قومی اقلیتی کمیشن (این سی ایم) نے آج اپنے دفتر کے احاطے میں 'ویر بال دیوس' کا اہتمام کیا، جس کا مقصد شہریوں، خاص طور پر نوجوان نسل کو صاحبزادوں کی غیر معمولی ہمت اور عظیم قربانی کے بارے میں آگاہ کرنا اور تعلیم دینا ہے اور بھارت کی تاریخ کے ان نوجوان ہیروز کی ناقابل تسخیر جرات، قربانی اور بہادری کو خراجِ تحسین پیش کرنا اور ان کی یاد منانا ہے۔

40 سے زیادہ بچوں نے کہانی سنانے کے سیشن، نظمیں سنانے، پینٹنگ، ڈرائنگ، پوسٹر سازی اور مباحثے سمیت مختلف قسم کی دلچسپی کی حامل اور تعلیمی سرگرمیوں میں جوش و خروش کے ساتھ حصہ لیا۔ بچوں نے ’صاف ستھرے بھارت‘  اور صحت مند بھارت کے لیے اس کے اثرات پر مضامین بھی لکھے۔

ان سرگرمیوں نے بچوں کو اپنی تخلیقی صلاحیتوں کے اظہار، بھارت کی بھرپور تاریخی وراثت کے بارے میں جاننے اور بہادری، حب الوطنی اور اخلاقی قوت جیسی اقدار کو اپنانے کے لیے ایک بامعنی پلیٹ فارم فراہم کیا۔

قومی اقلیتی کمیشن )این سی ایم) کے سیکرٹری نے تمام شریک بچوں کے جوش و جذبے اور کوششوں کی بھرپور ستائش کی، جبکہ مختلف زمروں میں جیتنے والے بچوں کو انعامات سے نوازا گیا تاکہ نوجوان شرکاء میں بہترین کارکردگی اور خود اعتمادی کو فروغ دیا جا سکے۔

اپنے اختتامی کلمات میں انہوں نے کہا کہ ملک کے بچوں اور نوجوانوں کو وزیراعظم کی اس اپیل  پر عمل کرنا چاہیے کہ وہ اپنی زندگیوں کو قوم کی تعمیر کے لیے وقف کر دیں۔

یہ تقریب صحیح معنوں میں وزیراعظم کی اس اپیل کی عکاسی کرتی ہے کہ بھارت کے بچوں کی تخلیقی صلاحیتوں، امنگوں اور ان کی قابلیت کا جشن منا کر 'ویر بال دیوس' منایا جائے، کیونکہ یہی بچے ملک کے مستقبل کی نمائندگی کرتے ہیں۔ اس تقریب کا اہتمام دہلی میں قائم ایک این جی او 'اسکوپ فار چینج'  کے اشتراک سے کیا گیا تھا۔

اس طرح کے اقدامات کے ذریعے، قومی اقلیتی کمیشن )این سی ایم) نے تمام کمیونٹیز کے بچوں میں ہمہ گیر شرکت، تاریخی شعور اور قومی فخر کو فروغ دینے کے اپنے عزم کا اعادہ کیا۔

************

                                                                                                                                                                         

ش ح ۔    ف ا -   م  ص

(U :  3954  )

(ریلیز آئی ڈی: 2208983) وزیٹر کاؤنٹر : 42