పర్యాటకుల కోసం క్షేత్రస్థాయి భద్రతా యంత్రాంగాన్ని బలోపేతం చేయడానికి ప్రత్యేక పర్యాటక పోలీసుల నియామకం కోసం కేంద్ర పర్యాటక మంత్రిత్వ శాఖ అన్ని రాష్ట్రాలు, కేంద్రపాలిత ప్రాంతాల ప్రభుత్వాలతో నిరంతరం చర్చిస్తోంది. పర్యాటక మంత్రిత్వ శాఖ కృషి కారణంగా ఇప్పటికే తెలంగాణ, ఆంధ్రప్రదేశ్, ఢిల్లీ, గోవా, కర్ణాటక, కేరళ, మహారాష్ట్ర, హిమాచల్ ప్రదేశ్, జమ్మూ కాశ్మీర్, మధ్యప్రదేశ్, ఒడిశా, పంజాబ్, రాజస్థాన్, సిక్కిం, ఉత్తరప్రదేశ్ రాష్ట్రాలు, కేంద్రపాలిత ప్రాంతాలు పర్యాటక పోలీసులను నియమించాయి. ప్రత్యేక పర్యాటక పోలీసుల నియమాకం కోసం రాష్ట్రాలు, కేంద్రపాలిత ప్రాంతాలకు కేంద్ర పర్యాటక మంత్రిత్వ శాఖ ఎటువంటి ప్రత్యేక ఆర్థిక ప్యాకేజీలు, సహాయం అందించలేదు.

పర్యాటక పోలీసుల అవసరాన్ని అర్థం చేసుకోవడానికి, ఆయా రాష్ట్రాలు, కేంద్రపాలిత ప్రాంతాల్లో నియమించిన పర్యాటక పోలీసులకు పర్యాకటకుల అవసరాలను గురించి అవగాహన కల్పించడానికి ఇండియన్ ఇనిస్టిట్యూట్ ఆఫ్ టూరిజం, ట్రావెల్ మేనేజ్‌మెంట్ (ఐఐటీటీఎం) ద్వారా పర్యాటక మంత్రిత్వ శాఖ "రాష్ట్రాలు/కేంద్రపాలిత ప్రాంతాల్లో పర్యాటక పోలీసుల కార్యాచరణ-అత్యుత్తమ పద్ధతుల డాక్యుమెంటేషన్" పేరుతో ఒక అధ్యయనాన్ని నిర్వహించింది. వారికి శిక్షణ ఇవ్వడానికి ఐఐటీటీఎం ఇచ్చిన శిక్షణ మాడ్యూల్‌ను కేంద్ర హోం వ్యవహారాల మంత్రిత్వ శాఖకు పంపారు. దీనిని అన్ని రాష్ట్రాలు, కేంద్రపాలిత ప్రాంతాల ప్రభుత్వ ప్రధాన కార్యదర్శులకు పంపిణీ చేశారు.

సమగ్ర విధాన ప్రణాళిక రూపొందించడం కోసం బ్యూరో ఆఫ్ పోలీస్ రీసెర్చ్ అండ్ డెవలప్‌మెంట్ ఈ పర్యాటక పోలీస్ పథకంపై ఒక అధ్యయనాన్ని నిర్వహించి, సమగ్ర నివేదికను రూపొందించింది. పర్యాటకులకు సురక్షితమైన వాతావరణం కల్పించడం కోసం అన్ని రాష్ట్రాలు, కేంద్రపాలిత ప్రాంతాల్లో యూనిఫాం పర్యాటక పోలీసు విధానం అమలు లక్ష్యంగా కేంద్ర పర్యాటక మంత్రిత్వ శాఖ... హోం వ్యవహారాల మంత్రిత్వ శాఖ, పీబీపీఆర్-డీల సహకారంతో అన్ని రాష్ట్రాలు, కేంద్రపాలిత ప్రాంతాల పోలీసు శాఖ అధిపతులు డీజీలు, ఐజీలతో న్యూఢిల్లీలో పర్యాటక పోలీస్ పథకంపై జాతీయ సమావేశాన్ని నిర్వహించింది.

ఈ సమాచారాన్ని కేంద్ర పర్యాటక, సాంస్కృతిక శాఖ మంత్రి శ్రీ గజేంద్ర సింగ్ షెకావత్ ఈ రోజు రాజ్యసభలో లిఖితపూర్వక సమాధానంలో తెలిపారు.

 

***

(रिलीज़ आईडी: 2206129) आगंतुक पटल : 11