانہ سفر کو نمایاں طور پر تقویت بخشتے ہیں، آئی آئی سی اے کی حمایت کے لیے ستائش کی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ا ع خ۔ ق ر)

U. No.191

(रिलीज़ आईडी: 2211813) आगंतुक पटल : 15