وزارت بین الاقوامی سی بیڈ اتھارٹی (آئی ایس اے) کے ساتھ دستخط شدہ معاہدے کی بنیاد پر بحر ہند میں قومی دائرہ اختیار سے باہر سمندری تہہ کے معدنیات جیسے پولی میٹالک نوڈولس اور پولی میٹالک سلفائیڈز کی تلاش کی سرگرمیاں انجام دے رہی ہے۔ آئی ایس اے اقوام متحدہ کا ایک ادارہ ہے جو اقوام متحدہ کے سمندر کے قانون کے کنونشن کے تحت ہے۔ نیشنل انسٹی ٹیوٹ آف اوشین ٹیکنالوجی (این آئی او ٹی)، جو زمینی سائنس کی وزارت کے تحت ایک خودمختار ادارہ ہے، نے ایک گہرے سمندر میں کانکنی کا نظام ڈیزائن کیا ہے جس کا مقصد 5500 میٹر کی گہرائی سے پولی میٹالک نوڈولس کی پائیدار کٹائی ہے۔ ایک ریموٹ سے چلنے والا آبدوز (آر او ایس یو بی 6000) اور ایک ریموٹ سے چلنے والا ان سیٹو سوائل ٹیسٹنگ آلہ بھی تیار کیا گیا۔ این آئی او ٹی نے ایم اے ٹی ایس وائی اے600نام کا ایک انسان بردار آبدوز بھی ڈیزائن کیا ہے۔

وزارت نے2002 میں،بحر ہند میں 75,000 مربع کلومیٹر کے مختص علاقے میں پولی میٹالک نوڈولس کی تلاش کے لئے انٹرنیشنل سی بیڈ اتھارٹی (آئی ایس اے) کے ساتھ ایک معاہدے پر دستخط کئے تھے۔ تلاشی کی سرگرمیاں آئی ایس اے سے منظور شدہ ورک پلان کے مطابق کی جاتی ہیں، جس میں سروے اور ایکسپلوریشن، ماحولیاتی اثرات کی تشخیص، کانکنی کی ٹیکنالوجی کی ترقی، اور میٹالرجیکل عمل کی ترقی شامل ہے۔

آئی ایس اے کے ساتھ معاہدوں والے تمام ممالک اب گہرے سمندر میں کانکنی کی ٹیکنالوجی تیار کرنے میں مصروف ہیں۔ مزید برآں، تمام ممالک گہرے سمندری معدنیات کے لئے آئی ایس اے کے استحصال کے ضوابط تیار کرنے میں شامل ہیں۔

***

ش ح۔ ک ا۔ ن ع

U.NO.2954

(ریلیز آئی ڈی: 2202466) وزیٹر کاؤنٹر : 27