প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা লুপা কোতি ১১,৭১৮.২৪ চংনা ২০২৭দা ভারতকী সেন্সস পাংথোক্নবা অয়াবা পীখ্রে।

স্কিম অসিগী অকুপ্পা মরোলশিং:

ভারতকী সেন্সস অসি মালেমদা খ্বাইদগী চাউবা এদমিনিস্ত্রেতিব অমসুং স্তেতিস্তিক্সকী থবক অমনি। ভারতকী সেন্সস অসি ফেজ অনি থোক্না পাংথোক্কনি: (i) হাউস লিস্তিং অমসুং হাউসিং সেন্সস - এপ্রিলদগী সেপ্তেম্বর, ২০২৬ অমসুং (ii) পোপুলেসন এনুমেরেসন (পি.ই.) - ফেব্রুৱারী, ২০২৭ (লাদাখ য়ু.তি. অমসুং জম্মু অমসুং কাশ্মীর য়ু.তি.গী স্নো-বাউন্দ নন-সিনক্রোনস এরিয়াশিং অমসুং হিমাচল প্রদেশ অমসুং উত্তরাখন্দ স্তেতশিংগীদমক, পি.ই. অসি সেপ্তেম্বর, ২০২৬তা পাংথোক্কনি)।

লৈবাক অসিগী মরুওইবা অচৌবা থবক অসি ফিল্দ ফঙ্কসনরি লাখ ৩০ রোম্না মপুং ফানা পাংথোক্কনি।

দেতা খোমজিনবগীদমক্তা মোবাইল এপ অমসুং মোনিটরিংগীদমক্তা সেন্ত্রেল পোর্তেল শিজিন্নবনা হেন্না ফবা দেতাগী ক্বালিতী লৈহল্লগনি।

দেতা শন্দোকপা অসি হেন্না ফগৎলগনি অমসুং শিজিন্নরিবা মীনা শিজিন্নবা য়াবা মওংদা ওইগনি। মরম অদুনা পোলিসী শেমগৎপদা মথৌ তাবা পেরামিতরশিংগী মতাংদা ৱাহং পুম্নমক বতন অমা ক্লিক তৌরগা ফংহনগনি।

সেন্সস-এস-এ-সর্ভিস (CaaS) না মন্ত্রালয়শিংদা ক্লিন, মেছিন-রিদেবল অমসুং এক্সন তৌবা য়াবা ফোর্মেত অমদা দেতা ফংহনগনি।

কান্নবশিং:

২০২৭কী ভারতকী সেন্সসনা লৈবাক অসিগী মীশিং পুম্নমক কোনশিল্লগনি।

ইমপ্লিমেন্তেসন স্ত্রাতেজী অমসুং পান্দমশিং:

সেন্সস প্রোসেস অসিদা য়ুমথোং খুদিংমক্তা চৎপা অমসুং হাউস লিস্তিং অমসুং হাউসিং সেন্সস অমসুং পোপুলেসন এনুমরেসনগীদমক তোঙানবা ক্বেস্নেয়র লৌবা য়াওরি।

মশিং থীবা মীওইশিং অসি মহৌশানা সরকারগী ওজাশিংনি অমসুং রাজ্য সরকারশিংনা খল্লিবনি। মখোয়না মশিং থীবগী ফিল্দ ৱার্ক অসি মখোয়গী চাং নাইনা চত্থরিবা মথৌশিংগী মথক্তা পাঙথোক্কনি।

সব-দিস্ত্রিক্ত, দিস্ত্রিক্ত অমসুং স্তেৎকী থাক্তা সেন্সসকী অতোপ্পা ফঙ্কস্নরীশিংসু স্তেৎ/দিস্ত্রিক্ত এদমিনিস্ত্রেসননা খন্নগনি।

সেন্সস 2027গীদমক লৌখৎখিবা অনৌবা খোংথাংশিংদি:

(i) লৈবাক অসিদা দিজিতেলগী খুত্থাংদা অহানবা সেন্সস পাংথোকপা। দেতা অসি এন্দ্রোইদ অমসুং আই.ও.এস. ভর্জন অনিমক্তা ফংহনগদবা মোবাইল এপ্লিকেসনশিং শীজিন্নদুনা খোমজিনগনি।

(ii) সেন্সস মেনেজমেন্ত এন্দ মোনিটরিং সিস্তেম (সি.এম.এম.এস.) পোর্তেল অমা সেন্সস প্রোসেস অসি রিএল তাইম বেসিসতা মেনেজ তৌনবা অমসুং মোনিটর তৌনবগীদমক শেমগৎখ্রে।

(iv) হাউসলিস্তিং ব্লোক (ঐচ.এল.বি.) ক্রিয়েতর ৱেব মেপ এপ্লিকেসন: সেন্সস ২০২৭ কীদমক অতোপ্পা ইনোভেসন অমা হায়রগদি, চার্জ ওফিসরশিংনা শীজিন্নগদবা ঐচ.এল.বি. ক্রিয়েতর ৱেব মেপ এপ্লিকেসন অসিনি।

(v) মীয়ামদা মশা-মশানা মশিং থীবগী ওপশন পীগনি।

(vi) মসিগী অচৌবা দিজিতেল ওপরেসন অসিগীদমক্তা মতিক চাবা সেক্যুরিতী ফিচরশিং লৈরে।

(vii) সেন্সস ২০২৭তা লৈবাক শীনবা থুংনা এৱারনেস, ইনক্লুসিব পার্তিসিপেসন, লাস্ত-মাইল এনগেজমেন্ত অমসুং ফিল্দ ওপরেসনশিংদা সপোর্ত তৌনবগীদমক মীৎয়েং চঙবা অমসুং পাক চাউবা পব্লিসিতী কেম্পেন অমা লৈগনি। মসিদা অচুম্বা, অশেংবা অমসুং মতম চানা পাউশিং য়েন্থোকপদা মরুওইবা থমগনি। মসিনা কোহেসিভ অমসুং ইফেক্তিব আউতরিচ হোৎনবা ফংহল্লগনি।

(viii) কেবিনেৎ কমিতী ওন পোলিতিকেল এফিয়র্সনা ২০২৫গী এপ্রিল ৩০দা পাংথোকখিবা মীফমদা লাক্কদৌরিবা সেন্সস, হায়বদি সেন্সস ওফ ইন্দিয়াদা কাস্ত সেন্সস য়াওহন্নবা ৱারেপ লৌখি। সেন্সস ২০২৭। ঐখোয়গী লৈবাক অসিদা লৈরিবা অচৌবা সোসিএল অমসুং দেমোগ্রাফিক দাইভর্সিতী অমসুং মসিগা মরী লৈনবা শিংনবশিং অসি য়েংলগা, সেন্সস ২০২৭না অনিশুবা ফেজদা কাস্তকী দেতা হায়বদি পোপুলেসন এনুমরেসন (PE) পুথোক্কনি।

(ix) দেতা খোমজিনবা, য়েংশিনবা অমসুং সেন্সস ওপরেসনশিং য়েংশিনবগীদমক্তা এন্যুমরেতরশিং, সুপরভাইজরশিং, মাস্তর ত্রেনরশিং, চার্জ ওফিসরশিং অমসুং প্রিন্সিপালশিং/দিস্ত্রিক্ত সেন্সস ওফিসরশিং য়াওনা ফিল্দ ফঙ্কসনরী লাখ ৩০ রোম্না থবক অসি পাংথোক্কনি। সেন্সসকী ফঙ্কসনরী পুম্নমকপু সেন্সসকী থবকশিংগীদমক্তা মতিক চাবা ওনোররি পীগনি মরমদি মখোয়না মখোয়গী চাং নাইবা মথৌগী মথক্তা থবক অসি পাংথোক্কনি।

থবক ফংহন্নবা পোতেন্সিএল য়াওনা মরুওইবা ইম্পেক্ট:

হৌজিক হোৎনগদৌরিবসিদি লাক্কদৌরিবা সেন্সস দেতা অসি লৈবাক শিনবা থুংনা অথুবা মতমদা ফংহন্নবা হোৎনবনি। সেন্সস রিজল্তশিং অসি হেন্না কস্তমাইজ তৌরবা ভিজুএলাইজেসন তুলশিংগা লোয়ননা শন্দোক্নবা হোৎনগনি। খ্বাইদগী তাবা এদমিনিস্ত্রেতিব য়ুনিৎ, হায়বদি ই.পি. খুঙ্গং/ৱার্দকী থাক্তা

২০২৭কী সেন্সস মাই পাক্না পাংথোক্নবগীদমক তোঙান তোঙানবা থবকশিং মপুং ফাহনবগীদমক, লোকেল লেভেলদা চাউরাক্না নুমিৎ ৫৫০নিগী ওইনা তেক্নিকেল মেনপৱর ১৮,৬০০ রোম থবক তৌরগনি। অতোপ্পা ৱাহৈদা হায়রগদি, মীওই করোর ১.০২ রোম থবক ফংহল্লগনি। মখা তানা, চার্জ/ দিস্ত্রিক্ত/ স্তেতকী থাক্তা তেক্নিকেল মেনপাৱর পীনবা অসিনা কেপাসিতী বিল্ দিংদা মতেং পাংগনি মরমদি থবক অসিগী মওং অসি দিজিতেল দেতা হেন্দলিং, মোনিতরিং অমসুং কোওর্দিনেসনগা মরী লৈনগনি। মসিনা মীওইশিং অসিগী তুংগী থবক ফংনবগী ওইথোকপদসু মতেং পাংগনি।

মমাংগী ৱারোল:

২০২৭কী সেন্সস অসি লৈবাক অসিদা ১৬শুবা সেন্সসনি অমসুং নীংতম্লবা মতুংদা ৮শুবা সেন্সসনি। সেন্সস অসি খুঙ্গং, সহর অমসুং ৱার্দকী থাক্তা প্রাইমরী দেতাগী খ্বাইদগী চাউবা সোর্সনি। মসিনা হাউজিং কন্দিসন, এমিনিতী অমসুং এসেৎশিং, দেমোগ্রাফী, ধর্ম, এস.সি. অমসুং এস.তি., লোন, লাইরিক হৈবা অমসুং এজুকেসন, ইকোনোমিক এক্তিবিতী, মাইগ্রেসন অমসুং ফর্টিলিতী য়াওনা পরামিতর কয়াদা মাইক্রো লেবেল দেতা পীরি। সেন্সস এক্ট, 1948 অমসুং সেন্সস রুলস, 1990না সেন্সস পাংথোক্নবগী লিগেল ফ্রেমৱার্ক পীরি।

***