نوجوانوں کے امور اور کھیلوں کے مرکزی وزیر ڈاکٹر من سکھ مانڈویہ نے آج ایک تعارفی پروگرام میں نومنتخب ضلعی یوتھ آفیسرز (ڈی وائی اوز) سے خطاب کیا اور وکست بھارت کے لیے نوجوانوں کو تیار کرنے کی ضرورت پر زور دیا۔

نوجوانوں کو وکست بھارت کا مستقبل قرار دیتے ہوئے، ڈاکٹر مانڈویہ نے نومنتخب افسران کی حوصلہ افزائی کی کہ وہ وکست بھارت کی سمت میں ملک مقدم نقطہ ٔنظر کے ساتھ مشن کے انداز میں پوری طاقت کے ساتھ کام کریں۔

مرکزی وزیر نے سی ایس او آئی، نئی دہلی میں شمولیتی تربیتی پروگرام-دیکشا (ڈی وائی اوز سروس کے لیے علم، ہنراور جامع نقطۂ نظر کے لیے مخصو شمولیتی تربیت) کے دوران نومنتخب افسران سے خطاب کیا۔

تقریب کے دوران، وزیر موصوف نے پرتیبھا سیتو پورٹل کے ذریعے منتخب کیے گئے نئے تقرر کردہ ضلعی یوتھ آفیسرز کو تقررنامے بھی سونپے۔

بھگوت گیتا سے تحریک حاصل کرتے ہوئے، وزیر موصوف نے کہا کہ محنت، اخلاقیات اور فرض کے تئیں عزم نئے شامل کیے گئے افسران کو زندگی کے ہر شعبے میں کامیابی حاصل کرنے کے قابل بنائے گا۔

نوجوانوں کے امور کے مرکزی وزیر نے کہا کہ ضلعی یوتھ آفیسرز اور میرا یووا بھارت مواقع کی امنگوں والی کھڑکیاں ہیں جن کا مقصد ملک کے نوجوانوں کی صلاحیتوں کو بروئے کار لانا ہے۔

مرکزی وزیر نے ملک کی کثیر آبادی سے فائدہ اٹھانے کی ضرورت پر مزید روشنی ڈالی، کیونکہ ملک کی  65 فیصد آبادی 35 سال سے کم عمر کی ہے ۔

ڈاکٹر مانڈویہ نے وزیر اعظم نریندر مودی کے ایک لاکھ نوجوان لیڈر بنانے کی پرزور اپیل کا بھی حوالہ دیا۔ یہ کردار نومنتخب افسران کو آگے بڑھانا ہے۔

ایم وائی بھارت کی نومنتخب ضلعی یوتھ آفیسرز سے خطاب کرتے ہوئے نوجوانوں کے امور کی سکریٹری پلوی جین گوول نے ایک کامیاب ملک کی تعمیر میں عوامی خدمت کے سنگ بنیاد کے طور پر ’’خود سے پہلے خدمت‘‘ کے جذبے کو پیدا کرنے کی ضرورت پر زور دیا۔

انہوں نے یوتھ آفیسرز کی ضرورت پر بھی روشنی ڈالی کہ وہ معاشرے کی تعمیر اور عوامی خدمت کے ذریعے اسے واپس دینے کا کام انجام دیں۔

*******************

) ش ح –    م ع     -  ش ہ ب )

U.No. 3884

(रिलीज़ आईडी: 2208214) आगंतुक पटल : 11