مرکزی حکومت نے 15 ویں مالیاتی کمیشن کی گرانٹس کے تحت مہاراشٹر میں دیہی بلدیاتی اداروں کے لیے 717.17 کروڑ روپے جاری کیے ہیں ۔  یہ رقم مالی سال 2025-26 کے لئے غیر منسلکہ گرانٹس کی پہلی قسط ہے ۔  یہ فنڈ ریاست میں باضابطہ طور پر منتخب اور اہل دیہی بلدیاتی اداروں کو جاری کیے گئے ہیں ، جن میں 2 ضلع پنچایتیں (ضلع پریشد) 15 بلاک پنچایتیں (پنچایت سمیتی) اور 26,544 گرام پنچایتیں شامل ہیں ۔

حکومت ہند پنچایتی راج کی وزارت اور جل شکتی کی وزارت (پینے کے پانی اور صفائی ستھرائی کا محکمہ) کے ذریعے دیہی مقامی اداروں (آر ایل بی)/پنچایتی راج کے  اداروں (پی آر آئی) کے لیے ریاستوں کوپندرہویں -ایف سی کی گرانٹس  جاری کرنے کی سفارش کرتی ہے ، جس کے بعد  وہ گرانٹس وزارت خزانہ کے ذریعے جاری کی جاتی ہیں ۔ اس کے تحت  مختص کردہ گرانٹس کی سفارش کی جاتی ہے اور ایک مالی سال میں 2 قسطوں میں اسے جاری کیا جاتا ہے ۔  انٹائیڈ گرانٹس کو آر ایل بی/پی آر آئی کے ذریعے آئین کے گیارہویں شیڈول میں درج 29 مضامین کے تحت مخصوص مقامات سے متعلق محسوس کی جانے والی ضروریات کو پورا کرنے کے لیےسوائے تنخواہوں اور دیگرادارہ جاتی  اخراجات کے استعمال کیا جائے گا ۔  ٹائیڈ گرانٹس کو (اے) صفائی ستھرائی اور او ڈی ایف کیحیثیت  کو برقرار رکھنے کی بنیادی خدمات پوری کرنے کے لیے ، اور اس میں گھریلو فضلات کا نظم اور اتلاف ، اور انسانی فضلہ اور خاص طور  فضلہ کے مواد کا   نظم شامل ہونا چاہئے   اور (بی) پینے کے پانی کی فراہمی ، بارش کے پانی کی ذخیرہ اندوزی اور پانی کی ری سائیکلنگ کے لیے استعمال کیا جا سکتا ہے ۔

***

ش ح۔م ش ع ۔ ش ا

U. No-3018