ଶକ୍ତି ସଂରକ୍ଷଣ କ୍ଷେତ୍ରରେ ଭାରତୀୟ ରେଳବାଇ ଏକ ନୂତନ ମାଇଲଖୁଣ୍ଟ ହାସଲ କରିଛି। ଜାତୀୟ ଶକ୍ତି ସଂରକ୍ଷଣ ଦିବସ ଅବସରରେ ଭାରତର ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ଜୀ ମଧ୍ୟପ୍ରଦେଶର ଗୁନାସ୍ଥିତ ମିଆନା ରେଳ ଷ୍ଟେସନକୁ ଜାତୀୟ ଶକ୍ତି ସଂରକ୍ଷଣ ପୁରସ୍କାର, ୨୦୨୫ ପ୍ରଦାନ କରିଥିଲେ। ଜିଏମଡବ୍ଲୁସିଆର୍, ଶ୍ରୀମତୀ ଶୋଭନା ବନ୍ଦୋପାଧ୍ୟାୟ ଏହି ପୁରସ୍କାର ଗ୍ରହଣ କରିଥିଲେ। ଏହି ଷ୍ଟେସନକୁ ପରିବହନ ବର୍ଗ (ରେଳ ଷ୍ଟେସନ)ରେ ଶ୍ରେଷ୍ଠ ପ୍ରଦର୍ଶନ କରୁଥିବା ୟୁନିଟ୍ ଭାବରେ ସ୍ୱୀକୃତି ଦିଆଯାଇଥିଲା।

ଶକ୍ତି ଦକ୍ଷତା ବ୍ୟୁରୋର (ବିଇଇ) ଦ୍ୱାରା ପ୍ରଦାନ କରାଯାଉଥିବା ଏହି ପୁରସ୍କାର ଶକ୍ତି ସଂରକ୍ଷଣ କ୍ଷେତ୍ରରେ ଉଲ୍ଲେଖନୀୟ ପ୍ରୟାସକୁ ସ୍ୱୀକୃତି ପ୍ରଦାନ କରିଥାଏ। ମିଆନା ରେଳ ଷ୍ଟେସନକୁ ଏଲ୍ଇଡି ଆଲୋକୀକରଣ, ବିଏଲଡିସି ଫ୍ୟାନ୍ ଏବଂ ୩୦-୭୦ ପ୍ରତିଶତ ସ୍ମାର୍ଟ ଲାଇଟ୍ ସର୍କିଟ୍ ଅପରେସନ୍ ସିଷ୍ଟମର ପ୍ରଭାବଶାଳୀ ବ୍ୟବହାର ପାଇଁ ଚୟନ କରାଯାଇଥିଲା। ଏହି ପଦକ୍ଷେପଗୁଡ଼ିକ ଷ୍ଟେସନକୁ ୯,୬୮୭ ୟୁନିଟ୍ ବୈଦ୍ୟୁତିକ ଶକ୍ତି ସଞ୍ଚୟ କରିବାରେ ସାହାଯ୍ୟ କରିଛି, ଯାହା ଶକ୍ତି ଦକ୍ଷତା ଏବଂ ସ୍ଥାୟୀ ବିକାଶ ଉପରେ ରେଳବାଇର ଦୃଢ ଧ୍ୟାନକୁ ପ୍ରତିଫଳିତ କରେ ।

ମିଆନା ରେଳ ଷ୍ଟେସନ ପ୍ରଭାବଶାଳୀ କାର୍ଯ୍ୟକାରିତା ତଥା ନିରନ୍ତର ବିକାଶର ଏକ ମଡେଲ ଭାବରେ ଉଭା ହେବା ସହିତ ଭାରତୀୟ ରେଳବାଇ ଶକ୍ତି ସଞ୍ଚୟ, ମୂଲ୍ୟ ଦକ୍ଷତା ଏବଂ ପରିବେଶ ଅନୁକୂଳ ପରିଚାଳନା ପାଇଁ ପ୍ରତିଶ୍ରୁତିବଦ୍ଧ ।

HS