کامرس اور صنعت کی وزارتہ
ڈی پی آئی آئی ٹی نے اے آئی-کاپی رائٹ انٹرفیس پر ورکنگ پیپر کا پہلا حصہ شائع کیا
प्रविष्टि तिथि:
09 DEC 2025 12:12PM by PIB Delhi
صنعت اور داخلی تجارت کے فروغ کے محکمے نے اپنے ورکنگ پیپر کاپہلا حصہ شائع کیا،جس میں جنریٹیو آرٹیفیشل انٹیلی جنس (اے آئی) اور کاپی رائٹ قانون کے درمیان باہمی تعلق کا جائزہ لیاگیا ہے ۔ اس مقالے میں ڈی پی آئی آئی ٹی (‘‘کمیٹی’’) کی طرف سے 28 اپریل 2025 کو تشکیل دی گئی آٹھ رکنی کمیٹی کی سفارشات کو شامل کیا گیا ہے، جس کا مقصد جنریٹیو مصنوعی ذہانت سے متعلق مسائل کو حل کرنا، موجودہ قانون کی مطابقت کا جائزہ لینے اور اگر ضروری ہو تو قانون میں ترامیم کے بارے میں سفارشات پیش کی جا سکیں ۔
ورکنگ پیپر موجودہ طریقوں کا جائزہ لیتا ہے، اس میں وسیع استثنیٰ، متن اور ڈیٹا مائننگ کے علاوہ، آپٹ آؤٹ کے حقوق کے ساتھ یا اس کے بغیر رضاکارانہ لائسنسنگ، یا توسیع شدہ اجتماعی لائسنسنگ شامل ہیں۔ ان تمام ماڈلز کے حوالے سے موزونیت کے خدشات کو مدنظر رکھتے ہوئے، جیسا کہ ورکنگ پیپر میں بیان کیا گیا ہے، ورکنگ پیپر ایک نئے پالیسی فریم ورک کی تجویز پیش کرتا ہے جس کا مقصد مواد کے تخلیق کاروں اور اے آئی اختراع کرنے والوں کے حقوق میں توازن پیدا کرنا ہے۔
زیرو پرائس لائسنس ماڈل کو مسترد کرتے ہوئے کمیٹی کا استدلال ہے کہ یہ انسانی تخلیقی صلاحیتوں کے لیے ترغیبات کو کمزور کرے گا اور انسانی تخلیق کردہ مواد کی طویل مدتی کم پیداوار کا باعث بن سکتا ہے ۔
متبادل کے طور پر ، کمیٹی ایک ہائبرڈ ماڈل تجویز کرتی ہے جس کے تحت:
- اے آئی ڈویلپرز کو ذاتی طور پر بات چیت کی ضرورت کے بغیر ، تربیتی مقاصد کے لیے تمام قانونی طور پر رسائی حاصل کردہ مواد کے استعمال کے لیے ایک وسیع لائسنس ملتا ہے ۔
- رائلٹی صرف اے آئی ٹولز کی کمرشلائزیشن پر قابل ادائیگی ہوگی ، جس کی شرح حکومت کی مقرر کردہ کمیٹی کے ذریعے مقرر کی جائیں گی ۔یہ شرحیں عدالتی جائزہ کے تحت ہوں گی۔
- ایک مرکزی میکانزم رائلٹی جمع کرنے اور تقسیم کو سنبھالتا ہے، جس کا مقصد لین دین کے اخراجات کو کم کرنا ، قانونی یقین دہانی فراہم کرنا ، اور بڑے اور چھوٹے اے آئی ڈویلپرز دونوں کے لیے مساوی رسائی کی حمایت کرنا ہے ۔
ڈاکٹر راگھویندر راؤ نےاس میں قابل قدر تعاون دیا،جس کی مدد سے ورکنگ پیپر تیار کیا گیا ۔
محترمہ ڈی سری پریہ ، جناب کشل ودھاوَن ، اور محترمہ پرینکا اروڑا نے بھی کمیٹی کے اراکین کو کاغذ تیار کرنے میں مدد کی ۔
اس اشاعت کا اعلان کرتے ہوئے، ڈی پی آئی آئی ٹی نے اس مسودے کو 30 دنوں کے لیے عوام اور اسٹیک ہولڈرز کی مشاورت کے لیے پیش کیا ہے، جس میں مجوزہ ماڈل پر عوام کی رائے طلب کی گئی ہے۔ یہ پیپر
https://www.dpiit.gov.in/static/uploads/2025/12/ff266bbeed10c48e3479c941484f3525.pdf
پر دستیاب ہے۔
۔۔۔۔۔۔۔۔۔۔۔
ش ح۔ک ا۔ن م۔
U-2692
(रिलीज़ आईडी: 2200775)
आगंतुक पटल : 14