দিভেলপমেন্ত ওফ নোর্থ ইস্ত রিজন(দি.ও.এন.ই.আর.) না জনৱারী 31, 2025 দা মরুওইবা সেক্তরশিং মিং ওইনা হায়রবদা এগ্রিকলচর এন্দ হোর্তিকলচর, ইনভেস্তমেন্ত প্রমোসন, তুরিজম, হেন্দলুম অমসুং হেন্দিক্রাফশিং, ইকোনোমিক কোরিদোর দিভেলপমেন্ত, এনিমেল বেজ ইসেন্সিএল প্রোতীনশিংদা ইরোমদোম পুথোকচবা ঙম্বা, প্রমোসন অমসুং ইনফ্রাস্ত্রকচর অমসুং কনেক্তিবিতীগী স্ত্রেতিজীশিং শেম্নবা অমসুং রিকমেন্দ তৌনবা হাই লেভেল তাস্ক ফোর্স নিপান শেমখি।

হৌজিক ফাওবদা ঐচ.এল.তি.এফ. কী পুন্না মীফম 23 পাংথোকখ্রে।

মসিগী হাই লেভেল তাস্ক ফোর্স অসি অৱাং-নোংপোক্কী লমদমশিং(এন.ই.আর.)গীদমক্তা থবক তৌই। তাস্ক ফোর্সশিং অসি অৱাং-নোংপোক রাজ্যশিংগী মরক্তগী রাজ্য অমহেক্তদগী মুখ্যমন্ত্রী/রাজ্যপালনা শেমগদবনি, মসিদা অতোপ্পা অৱাং-নোংপোক রাজ্যশিংগী মুখ্যমন্ত্রী অহুম অমসুং নোর্থ ইস্ত দিভেলপমেন্ত রিজনগী মন্ত্রিনা মীহুৎ ওই। ইন্তর-স্তেত কোওর্দিনেসন্না নিংথিনা ৱারী-ৱাতাই শান্নদুনা মদুদা কোওর্দিনেতর ওইরিবা রাজ্যনা শরুক য়ামিন্নরিবা রাজ্যশিংদগী সজেসনশিং খোমজিল্লি অমসুং তেংবাং পীনবগী ওইবা ৱারেপ লৌবদা মতেং পাংই।

মিনিস্ত্রী ওফ নোর্থ ইস্ত দিভেলপমন্তনা শেম্বা চাওখৎলবা অৱাং-নোংপোক চাওখৎহন্নবগীদমক্তা ব্রীজ পোর্তেল, অৱাং-নোংপোক লমদমশিংদা প্রোজেক্তশিং উৎনবা অমসুং ইভালুএৎ তৌনবগীদমক্তা চাউরবা ৱান-ৱিন্দো দিজিতেল সিস্তেম ওইনা থবক তৌই। প্লেৎফোর্ম অসিদগী রাজ্য সরকারশিং অমসুং কেন্দ্রগী এজেন্সীশিংগী হান্না থম্বা ৱাখল্লোনশিংগী নোতশিং/দি.পি.আর. অপলোদ তৌদুনা মসিদগী প্রোজেক্ত প্রোপোজেলশিংগী প্রোসেস অসি নিংথিনা তৌহল্লি। পোর্তেল অসি মেন্যুএল ওইনা প্রোসেস তৌহন্দনা অমসুং নুং-পান ফাওনা থবক য়াংশিলহন্দুনা ময়েক শেংনা চেক তৌই, মন্ত্রালয়গী মনুংদা লৈবা মশেল ৱা তান্নবা অমসুং থুনা ৱারেপ লৌবদা  মতেং ওই।

পোর্তেল অসি অপুনবা ওইনা য়েংশিবা অমসুং অমগা-অমগা ৱা ফাওনবগা লোয়ন-লোয়ননা অয়াবা প্রোপোজেলশিংগীদমক্তা ফন্দ থাদোক্নবগীদমক্তা ৱা থাঙ্গৎলকপা লৌশিন্নবা অমসুং প্রোসেস তৌনবগী মেকানিজম অমা ওইনসু থবক তৌই। মন্ত্রালয়শিং, বিভাগশিং অমসুং স্তেত ওথোরিতীশিনা মখোয়গী প্রোপোজেলশিংগী ফীভম য়েংশিন্নবা, ৱাহংশিংগী পাউখুম পীনবা অমসুং থবক চত্থবগী মতাংদা অপদেত অদু ফংহন্দুনা ৱা হায়দোক-হায়জিন তৌনবদা নুংঙাইহল্লি। স্তেকহোল্দরশিং খুদিংমক্না অপুনবা দিজিতেল ইন্তরফেসতা পুরক্তুনা মসিগী সিস্তেমেতিক ওইবা প্রোজোক্তশিং অসি কো-ওর্দিনেৎ তৌবদা হেন্না ফগৎহল্লি, হজ্ঞিন-হজ্ঞিন তৌবা হন্থহল্লি অমসুং অৱাং-নোংপোক লমদমশিং থুনা চাউখৎনবগীদমক্তা মতম-মতমগী অমদি খুৎশম্নগী থবক চত্থবদা মতেং ওইহল্লি।

গৃহ মন্ত্রীনা ভাইব্রেন্ত বিলেজ থৌরমগী থোংদগী অৱাং-নংপোক রাজ্যশিংগী খুঙ্গং খরা পুনশিন্ননা চাউখৎনবগীদমক্তা খনখ্রে। হায়রিবা থবকশিংগী মরুওইবা পান্দমশিংদি ইনফ্রাস্ত্রকচর শেম্বা, পুন্সি মহিং ফগৎহনবা অমসুং সরভিসসিং হেন্না ফগৎহন্নবনি।

অৱাং-নোংপোক লমদমগী প্রোজেক্তশিং নিংথিনা শেম্বা অমসুং থবক্তা ওন্থোকপা অসি হেন্না ফগৎহন্নবগীদমক্তা তেক্নোলোজী বেজ সিস্তেম মরুওইনা পি.এম. গতি শক্তি পোর্তেল অসি নিংথিনা শিজিন্নরি। রাজ্য সরকারশিং অমসুং কেন্দ্রগী এজেন্সীশিংনা পুথোকপা ৱাখল্লোনশিং অসি পোর্তেলগী থোংদগী হজ্ঞিন-হজ্ঞিন্নবা মখল অমত্তা থোক্তনবা কো-ওর্দিনেৎ তৌই।

পোর্তেল অসিদগী হান্নগী ৱা থাঙ্গৎলকপা অসি য়েংশিনবগা লোয়ন-লোয়ননা প্রোজেক্তশিং মপুং ফাবদা রিভিয়ু তৌবদসু মতেং ফংদুনা মসিনা নুং-পান উবা অমসুং য়েংশিনবদা হেন্না ফগৎহল্লি।

নোর্থ ইস্ত দিভেলপমেন্ত ম্ন্তরী দা.সুকান্ত মজুমদারনা ঙসি রাজ্যসভাগী ৱাহং অমগী অইবা পাউখুম ওইনা পীখি।

***