ڈاکٹر جیتندر سنگھ، مرکزی وزیر برائے سائنس و ٹیکنالوجی (ریاستی وزیر، آزاد چارج)، نے آج بھارت کی صنعتی شمولیت کو بڑھانے کے لیے ٹیکنالوجی کے تبادلے  میں تیزی پر زور دیا۔

تروپتی میں منعقدہ ایک اجلاس میں چنئی اور حیدرآباد میں قائم سی ایس آئی آر لیباریٹریوں کی سائنسی کامیابیوں اور تکنیکی شراکتوں کا جائزہ لیتے ہوئے وزیر موصوف نے کہا کہ مضبوط صنعتی شراکت داریاں اور لیباریٹری ریسرچ کو سماجی اور تجارتی استعمال میں تیزی سے  منتقل کرنا آتم نربھر بھارت کی تعمیر کے لیے انتہائی اہم ہیں۔

اس جائزہ اجلاس میں لیباریٹریوں کی حالیہ کامیابیوں کا جائزہ لینے اور ان کے قومی ترجیحات کے ساتھ ہم آہنگی کا جائزہ لینے پر توجہ مرکوز کی گئی، جس کے پس منظر میں حکومتِ ہند کی جانب سے ملک کے سائنسی اور اختراعی نظام کو مضبوط بنانے کے لیے مسلسل اقدامات کیے گئے ہیں۔ سی ایس آئی آر  لیباریٹریوں کے ڈائریکٹرز نے اپنی اہم کامیابیاں پیش کیں اور موثر  تحقیق، اختراع اور صنعتی تعاون کے لیے مستقبل کے راستوں کا خاکہ پیش کیا۔

اجلاس میں سی ایس آئی آر  لیبارٹریوں کے ڈائریکٹرز — سی ایس آئی آر -سینٹرل الیکٹروکیمیکل ریسرچ انسٹی ٹیوٹ (سی ای سی آر آئی) ، کرایکُڈی؛ سی ایس آئی آر -نیشنل جیو فزیکل ریسرچ انسٹی ٹیوٹ (این جی آر آئی) ، حیدرآباد؛ سی ایس آئی آر -سینٹرل لیدر ریسرچ انسٹی ٹیوٹ (سی ایل آر آئی) ، چنئی؛ سی ایس آئی آر -اسٹرکچرل انجینئرنگ ریسرچ سینٹر (ایس ای آر سی) ، چنئی؛ سی ایس آئی آر -سنٹر فار سیلولر اینڈ مولیکیولر بایولوجی (سی سی ایم بی) ، حیدرآباد؛ اور سی ایس آئی آر -انڈین انسٹی ٹیوٹ آف کیمیکل ٹیکنالوجی (آئی آئی سی ٹی) ، حیدرآباد نے شرکت کی اور اپنی اہم کامیابیاں اور مستقبل کا لائحہ عمل پیش کیا۔

وزیر موصوف کو تفصیلات بتاتے ہوئے ڈاکٹر کے رمیشا، ڈائریکٹر، سی ایس آئی آر – سی ای سی آر آئی نے سی ایس آئی آر – سی ای سی آر آئی کے کام کو اجاگر کیا، جس میں الیکٹروکیمیکل ٹیکنالوجیز، انرجی اسٹوریج اور ماحول دوست توانائی شامل ہیں، خاص طور پر سوڈیم آئن بیٹریوں، استعمال شدہ بیٹریوں سے دھات کی بازیابی، گرین ہائیڈروجن کی پیداوار اور کاربن ڈائی آکسائڈ  کے کیپچر میں مقامی کوششیں شامل ہیں۔ ڈاکٹر پرکاش، ڈائریکٹر، سی ایس آئی آر – این جی آر آئی  نے سی ایس آئی آر – این جی آر آئی  کی کوششوں کا خاکہ پیش کیا، جس میں لدّاخ میں جیوفزیکل معلومات کی فراہمی، جیو تھرمل انرجی کی تلاش، اہم معدنیات کی نقشہ سازی اور انڈین پلیٹ کا اسٹرین میپ تیار کرنا شامل ہیں، ساتھ ہی ہمالیائی جیو-خطرات پر مہم کی طرز پر پروگرامز اور ایس ایل بی سی ٹنل پروجیکٹ کے لیے ہوائی سروے بھی شامل ہیں۔ ڈاکٹر پی تھانیکائیویلن، ڈائریکٹر سی ایس آئی آر –  سی ایل آر آئی نے سی ایس آئی آر –  سی ایل آر آئی  کی ترقی کردہ مقامی ’بھاء‘ فٹ ویئر سائزنگ سسٹم، صنعت کو منتقل کیے گئے جدید دفاعی دستانے، بھارتی فضائیہ کے لیے ٹچ-سینسٹیو دستانے، پورے بھارت میں گائٹ اسٹڈیز اور چمڑے کے فضلے کو ویلیو ایڈیڈ مصنوعات میں تبدیل کرنے کے کام پیش کیے۔

ڈاکٹر این آنندا والی، ڈائریکٹر، سی ایس آئی آر –  ایس ای آر سی  نے سی ایس آئی آر –  ایس ای آر سی  کے آف شور قابل تجدید توانائی کے بنیادی ڈھانچے ، ڈھانچہ جاتی صحت کی نگرانی ، پائیدار مواد اور قدرتی آفات سے نمٹنے کی  تعمیراتی ٹیکنالوجیز جیسے ای آر ایس ، بلاسٹ-ریزیسٹنٹ ایل ایس سی سی  اور بلیٹ-پروف سیکورٹی بوٹس پر توجہ کی تفصیل پیش کی۔ ڈاکٹر ونے نندی کووری، ڈائریکٹر، سی ایس آئی آر –  سی سی ایم بی  نے سی ایس آئی آر –  سی سی ایم بی  کی جینومکس، ڈائیگناسٹکس اور بایوٹیکنالوجی میں انسانی صحت، جانوروں کی فلاح اور پودوں کی صحت کے شعبوں میں کامیابیوں کو اجاگر کیا، جبکہ ڈاکٹر ڈی سری نواسا ریڈی، ڈائریکٹر، سی ایس آئی آر –  آئی آئی سی ٹی  نے سی ایس آئی آر –  آئی آئی سی ٹی  کی فارماسیوٹیکلز، ویکسین ایڈجوانٹس، نئی نسل کے ریفریجریئنٹس جیسے ایچ ایف اوز اور ترجماتی تحقیق و صنعت کے تعاون پر مضبوط توجہ کے بارے میں تفصیلات سے آگاہ کیا۔

سی ایس آئی آر  لیباریٹریوں کی اجتماعی کوششوں کی تعریف کرتے ہوئے ڈاکٹر جیتندر سنگھ نے قومی ترقی کے لیے ضرورت پر مبنی تحقیق اور سائنس پر مشتمل اختراع کی اہمیت پر زور دیا۔ انہوں نے مضبوط صنعتی شراکت داری، ٹیکنالوجی ٹرانسفر میں تیز رفتاری اور تحقیق کے سماجی استعمال پر زیادہ توجہ دینے کی ضرورت پر زور دیا۔ وزیر موصوف نے یہ بھی کہا کہ سی ایس آئی آر  لیبارٹریوں کو یہ یقینی بنانا چاہیے کہ صنعتیں سی ایس آئی آر ٹیکنالوجیز کے تجارتی استعمال کے لیے مناسب اعتراف کریں۔ وزیر  موصوف نے نوٹ کیا کہ سی ایس آئی آر  بھارت کی سائنسی صلاحیتوں کو مضبوط بنانے اور آتم نربھر بھارت کے وژن  کی حمایت کرنے میں ایک مرکزی رول  ادا کرتا رہا ہے۔

**************

ش ح ۔ ش ب۔ م الف

U. No.3939

(रिलीज़ आईडी: 2208894) आगंतुक पटल : 14