مرکزی وزیر سربانند سونووال نے آج اروناچل پردیش کے انجا ضلع میں المناک سڑک حادثے میں جان گنوانے والوں کے اہل خانہ سے ملاقات کی۔ ڈبروگڑھ لوک سبھا حلقہ سمیت آسام کے کئی متاثرین اس واقعہ میں ہلاک ہوئے جس کی وجہ سے پورا خطہ غم میں ڈوباہوا ہے۔

سونووال نے تنسوکیا  ضلع کے گیلاپکھوری میں سوگوار کنبوں سے ملاقات کی اور اپنے دلی تعزیت کا اظہار کیا۔ انہوں نے ان کے ساتھ یکجہتی کا اظہار کرتے ہوئے یقین دلایا کہ حکومت اس مشکل وقت میں ہر متاثرہ خاندان کے ساتھ مضبوطی سے کھڑی ہے۔

وزیر موصوف نے کہا کہ وہ واقعہ کے بعد سے مسلسل صورتحال پر نظر رکھے ہوئے ہیں۔ انہوں نے آسام کے چیف سکریٹری سے بات کی ہے اور ان سے اپیل کی ہے کہ وہ اروناچل پردیش میں حکام کے ساتھ قریبی تال میل برقرار رکھیں۔ سونووال نے ہدایت کی کہ تمام متعلقہ سرکاری ایجنسیاں اس بات کو یقینی بنانے کے لیے مل کر کام کریں کہ بچاؤ اور امدادی کارروائیاں تیزی اور مؤثر طریقے سے جاری رہیں۔

سربانند سونووال نے کہا، ’’ متاثرین کے اہل خانہ سے میری گہری تعزیت اور زخمیوں کی جلد صحت یابی کے لیے دعاگو ہوں ۔ دکھ غم اس گھڑی میں ہم متاثرین کے ساتھ مضبوطی سے کھڑے ہیں۔‘‘

جائے حادثہ پر مربوط امدادی کوششیں جاری ہیں، ٹیمیں تمام ضروری طریقہ کار کو مکمل کرنے کے لیے کام کر رہی ہیں۔

وزیر اعظم نریندر مودی نے ہلاک ہونے والے ہر ایک فرد کے لواحقین کو پی ایم این آر ایف سے 2 لاکھ روپے یک مشت ادائیگی کا اعلان کیا ہے۔ حکومت آسام نے بھی کنبوں کے لیے مالی تعاون کا اعلان کیا ہے۔

نقصان کو "ناقابل تلافی" قرار دیتے ہوئے جناب سونووال نے کہا کہ سوگواروں کا درد دل کی گہرائیوں سے محسوس کیا گیا ہے اور ہر ممکن مدد فراہم کرنے کے عزم کا اعادہ کیا ہے۔ انہوں نے مرحوم کی روح کے لیے ابدی سکون اور لواحقین کو یہ گہرا نقصان برداشت کرنے کی طاقت کے لیے دعا کی۔

فوٹو کیپشن: مرکزی وزیر سربانند سونووال نے ضلع  انجا متاثرین (اروناچل پردیش سانحہ) سے ملاقات کی اور ان کے حالات دریافت کیے اور طبی نگہداشت کے انتظامات کا جائزہ لیا۔

**********

 (ش ح –ا ب ن)

U.No:3097

(रिलीज़ आईडी: 2203344) आगंतुक पटल : 8